ԵԼՔ 27:21 - Գրաբար Աստվածաշունչ (1895)

²¹ Ի խորանին վկայութեան՝ արտաքոյ վարագուրի ուխտին, լուցանիցէ զնա Ահարոն եւ որդիք իւր յերեկորեայ մինչեւ ցառաւօտ առաջի Տեառն. օրէն յաւիտենական յազգս ձեր առ ի յորդւոցն Իսրայելի։

ԵԼՔ 27:21 ပူးပေါင်းရင်းမြစ်များ

ԾՆՈՒՆԴՔ 1:5

Եւ կոչեաց Աստուած զլոյսն Տիւ, եւ զխաւարն կոչեաց Գիշեր. եւ եղեւ երեկոյ եւ եղեւ վաղորդայն, օր մի

ԾՆՈՒՆԴՔ 1:8

Եւ կոչեաց Աստուած զհաստատութիւնն Երկին. եւ եղեւ երեկոյ եւ եղեւ վաղորդայն, օր երկրորդ։

ՄՆԱՑՈՐԴԱՑ ԵՐԿՐՈՐԴ 13:11

ծխեն խունկս Տեառն, եւ զողջակէզս՝ ընդ առաւօտս եւ ընդ երեկոյս, եւ զխունկսն խառնուածոյս. եւ հացքն առաջադրութեան ի վերայ սուրբ սեղանոյն, եւ աշտանակն ոսկեղէն եւ ճրագունքն վառեալք՝ յերեկորեայ լուցեալք. վասն զի պահեմք մեք զպահպանութիւնս Տեառն Աստուծոյ հարցն մերոց՝՝, եւ դուք թողէք զնա։

ԳԻՐՔ ՍԱՂՄՈՍԱՑ 134:1

Օրհնեցէք զանուն Տեառն, օրհնեցէք, ծառայք Տեառն, զՏէր.

ԵԼՔ 12:14

Եւ եղիցի ձեզ օրդ այդ ի յիշատակ, եւ տօնեցէք զդա՝ տօն Տեառն. յազգս ձեր օրէն յաւիտենական տօնեցէք զդա։

ԵԼՔ 16:34

Որպէս հրաման ետ Տէր Մովսիսի, եւ եդ զայն Ահարոն առաջի Վկայութեանն ի պահեստ։

ԵԼՔ 25:16

Եւ դիցես ի տապանակին զվկայութիւնսն զոր ես տաց քեզ։

ԵԼՔ 28:43

Եւ ունիցի զայն Ահարոն եւ որդիք նորա, յորժամ մտանիցեն ի խորանն վկայութեան, կամ յորժամ մերձենայցեն ի սեղանն սրբութեան պաշտել, եւ մի՛ ածիցեն ի վերայ իւրեանց մեղս, զի մի՛ մեռանիցին. օրէն յաւիտենական նմա եւ զաւակի իւրում յետ նորա։

ԵԼՔ 29:28

Եւ եղիցի Ահարոնի եւ որդւոց նորա օրէն յաւիտենական առ ի յորդւոցն Իսրայելի. զի այն է նոցա հաս, եւ եղիցի նուէր յորդւոցն Իսրայելի ի զենլեաց փրկութեանց իւրեանց, նուէր՝՝ նոցա Տեառն։

ԵԼՔ 29:42

Զոհ յաճախութեան յազգս ձեր, առ դրան խորանին վկայութեան առաջի Տեառն, որովք ծանուցայց քեզ անդ խօսել ընդ քեզ։

ԵԼՔ 29:44

Եւ սրբեցից զխորան վկայութեանն եւ զսեղանն, եւ զԱհարոն եւ զորդիս նորա սրբեցից ինձ ի քահանայութիւն։

ԵԼՔ 30:21

Լուասցեն զձեռս եւ զոտս իւրեանց, զի մի՛ մեռանիցին. եւ եղիցի նոցա օրէն յաւիտենական, նմա եւ ազգաց նորա յետ նորա։

ԵԼՔ 30:36

Եւ աղասցես ի նոցանէ մանր, եւ դիցես ի նմանէ յանդիման վկայութեանն ի խորանին վկայութեան, ուստի երեւեցայց քեզ անտի. ի սրբութիւն սրբութեանցն եղիցի ձեզ խունկն այն զոր առնիցէք։

ԵԼՔ 30:8

Եւ յորժամ լուցանիցէ Ահարոն զճրագսն երեկորին, ծխեսցէ ի վերայ նորա՝՝ խունկս յաճախութեան հանապազորդ առաջի Տեառն յազգս իւրեանց։

ԵԼՔ 40:3

Եւ դիցես անդ զտապանակն վկայութեան, եւ ծածկեսցես զտապանակն վարագուրաւն։

ՂԵՒՏԱԿԱՆ 10:9

Գինի եւ ցքի մի՛ ըմպիցէք դու եւ որդիք քո ընդ քեզ յորժամ մտանիցէք ի խորանն վկայութեան, կամ յորժամ մերձենայցէք ի սեղանն,՝՝ զի մի՛ մեռանիցիք. օրէն յաւիտենական յազգս ձեր,

ՂԵՒՏԱԿԱՆ 16:34

Եւ եղիցի ձեզ այն օրէն յաւիտենական՝ քաւել վասն որդւոցն Իսրայելի յամենայն մեղաց նոցա մի անգամ ի տարւոջ առնիցի,՝՝ որպէս հրամայեաց Տէր Մովսիսի։

ՂԵՒՏԱԿԱՆ 17:7

Եւ ոչ եւս զոհիցեն զզոհս իւրեանց սնոտեաց զորոց զհետ ինքեանք պոռնկէին. օրէն յաւիտենական եղիցի ձեզ յազգս ձեր։

ՂԵՒՏԱԿԱՆ 23:14

եւ պան մի՛ եւ զամենայն մուրկ փխրեալ՝՝ մի՛ ուտիցէք մինչեւ յօրն յորում մատուցանիցէք պատարագս Աստուծոյ ձերոյ. օրէն յաւիտենական յազգս ձեր, յամենայն բնակութեան ձերում։

ՂԵՒՏԱԿԱՆ 23:21

Եւ կոչեսջիք զօրն զայն անուանեալ կոչեցեալ,՝՝ սուրբ եղիցի ձեզ. զամենայն գործ սպասաւորութեան մի՛ գործիցէք ի նմա. օրէն յաւիտենական եղիցի յազգս ձեր յամենայն բնակութեան ձերում։

ՂԵՒՏԱԿԱՆ 24:2

Պատուիրեա որդւոցն Իսրայելի, եւ առցեն քեզ եւղ ի ձիթենեաց սուրբ խակակութ ի լոյս, զի այրիցի ճրագ հանապազորդ,

ՂԵՒՏԱԿԱՆ 24:3

արտաքոյ վարագուրին ի խորանին վկայութեան. եւ լուցցեն զայն Ահարոն եւ որդիք նորա՝՝, յերեկորեայ մինչեւ ցառաւօտ առաջի Տեառն անպակաս. օրէն յաւիտենական յազգս ձեր։

ՂԵՒՏԱԿԱՆ 24:9

Եւ եղիցի Ահարոնի եւ որդւոցն նորա, եւ կերիցեն զայն ի սուրբ տեղւոջն. զի սրբութիւն սրբութեանց է այն նմա ի զոհաւորացն Տեառն, օրէն յաւիտանական։

ՂԵՒՏԱԿԱՆ 3:17

Օրէն յաւիտենական յազգս ձեր, յամենայն բնակութեան ձերում. զամենայն ճարպ եւ զամենայն արիւն մի՛ ուտիցէք։

ՂԵՒՏԱԿԱՆ 3:8

եւ դիցէ զձեռն իւր ի վերայ գլխոյ պատարագին իւրոյ, եւ սպանցէ զնա առ դրան խորանին վկայութեան. եւ հեղցեն որդիքն Ահարոնի քահանայք զարիւնն շուրջ զսեղանովն։

ՂԵՒՏԱԿԱՆ 6:15

Առցէ ափով իւրով ի նաշհոյ զոհին հանդերձ իւղով նորա եւ կնդրկաւն որ իցէ ի վերայ զոհին, եւ հանցէ ի սեղանն՝՝ պտուղ ի հոտ անուշից յիշատակ նորա Տեառն։

ՂԵՒՏԱԿԱՆ 7:36

որպէս պատուիրեաց Տէր տալ նոցա յաւուր յորում օծ զնոսա յորդւոցն Իսրայելի. օրէն յաւիտենական յազգս նոցա։

ՄԱՐԳԱՐԷՈՒԹԻՒՆ ՄԱՂԱՔԻԱՅ 2:7

Զի շրթունք քահանային զգուշասցին գիտութեան, եւ օրէնս խնդրեսցեն ի բերանոյ նորա. զի հրեշտակ Տեառն ամենակալի է։

ԹԻՒՔ 18:23

Եւ պաշտեսցէ Ղեւտացին ինքն զպաշտօն խորանին վկայութեան, եւ նոքա առցեն զմեղս նոցա. օրէն յաւիտենական յազգս իւրեանց. եւ մի՛ ժառանգեսցեն ժառանգութիւն ի մէջ որդւոցն Իսրայելի։

ԹԻՒՔ 18:5

Եւ պահեսջիք զպահպանութիւնս սրբութեանցն եւ զպահպանութիւնս սեղանոյն, եւ ոչ եւս լինիցի բարկութիւն յորդիսն Իսրայելի։

ԹԻՒՔ 19:21

Եւ եղիցի ձեզ այն օրէն յաւիտենական, եւ որ սրսկէ զջուրն սրսկման լուասցէ զձորձս իւր. եւ որ մերձենայցէ ի ջուրն սրսկման, անսուրբ լիցի մինչեւ ցերեկոյ։

ԹԻՒՔ 35:29

Եւ եղիցի այս ձեզ յիրաւունս դատաստանի յազգս ձեր, յամենայն բնակութեան ձերում։

ԹԻՒՔ 8:9

Եւ տարցիս զՂեւտացիսն առաջի խորանին վկայութեան. եւ ժողովեսցես զամենայն ժողովուրդ որդւոցն Իսրայելի։

Մատթեոսի Աւետարան 4:16

ժողովուրդ որ նստէր ի խաւարի՝ ետես լոյս մեծ. եւ որոց նստէին յաշխարհին եւ ի ստուերս մահու՝ լոյս ծագեաց նոցա։

ԱՒԵՏԱՐԱՆ ԸՍՏ ՂՈՒԿԱՍՈՒ 12:35

Եղիցին գօտիք ձեր պնդեալ ընդ մէջս, եւ ճրագունք լուցեալք։

ԱՒԵՏԱՐԱՆ ԸՍՏ ՅՈՎՀԱՆՆՈՒ 5:35

Նա էր ճրագն որ լուցեալ էր եւ ծագէր, եւ դուք կամեցարուք ցնծալ առ ժամանակ մի ի լոյս նորա։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 4:6

Զի Աստուած որ ասաց ի խաւարէ լոյս ծագել, որ եւ՝՝ ծագեաց իսկ ի սիրտս մեր ի լուսաւորութիւն գիտութեան փառացն Աստուծոյ ի դէմս Յիսուսի Քրիստոսի։

ԹՈՒՂԹ ՊԵՏՐՈՍԻ ԵՐԿՐՈՐԴ 1:19

Եւ ունիմք հաստատագոյն զբանն մարգարէական, որում եթէ անսայցէք, բարւոք առնէք, իբրեւ ճրագի որ տայցէ լոյս ի խաւարչտին տեղւոջ, մինչեւ տիւն լուսաւորեսցէ եւ արուսեակն ծագեսցէ ի սիրտս ձեր։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 2:1

Առ հրեշտակ Եփեսացւոց եկեղեցւոյն գրեա. Այսպէս ասէ որ ունի զեւթն աստեղս յաջ իւր, եւ շրջի ի մէջ եւթն աշտանակաց ոսկւոյ.

ԹԱԳԱՒՈՐՈՒԹԵԱՆՑ ԱՌԱՋԻՆ 3:3

եւ ճրագն Աստուծոյ չեւ եւս էր անցեալ, եւ Սամուէլ ննջէր ի տաճարին Տեառն ուր էր տապանակն Աստուծոյ։

ԹԱԳԱՒՈՐՈՒԹԵԱՆՑ ԱՌԱՋԻՆ 30:25

Եւ եղեւ յօրէ յայնմանէ եւ անդր իբրեւ օրէնք եւ իրաւունք ի մէջ Իսրայելի մինչեւ ցայսօր։