ԵԼՔ 25:37 - Գրաբար Աստվածաշունչ (1895)

³⁷ Եւ արասցես նմա ճրագարանս եւթն, եւ դիցես զճրագարանսն ի վերայ աշտանակին, եւ տայցեն լոյս ի միոջէ՝՝ կողմանէ երեսաց նորա։

ԵԼՔ 25:37 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 13:11

ծխեն խունկս Տեառն, եւ զողջակէզս՝ ընդ առաւօտս եւ ընդ երեկոյս, եւ զխունկսն խառնուածոյս. եւ հացքն առաջադրութեան ի վերայ սուրբ սեղանոյն, եւ աշտանակն ոսկեղէն եւ ճրագունքն վառեալք՝ յերեկորեայ լուցեալք. վասն զի պահեմք մեք զպահպանութիւնս Տեառն Աստուծոյ հարցն մերոց՝՝, եւ դուք թողէք զնա։

ՄՆԱՑՈՐԴԱՑ ԵՐԿՐՈՐԴ 4:20

եւ զաշտանակսն եւ զճրագունսն լուսոյ ըստ յօրինուածոյն յանդիման դաբիրայն ի մաքուր ոսկւոյ,

ԵԼՔ 25:38

Եւ զբազմակալս նորա եւ զնեցուկսն՝՝ արասցես յոսկւոյ սրբոյ. ի տաղանդէ միոյ յոսկւոյ սրբոյ արասցես զայն ամենայն սպաս։

ԵԼՔ 27:21

Ի խորանին վկայութեան՝ արտաքոյ վարագուրի ուխտին, լուցանիցէ զնա Ահարոն եւ որդիք իւր յերեկորեայ մինչեւ ցառաւօտ առաջի Տեառն. օրէն յաւիտենական յազգս ձեր առ ի յորդւոցն Իսրայելի։

ԵԼՔ 30:8

Եւ յորժամ լուցանիցէ Ահարոն զճրագսն երեկորին, ծխեսցէ ի վերայ նորա՝՝ խունկս յաճախութեան հանապազորդ առաջի Տեառն յազգս իւրեանց։

ԵԼՔ 37:23

Եւ արար զճրագարանս նորա եւթն, եւ զունելիս եւ զյարդարիչս նորա յոսկւոյ սրբոյ։

ԵԼՔ 40:24

Եւ եդ զաշտանակն ի խորանին վկայութեան յանդիման սեղանոյն, ի հարաւոյ կողմանէ խորանին։

ԵԼՔ 40:25

Եւ եդ զճրագարանսն ի վերայ նորա առաջի Տեառն, զոր օրինակ հրամայեաց Տէր Մովսիսի։

ԱՌԱԿՔ ՍՈՂՈՄՈՆԻ 6:23

Զի ճրագ է պատուիրան օրինացն, լոյս՝՝ եւ ճանապարհ կենաց՝ յանդիմանութիւն եւ խրատ,

ՄԱՐԳԱՐԷՈՒԹԻՒՆ ԵՍԱՅԵԱՅ 8:20

զի զօրէնս յօգնականութիւն ետ. զի ասիցեն թէ ոչ իբրեւ զբանս զայս, վասն որոյ չիք կաշառս տալ վասն նորա։

ՄԱՐԳԱՐԷՈՒԹԻՒՆ ԶԱՔԱՐԵԱՅ 4:2

Եւ ասէ ցիս. Զի՞նչ տեսանես դու։ Եւ ասեմ. Տեսանեմ ահա աշտանակ ոսկի ձոյլ, եւ գունդ ի վերայ նորա. եւ եւթն ճրագ ի վերայ նորա, եւ եւթն բերանք ճրագացն որ ի վերայ նորա.

ԹԻՒՔ 4:9

Եւ առցեն հանդերձ կապուտակ եւ ծածկեսցեն զաշտանակն լուսոյ եւ զերկոսին ճրագարանսն՝՝ նորա եւ զունելիս նորա եւ զբազմակալս նորա, եւ զամենայն ամանս իւղոյ որովք պաշտիցեն.

ԹԻՒՔ 8:2

Խօսեաց ընդ Ահարոնի եւ ասասցես ցնա. Յորժամ դնիցես զճրագունսն, ի միոջէ կողմանէ երեսաց աշտանակին լուցանիցին եւթանեքին ճրագարանքն։

Մատթեոսի Աւետարան 5:14

Դուք էք լոյս աշխարհի. ոչ կարէ քաղաք թաքչել որ ի վերայ լերին կայցէ։

ԱՒԵՏԱՐԱՆ ԸՍՏ ՂՈՒԿԱՍՈՒ 1:79

երեւել որոց ի խաւարի եւ ի ստուերս մահու նստէին, ուղղել զոտս մեր ի ճանապարհս խաղաղութեան։

ԱՒԵՏԱՐԱՆ ԸՍՏ ՅՈՎՀԱՆՆՈՒ 1:9

Էր Լոյսն ճշմարիտ, որ լուսաւոր առնէ զամենայն մարդ որ գալոց է՝՝ յաշխարհ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 12:5

Ընդէ՞ր ոչ եւղդ այդ վաճառեցաւ երեք հարեւր դենարի եւ տուաւ աղքատաց։

ԱՒԵՏԱՐԱՆ ԸՍՏ ՅՈՎՀԱՆՆՈՒ 8:12

Դարձեալ խօսեցաւ ընդ նոսա Յիսուս եւ ասէ. Ես եմ լոյս աշխարհի. որ գայ զկնի իմ՝ ընդ խաւար մի՛ գնասցէ, այլ ընկալցի զլոյսն կենաց։

ԳՈՐԾՔ ԱՌԱՔԵԼՈՑ 26:18

բանալ զաչս նոցա, դարձուցանել ի խաւարէ ի լոյս, եւ յիշխանութենէ Սատանայի՝ յԱստուած. առնուլ նոցա զթողութիւն մեղաց, եւ վիճակ ընդ սուրբս հաւատովքն որ յիս։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 1:12

Եւ դարձայ տեսանել զձայնն որ խօսէր ցիս. եւ ի դառնալն իմում տեսի եւթն ճրագարան ոսկի։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 1:20

զխորհուրդ եւթն աստեղացդ զոր տեսերդ յաջ իմ, եւ զեւթն ճրագարանս ոսկիս. եւթն աստեղքն հրեշտակք եւթն եկեղեցեացն են, եւ եւթն ճրագարանքն եւթն եկեղեցիքն են։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 1:4

Ի Յովհաննէ առ եւթն եկեղեցիս որ են յԱսիա, շնորհք ընդ ձեզ եւ խաղաղութիւն յԷէն եւ որ էն՝՝ եւ որ գալոցն է, եւ յեւթն զօրութեանց Հոգւոյն՝ որ է՝՝ առաջի աթոռոյն իւրոյ.

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 22:5

Եւ գիշեր ոչ անդ, եւ չէր ինչ անդ պէտք ճրագի եւ լուսոյ արեգական, վասն զի Տէր Աստուած լուսաւորէր զնոսա. եւ թագաւորեսցեն յաւիտեանս յաւիտենից։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 4:5

Եւ յաթոռոյ անտի ելանէին փայլատակմունք եւ ձայնք եւ որոտմունք. եւ եւթն ղամբարք հրոյ բորբոքելոյ առաջի աթոռոյն, որ են եւթն Հոգիքն Աստուծոյ։