ԵԼՔ 25:31 - Գրաբար Աստվածաշունչ (1895)

³¹ Եւ արասցես աշտանակ յոսկւոյ սրբոյ. ճախարակեայ գործեսցես զաշտանակն. բունն եւ ստեղունքն եւ սկահքն եւ գնդակքն եւ շուշանքն անդստին ի նմանէ իցէ։

ԵԼՔ 25:31 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԶԱՔԱՐԵԱՅ 4:2

Եւ ասէ ցիս. Զի՞նչ տեսանես դու։ Եւ ասեմ. Տեսանեմ ահա աշտանակ ոսկի ձոյլ, եւ գունդ ի վերայ նորա. եւ եւթն ճրագ ի վերայ նորա, եւ եւթն բերանք ճրագացն որ ի վերայ նորա.

ԹԱԳԱՒՈՐՈՒԹԵԱՆՑ ԵՐՐՈՐԴ 7:49

եւ զաշտանակսն հինգ ընդ աջմէ եւ հինգ ընդ ձախմէ հանդէպ դաբիրայն ի զուտ ոսկւոյ, եւ զբազմակալսն եւ զճրագունսն եւ զյարդարիչսն ոսկիս,

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 1:12

Եւ դարձայ տեսանել զձայնն որ խօսէր ցիս. եւ ի դառնալն իմում տեսի եւթն ճրագարան ոսկի։

ԱՌ ԵԲՐԱՅԵՑԻՍ ԹՈՒՂԹ 9:2

Զի խորանն առաջին հանդերձեցաւ այսպէս, յորում աշտանակն եւ սեղանն եւ հացն նուիրաց, որ Սրբութիւնն կոչէր։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 4:5

Եւ յաթոռոյ անտի ելանէին փայլատակմունք եւ ձայնք եւ որոտմունք. եւ եւթն ղամբարք հրոյ բորբոքելոյ առաջի աթոռոյն, որ են եւթն Հոգիքն Աստուծոյ։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 1:20

զխորհուրդ եւթն աստեղացդ զոր տեսերդ յաջ իմ, եւ զեւթն ճրագարանս ոսկիս. եւթն աստեղքն հրեշտակք եւթն եկեղեցեացն են, եւ եւթն ճրագարանքն եւթն եկեղեցիքն են։

ՄՆԱՑՈՐԴԱՑ ԵՐԿՐՈՐԴ 13:11

ծխեն խունկս Տեառն, եւ զողջակէզս՝ ընդ առաւօտս եւ ընդ երեկոյս, եւ զխունկսն խառնուածոյս. եւ հացքն առաջադրութեան ի վերայ սուրբ սեղանոյն, եւ աշտանակն ոսկեղէն եւ ճրագունքն վառեալք՝ յերեկորեայ լուցեալք. վասն զի պահեմք մեք զպահպանութիւնս Տեառն Աստուծոյ հարցն մերոց՝՝, եւ դուք թողէք զնա։

ԹԱԳԱՒՈՐՈՒԹԵԱՆՑ ԵՐՐՈՐԴ 7:24

Եւ նեցուկք ի ներքոյ նորա՝ շուրջանակի պատէին զնա ի տասն կանգնոյ շուրջանակի՝՝, երկու կարգ մութից ձուլեալք ի ձուլին նորա հաստատեալք։

ԹԱԳԱՒՈՐՈՒԹԵԱՆՑ ԵՐՐՈՐԴ 6:18

Եւ դրուագեաց զտունն ի ներքոյ եղեւնափայտիւք զկամարսն եւ զկոզակս, եւ զդրօշուածս՝՝ զամենայն յեղեւնափայտից, եւ ոչ երեւէր քարն.

ԵԼՔ 35:14

եւ զաշտանակն լուսոյ եւ զամենայն զկահ նորա, եւ զճրագարանս նորա եւ զեւղն լուսոյ,

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 2:5

Յիշեա այժմ ուստի անկարն, եւ ապաշաւեա, եւ զառաջին գործսն քո արա. ապա թէ ոչ՝ գամ ես՝՝ վաղվաղակի, եւ շարժեցից զաշտանակս քո ի տեղւոջէ իւրմէ, եթէ ոչ ապաշխարեսցես։

ԵԼՔ 25:34

Եւ յաշտանակի անդ չորք սկահաձեւք ընկուզազարդք յարդարեալք, եւ գնդակք եւ շուշանք նորա։

ԵԼՔ 25:36

Զի գնդակք նոցա եւ ստեղունք անդստին ի նմանէ իցեն, համակ ճախարակեայ ի միոջէ ոսկւոյ սրբոյ։

ՂԵՒՏԱԿԱՆ 24:4

Ի վերայ աշտանակին սրբոյ այրիցէք ճրագունս առաջի Տեառն մինչեւ ցառաւօտ՝՝։

ԹԻՒՔ 3:31

Եւ պահպանութիւն նոցա՝ տապանակն եւ սեղանն եւ աշտանակն եւ զոհանոցքն եւ կահ սրբութեանն որովք պաշտէինն, եւ սրսկապանն, եւ ամենայն գործի նոցա։

ԹԻՒՔ 4:9

Եւ առցեն հանդերձ կապուտակ եւ ծածկեսցեն զաշտանակն լուսոյ եւ զերկոսին ճրագարանսն՝՝ նորա եւ զունելիս նորա եւ զբազմակալս նորա, եւ զամենայն ամանս իւղոյ որովք պաշտիցեն.

ԹԻՒՔ 8:4

Եւ այս է կազմած աշտանակին. ձոյլ ոսկի, բուն նորա, եւ շուշանք նորա ձոյլ համակ՝՝, ըստ օրինակին որպէս եցոյց Տէր Մովսիսի՝ այնպէս արար զաշտանակն։

ԹԱԳԱՒՈՐՈՒԹԵԱՆՑ ԱՌԱՋԻՆ 3:3

եւ ճրագն Աստուծոյ չեւ եւս էր անցեալ, եւ Սամուէլ ննջէր ի տաճարին Տեառն ուր էր տապանակն Աստուծոյ։

ՄՆԱՑՈՐԴԱՑ ԱՌԱՋԻՆ 28:15

զկշիռ աշտանակաց ետ նմա, եւ զբազմակացն նմանութիւնս՝՝,

ՄՆԱՑՈՐԴԱՑ ԵՐԿՐՈՐԴ 4:7

Եւ արար զաշտանակսն ոսկիս տասն ըստ յօրինուածոյն իւրեանց, եւ ետ զնոսա ի տաճարին, զհինգն յաջմէ եւ զհինգն ի ձախմէ։

ՄՆԱՑՈՐԴԱՑ ԵՐԿՐՈՐԴ 4:20

եւ զաշտանակսն եւ զճրագունսն լուսոյ ըստ յօրինուածոյն յանդիման դաբիրայն ի մաքուր ոսկւոյ,

ԵԼՔ 31:8

եւ զսեղանն եւ զամենայն զկահ նորա, եւ զաշտանակն սուրբ եւ զամենայն զկահ նորա, եւ զսեղան խնկոցն,

ԵԼՔ 39:37

եւ զաշտանակն սուրբ եւ զճրագարանս նորա եւ զճրագունսն այրելոյ, եւ զամենայն զկահ նորա, եւ զեւղն լուսոյ,

ԹԻՒՔ 4:10

եւ արկցեն զնա եւ զամենայն զկահ նորա ի նուարտան մաշկեղէն կապուտակ, եւ դիցեն զնա ի վերայ լծակացն։

ԹԻՒՔ 8:1

Եւ խօսեցաւ Տէր ընդ Մովսիսի եւ ասէ.