ԵԼՔ 25:30 - Գրաբար Աստվածաշունչ (1895)

³⁰ Եւ դիցես ի վերայ սեղանոյ հացին երեսաց հաց՝՝ յանդիման իմ հանապազորդ։

ԵԼՔ 25:30 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 7:48

Եւ արար Սողոմոն զամենայն կահն որ ի տան Տեառն, զզոհանոցն ոսկի, եւ զսեղանն յորոյ վերայ հացն պատարագի՝ ոսկի,

ՄՆԱՑՈՐԴԱՑ ԱՌԱՋԻՆ 23:29

հացին առաջադրութեան, եւ ի վերայ նաշհոյ պատարագացն եւ քաքարացն բաղարջացն եւ տապակին, եւ զանգելոցն իւղով, եւ յամենայն չափսն,

ՄՆԱՑՈՐԴԱՑ ԱՌԱՋԻՆ 9:32

Եւ Բանէաս Կահաթացի յեղբարցն իւրոց՝՝ ի վերայ հացին առաջադրութեան՝ պատրաստել շաբաթէ ի շաբաթ։

ՄՆԱՑՈՐԴԱՑ ԵՐԿՐՈՐԴ 13:11

ծխեն խունկս Տեառն, եւ զողջակէզս՝ ընդ առաւօտս եւ ընդ երեկոյս, եւ զխունկսն խառնուածոյս. եւ հացքն առաջադրութեան ի վերայ սուրբ սեղանոյն, եւ աշտանակն ոսկեղէն եւ ճրագունքն վառեալք՝ յերեկորեայ լուցեալք. վասն զի պահեմք մեք զպահպանութիւնս Տեառն Աստուծոյ հարցն մերոց՝՝, եւ դուք թողէք զնա։

ՄՆԱՑՈՐԴԱՑ ԵՐԿՐՈՐԴ 2:3

Եւ առաքեաց Սողոմոն առ Քիրամ արքայ Տիւրոսի եւ ասէ. Որպէս արարեր ընդ հօրն իմոյ Դաւթի, եւ ետուր նմա մայր փայտս՝ շինել իւր տուն բնակելոյ ի նմա,

ՄՆԱՑՈՐԴԱՑ ԵՐԿՐՈՐԴ 2:4

եւ արդ ահա ես որդի նորա՝՝ շինեմ տուն անուան Տեառն Աստուծոյ իմոյ, սրբել զնա նմա, ծխել առաջի նորա խունկս եւ առաջադրութիւնս յամենայն ժամ, եւ մատուցանել ողջակէզս հանապազ առաւօտուց եւ երեկորին, եւ ի շաբաթս եւ յամսամուտս եւ ի տօնս Աստուծոյ մերոյ, յաւիտեան զայն յԻսրայելի։

ԵԼՔ 35:13

եւ զսեղանն, եւ զամենայն զկահ նորա եւ զհովանոցս սեղանոյն՝՝ եւ զլծակս նորա եւ զամենայն զկահ նորա, եւ զհացն երեսաց,

ԵԼՔ 39:36

զսեղանն զառաջաւոր եւ զամենայն զկահ նորա, եւ զհացն երեսաց,

ԵԼՔ 40:23

Եւ յօրինեաց ի վերայ նորա զհացն երեսաց առաջի Տեառն, զոր օրինակ հրամայեաց Տէր Մովսիսի։

ԵԼՔ 40:4

Եւ տարցիս ի ներքս զսեղանն, եւ յօրինեսցես զհացն ի վերայ նորա. եւ տարցիս ի ներքս զաշտանակն, եւ դիցես ի վերայ նորա զճրագարանս նորա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 41:22

Եւ դէմ յանդիման սրբութեանցն տեսիլ՝ իբրեւ նմանութիւն փայտեղէն սեղանոյ՝՝, երեք կանգուն ի բարձրութիւն, եւ երկու կանգուն յերկայնութիւն, եւ երկու կանգուն ի լայնութիւն. եւ եղջեւրք ի նմա. եւ յատակքն նորա եւ որմք՝՝ փայտեղէնք. եւ ասէ ցիս. Այս է սեղան երեսաց Տեառն։

ՄԱՐԳԱՐԷՈՒԹԻՒՆ ՄԱՂԱՔԻԱՅ 1:12

Եւ դուք պղծեցէք զնա՝ յասելն ձեր թէ՝ Սեղան Տեառն պիղծ է, եւ կերակուրն որ դնի ի վերայ նորա՝ արհամարհեալ։

ՄԱՐԳԱՐԷՈՒԹԻՒՆ ՄԱՂԱՔԻԱՅ 1:7

Զի մատուցանէք ի սեղան իմ հաց պղծութեան, եւ ասացէք. Ի՞ւ պղծեցաք զնոսա. յասելն ձեր թէ՝ Սեղան Տեառն արհամարհեալ է, եւ զոր ինչ դնին ի վերայ՝ արհամարհէք։՝՝

ԹԻՒՔ 4:7

Եւ ի վերայ զառաջաւորի սեղանոյն արկցեն հանդերձ համակ ծիրանի, եւ զափսէսն եւ զտուփս եւ զճաշակս եւ զնուիրանոցսն որովք նուիրեսցեն, եւ հացքն հանապազորդք ի վերայ նորա կացցեն.

Մատթեոսի Աւետարան 12:4

Զիա՛րդ եմուտ ի տունն Աստուծոյ եւ եկեր զհաց զառաջաւորութեանն, զոր ոչ էր օրէն նմա ուտել, եւ ոչ՝ որոց ընդ նմայն էին, բայց միայն քահանայից։

ԱՌ ԵԲՐԱՅԵՑԻՍ ԹՈՒՂԹ 9:2

Զի խորանն առաջին հանդերձեցաւ այսպէս, յորում աշտանակն եւ սեղանն եւ հացն նուիրաց, որ Սրբութիւնն կոչէր։

ԹԱԳԱՒՈՐՈՒԹԵԱՆՑ ԱՌԱՋԻՆ 21:4

Պատասխանի ետ քահանայն Աստուծոյ եւ ասէ ցԴաւիթ. Ոչ կայ հաց պիղծ ընդ ձեռամբ իմով, այլ հաց սրբութեան. եւ եթէ իցեն զգուշացեալ մանկտին ի կանանց, կերիցեն։

ԹԱԳԱՒՈՐՈՒԹԵԱՆՑ ԱՌԱՋԻՆ 21:5

Պատասխանի ետ Դաւիթ քահանային եւ ասէ ցնա. Ի կանանց մեկուսի եմք յերեկէ եւ յեռանդէ, յելանել ինձ ի ճանապարհս սրբեցան եւ մանկտին, զի եւ ճանապարհս իսկ պիղծ է. եւ վասն այնորիկ այսօր սրբեսցի գործովս իմով՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 21:6

Եւ ետ նմա Աքիմելէք քահանայ՝՝ ի զառաջաւոր հացէն. զի չգոյր անդ հաց, բաց ի հացէն երեսաց, առեալ յերեսաց Տեառն, դնել առաջի հաց ջերմ յաւուրն յորում առ զայն։