ԵԼՔ 2:24 - Գրաբար Աստվածաշունչ (1895)

²⁴ Եւ լուաւ Աստուած հեծութեան նոցա, եւ յիշեաց Աստուած զուխտ իւր որ ընդ Աբրահամու եւ Իսահակայ եւ Յակոբայ։

ԵԼՔ 2:24 ပူးပေါင်းရင်းမြစ်များ

ԾՆՈՒՆԴՔ 15:13

Եւ ասացաւ առ Աբրամ. Գիտելով գիտասջիր, զի պանդուխտ եղիցի զաւակ քո յերկիր որ ոչ իւր իցէ. եւ ծառայեցուսցեն զնոսա եւ չարչարեսցեն, եւ տառապեցուսցեն՝՝ զնոսա ամս չորեքհարեւր։

ԾՆՈՒՆԴՔ 16:11

Եւ ասէ ցնա հրեշտակն Տեառն. Ահաւադիկ դու յղի իսկ ես. եւ ծնցես որդի, եւ կոչեսցես զանուն նորա Իսմայէլ. զի լուաւ Տէր տառապանաց քոց։

ԾՆՈՒՆԴՔ 17:7

Եւ հաստատեցից զուխտ իմ ընդ իս եւ ընդ քեզ, եւ ի մէջ զաւակի քո յետ քո յազգս իւրեանց յուխտ յաւիտենական, լինել քեզ Աստուած եւ զաւակի քում յետ քո։

ԾՆՈՒՆԴՔ 18:18

Այլ Աբրահամ լինելով լինիցի յազգ մեծ եւ ի բազում, եւ օրհնեսցին ի նա ամենայն ազգք երկրի։

ԾՆՈՒՆԴՔ 22:16

Յանձն իմ երդուայ, ասէ Տէր, փոխանակ զի արարեր դու զբանդ զայդ, եւ ոչ խնայեցեր յորդիդ քո սիրելի վասն իմ։

ԾՆՈՒՆԴՔ 26:2

Եւ երեւեցաւ նմա Տէր եւ ասէ. Մի՛ իջաներ յԵգիպտոս, այլ բնակեա դու յերկրիդ յորում ասացից քեզ.

ԾՆՈՒՆԴՔ 26:24

Եւ երեւեցաւ նմա Տէր ի գիշերին յայնմիկ եւ ասէ. Ես եմ Աստուած հօր քո. մի՛ երկնչիր, զի ընդ քեզ եմ, եւ օրհնեցից զքեզ եւ բազմացուցից զզաւակ քո վասն Աբրահամու հօր քո։

ԾՆՈՒՆԴՔ 26:3

Պանդխտեաց յերկրիս յայսմիկ, եւ եղէց ընդ քեզ եւ օրհնեցից զքեզ. զի քեզ եւ զաւակի քում տաց զամենայն զերկիրս զայս, եւ հաստատեցից զերդումն իմ զոր երդուայ Աբրահամու հօր քում։

ԾՆՈՒՆԴՔ 32:28

Եւ ասէ ցսա. Յայսմ հետէ ոչ կոչեսցեն զանուն քո Յակոբ, այլ Իսրայէլ եղիցի անուն քո. զի ժուժկալեցեր ընդ Աստուծոյ եւ ընդ մարդկան, զօրաւոր լիջիր՝՝։

ԾՆՈՒՆԴՔ 35:11

Եւ ասէ ցնա Աստուած. Ես եմ Աստուած քո բաւական՝՝. աճեսջիր եւ բազմասջիր. ազգք եւ ժողովք ազգաց եղիցին ի քէն, եւ թագաւորք յերանաց քոց ելցեն։

ԾՆՈՒՆԴՔ 35:12

Եւ զերկիրդ զոր ետու Աբրահամու եւ Իսահակայ՝ քեզ տաց զդա, քեզ եղիցի, եւ զաւակի քում յետ քո տաց զերկիրդ զայդ։

ԾՆՈՒՆԴՔ 8:1

Եւ յիշեաց Աստուած զՆոյ եւ զամենայն գազանս եւ զամենայն անասունս եւ զամենայն թռչունս՝՝ որ էին ընդ նմա ի տապանի անդ. եւ ած Աստուած հողմ ի վերայ երկրի, եւ դադարեաց ջուրն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 13:23

Եւ ողորմեցաւ նոցա Տէր եւ գթացաւ ի նոսա եւ հայեցաւ ի նոսա վասն ուխտին իւրոյ որ ընդ Աբրահամու եւ ընդ Իսահակայ եւ ընդ Յակոբայ. եւ ոչ կամեցաւ Տէր ապականել զնոսա, եւ ոչ ընկէց զնոսա յերեսաց իւրոց։

ԳԻՐՔ ՍԱՂՄՈՍԱՑ 102:2

Օրհնեա, անձն իմ, զՏէր, եւ մի՛ մոռանար զամենայն տուրս նորա։

ԳԻՐՔ ՍԱՂՄՈՍԱՑ 102:20

Օրհնեցէք զՏէր, ամենայն հրեշտակք նորա, հզօրք զօրութեամբ՝ ոյք առնէք զբան նորա, ի լսել ձայնի պատգամաց նորա։

ԳԻՐՔ ՍԱՂՄՈՍԱՑ 105:42

Եւ թշնամիք իւրեանց նեղեցին զնոսա, եւ խոնարհ եղեն ի ներքոյ ձեռաց նոցա։

ԳԻՐՔ ՍԱՂՄՈՍԱՑ 138:3

Զշաւիղս իմ եւ զվիճակս իմ դու քննեցեր. եւ զամենայն ճանապարհս իմ յառաջագոյն տեսեր.

ԳԻՐՔ ՍԱՂՄՈՍԱՑ 22:5

Պատրաստ արարեր առաջի իմ սեղան, ակն յանդիման նեղչաց իմոց. օծեր իւղով զգլուխ իմ, բաժակ քո որպէս անապակ արբեցոյց զիս։

ԳԻՐՔ ՍԱՂՄՈՍԱՑ 79:11

Ծածկեաց զլերինս հովանի նորա, եւ բարունակ նորա զմայրս Աստուծոյ։

ԵԼՔ 6:5

Եւ ես լուայ հեծութեան որդւոցդ Իսրայելի զոր Եգիպտացիքդ ծառայեցուցանեն, եւ յիշեցի զուխտն իմ։

ԹԻՒՔ 20:16

Եւ բողոքեցաք առ Տէր, եւ լուաւ Տէր ձայնի մերում. եւ առաքեալ հրեշտակ՝ եհան զմեզ յԵգիպտոսէ. եւ արդ եմք մեք ի Կադէս քաղաքի, ի կողմն մի սահմանաց քոց.

ԳՈՐԾՔ ԱՌԱՔԵԼՈՑ 7:34

Տեսանելով տեսի զչարչարանս ժողովրդեան իմոյ որ յԵգիպտոս, եւ լուայ հեծութեան նոցա եւ իջի փրկել զնոսա. եւ արդ եկ առաքեցից զքեզ յԵգիպտոս։

ԴԱՏԱՒՈՐՔ 2:18

Եւ յորժամ յարոյց նոցա Տէր դատաւորս, եւ էր Տէր ընդ դատաւորին. եւ փրկեաց զնոսա ի ձեռաց թշնամեաց նոցա զամենայն աւուրս դատաւորին. զի մխիթարեցաւ Տէր ի հեծութենէ՝՝ նոցա յերեսաց պաշարողացն նոցա որ չարչարէին զնոսա։

ԹԱԳԱՒՈՐՈՒԹԵԱՆՑ ԱՌԱՋԻՆ 9:16

եթէ վաղիւ ի սոյն ժամու առաքեցից առ քեզ այր յերկրէն Բենիամինի, եւ օծցես զնա իշխան ի վերայ ժողովրդեան իմոյ Իսրայելի. եւ փրկեսցէ զժողովուրդ իմ ի ձեռաց այլազգեացն. զի հայեցայ ի տառապանս ժողովրդեան իմոյ, քանզի եհաս գոչիւն նոցա առ իս։