ԵԼՔ 18:16 - Գրաբար Աստվածաշունչ (1895)

¹⁶ Յորժամ լինիցի ինչ դոցա հակառակութիւն, գան առ իս, եւ ես ընտրեմ ի մէջ իւրաքանչիւր ուրուք, եւ իմացուցանեմ դոցա զհրամանս Աստուծոյ եւ զօրէնս նորա։

ԵԼՔ 18:16 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:3

Եւ ասէ ցնա Աբիսողոմ. Ահա բանք քո բարի են եւ դիւրինք, եւ որ ունկնդիր լինիցի քեզ՝ չիք առ ի յարքայէ։

ՄՆԱՑՈՐԴԱՑ ԵՐԿՐՈՐԴ 19:10

Ամենայն այր զիրաւունսն՝՝ զեկեալս առ ձեզ յեղբարց ձերոց՝ ի բնակչաց քաղաքացն իւրեանց, ի մէջ արեան եւ արեան, եւ ի մէջ իրաց եւ պատուիրանի. եւ զիրաւունս եւ զդատաստանս որոշեցէք նոցա, եւ մի՛ մեղիցեն առ Աստուած, եւ ոչ եւս եղիցի ի վերայ ձեր բարկութիւն, եւ ոչ ի վերայ եղբարց ձերոց. այսպէս արասջիք եւ ոչ մեղանչիցէք։

ԳԻՐՔ ՅՈԲԱՅ 31:13

Եթէ խոտեցի երբեք զիրաւունս ծառայի կամ աղախնոյ մատուցելոյ առ իս յատեան.

ԵԼՔ 18:17

Եւ ասէ ցնա աներն Մովսիսի. Ոչ է ուղիղ բանդ զոր առնես։

ԵԼՔ 2:13

Եւ ելեալ յերկրորդում աւուր, տեսանէր երկուս արս Եբրայեցիս ընդ միմեանս մարտուցեալս. եւ ասէ ցայրն որ զրկէրն. Ընդէ՞ր հարկանես զընկերդ։

ԵԼՔ 23:7

Յամենայն ի զուր բանէ՝՝ ի բաց լինիցիս, եւ զանպարտն եւ զարդարն մի՛ սպանանիցես. եւ զամպարիշտն մի՛ ապրեցուցանիցես վասն կաշառի՝՝։

ԵԼՔ 24:14

եւ ասէ ցծերսն. Դադարեցէք այդր մինչեւ դարձցուք առ ձեզ. եւ ահա Ահարոն եւ Ովր ընդ ձեզ են. եւ եթէ ուրուք դատաստան ինչ լինիցի, երթիցեն առ նոսա։

ՂԵՒՏԱԿԱՆ 24:15

Եւ ընդ որդիսն Իսրայելի խօսեսցիս եւ ասասցես ցնոսա. Այր ոք այր որ անիծանիցէ զԱստուած, մեղս ընկալցի.

ԹԻՒՔ 15:35

Եւ խօսեցաւ Տէր ընդ Մովսիսի եւ ասէ. Մահու մեռցի այրն. քարամբք քարկոծեսցեն զնա ամենայն ժողովուրդն արտաքոյ բանակին։

Մատթեոսի Աւետարան 28:20

Ուսուցէք նոցա պահել զամենայն որ ինչ պատուիրեցի ձեզ. եւ ահաւասիկ ես ընդ ձեզ եմ զամենայն աւուրս, մինչեւ ի կատարած աշխարհի։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 6:1

Իշխէ՞ ոք ի ձէնջ, եթէ իրք ինչ իցեն ընդ ընկերի իւրում, դատել առաջի անիրաւաց, եւ ոչ առաջի սրբոց։

ԵՐԿՐՈՐԴՈՒՄՆ ՕՐԻՆԱՑ 4:5

Տեսէք զի ուսուցի ձեզ զիրաւունս եւ զդատաստանս որպէս պատուիրեաց ինձ Տէր առնել զայն յերկրին յոր դուք մտանիցէք ժառանգել զնա։

ԵՐԿՐՈՐԴՈՒՄՆ ՕՐԻՆԱՑ 5:1

Եւ կոչեաց Մովսէս զամենայն Իսրայէլ եւ ասէ ցնոսա. Լուր, Իսրայէլ, զիրաւունս եւ զդատաստանս զոր ես խօսիմ յականջս ձեր յաւուր յայսմիկ, եւ ուսջիք զնոսա եւ զգոյշ լիջիք առնել զնոսա։

ԵՐԿՐՈՐԴՈՒՄՆ ՕՐԻՆԱՑ 6:1

Եւ այս են պատուիրանք եւ իրաւունք եւ դատաստանք զոր պատուիրեաց ձեզ Տէր Աստուած մեր, ուսուցանել զձեզ՝ առնել այնպէս յերկրին յոր դուք մտանիցէք ժառանգել.

ԹԱԳԱՒՈՐՈՒԹԵԱՆՑ ԱՌԱՋԻՆ 12:23

Եւ ինձ քաւ լիցի մեղանչել Տեառն, հեղգալ առ ի չառնելոյ աղօթս վասն ձեր. եւ ծառայեցէք Տեառն,՝՝ եւ ցուցից ձեզ զճանապարհն զբարի եւ զուղիղ։