ԵԼՔ 16:34 - Գրաբար Աստվածաշունչ (1895)

³⁴ Որպէս հրաման ետ Տէր Մովսիսի, եւ եդ զայն Ահարոն առաջի Վկայութեանն ի պահեստ։

ԵԼՔ 16:34 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 8:9

Եւ ոչ ինչ գոյր ի տապանակին, բայց երկու տախտակքն քարեղէնք տախտակք ուխտի՝՝, զորս եդ անդ Մովսէս ի Քորեբ, զորս ուխտեաց Տէր ընդ որդիսն Իսրայելի յելանել նոցա յերկրէն Եգիպտացւոց։

ԵԼՔ 25:16

Եւ դիցես ի տապանակին զվկայութիւնսն զոր ես տաց քեզ։

ԵԼՔ 25:21

Եւ դիցես զքաւութիւնն ի վերայ տապանակին ի վերուստ կողմանէ. եւ դիցես ի տապանակի անդ զվկայութիւնսն զոր ես տաց քեզ։

ԵԼՔ 27:21

Ի խորանին վկայութեան՝ արտաքոյ վարագուրի ուխտին, լուցանիցէ զնա Ահարոն եւ որդիք իւր յերեկորեայ մինչեւ ցառաւօտ առաջի Տեառն. օրէն յաւիտենական յազգս ձեր առ ի յորդւոցն Իսրայելի։

ԵԼՔ 30:36

Եւ աղասցես ի նոցանէ մանր, եւ դիցես ի նմանէ յանդիման վկայութեանն ի խորանին վկայութեան, ուստի երեւեցայց քեզ անտի. ի սրբութիւն սրբութեանցն եղիցի ձեզ խունկն այն զոր առնիցէք։

ԵԼՔ 30:6

Եւ դիցես զնա յանդիման վարագուրին, որ իցէ առաջի տապանակին վկայութեան, ընդդէմ վկայութեանն՝ որ իցէ առ վկայութեամբն, որովք՝՝ երեւեցայց քեզ անդ։

ԵԼՔ 31:18

Եւ ետ Մովսիսի, իբրեւ դադարեաց ինքն ի խօսից իւրոց ի լերինն Սինա, զերկուս տախտակսն վկայութեան, տախտակս քարեղէնս գրեալս մատամբն Աստուծոյ։

ԵԼՔ 38:21

Եւ այս էր պայման խորանին վկայութեան, որպէս հրաման ետ Մովսիսի կազմել զպաշտօն՝՝ Ղեւտացւոցն ի ձեռն Իթամարայ որդւոյ Ահարոնի քահանայի։

ԵԼՔ 40:20

Եւ առ զվկայութիւնն եւ եդ ի տապանակի անդ. եւ եդ զնիգսն ընդ տապանակաւն՝՝, եւ եդ զքաւութիւնն ի վերայ տապանակին ի վերուստ։

ԹԻՒՔ 1:50

եւ կացուսցես զՂեւտացիսն ի վերայ խորանին վկայութեան, եւ ի վերայ ամենայն կահի նորա, եւ ի վերայ ամենայնի որ ինչ է ի նմա. նոքա բարձցեն զխորանն եւ զամենայն զկահ նորա, եւ նոքա պաշտեսցեն ի նմա, եւ շուրջ զխորանաւն բանակեսցին։

ԹԻՒՔ 1:53

Բայց Ղեւտացիքն բանակեսցին շուրջ զխորանաւն վկայութեան յանդիման Տեառն՝՝, եւ ոչ լինիցին մեղք ի մէջ որդւոցն Իսրայելի. եւ պահեսցեն Ղեւտացիքն զպահպանութիւն խորանին վկայութեան։

ԹԻՒՔ 17:10

Եւ ասէ Տէր ցՄովսէս. Դիր զգաւազանդ Ահարոնի առաջի վկայութեանցն ի պահեստ, ի նշանակ որդւոցն անհնազանդից. եւ դադարեսցէ տրտնջիւն նոցա յինէն եւ մի՛ մեռանիցին։

ԵՐԿՐՈՐԴՈՒՄՆ ՕՐԻՆԱՑ 10:5

Եւ դարձայ իջի ի լեռնէ անտի, եւ եդի զտախտակսն ի ներքս ի տապանակին, եւ էին՝՝ անդ որպէս եւ պատուիրեաց ինձ Տէր։