ԵԼՔ 14:27 - Գրաբար Աստվածաշունչ (1895)

²⁷ Եւ ձգեաց Մովսէս զձեռն իւր ի վերայ ծովուն, եւ դարձաւ ջուրն ընդ առաւօտն ի տեղի իւր, եւ Եգիպտացիքն փախեան յերեսաց ջրոյն. եւ թօթափեաց Տէր զԵգիպտացիսն ի մէջ ծովուն։

ԵԼՔ 14:27 ပူးပေါင်းရင်းမြစ်များ

ԳԻՐՔ ՆԷԵՄԵԱՅ 9:11

եւ զծովն Կարմիր հերձեր առաջի նոցա, եւ անցին ընդ մէջ ծովուն իբրեւ ընդ ցամաք. եւ զհալածիչս նոցա ընկղմեցեր իբրեւ զվէմս ի ջուրս բազումս։

ԳԻՐՔ ՍԱՂՄՈՍԱՑ 106:11

Զի դառնացուցին զբանն Աստուծոյ, եւ զխորհուրդս Բարձրելոյն բարկացուցին։

ՄԱՐԳԱՐԷՈՒԹԻՒՆ ԵՍԱՅԵԱՅ 10:26

Եւ յարուսցէ Տէր Աստուած ի վերայ նոցա զհարուածս ըստ հարուածոցն Մադիամու ի տեղին չարչարանաց. եւ սրտմտութիւն նորա ըստ ճանապարհի ծովուն որ յելիցն Եգիպտացւոց՝՝։

ԵՐԿՐՈՐԴՈՒՄՆ ՕՐԻՆԱՑ 11:4

եւ զոր ինչ արար ընդ զօրսն Եգիպտացւոց, զկառս նոցա եւ զերիվարս իւրեանց՝՝. ո՛րպէս ծփեաց զջուրս Կարմիր ծովուն ի վերայ երեսաց նոցա ի յարձակել նոցա զկնի մեր, կորոյս զնոսա Տէր մինչեւ ցայսօր ժամանակի.

ԱՌ ԵԲՐԱՅԵՑԻՍ ԹՈՒՂԹ 11:29

Հաւատովք անցին ընդ ծովն Կարմիր իբրեւ ընդ ցամաք երկիր. զորոյ զփորձ առեալ Եգիպտացւոցն՝ ընկղմեցան։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:7

Եւ աղաղակեցաք առ Տէր, եւ եդ զամպն եւ զմէգ՝՝ ի մէջ ձեր եւ ի մէջ Եգիպտացւոց. եւ ած ի վերայ նոցա զծովն եւ ծածկեաց զնոսա. եւ տեսին աչք ձեր զոր արար Տէր՝՝ ընդ երկիրն Եգիպտացւոց. եւ էիք յանապատի անդ զաւուրս բազումս։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:18

Եւ եղեւ իբրեւ ելին քահանայքն որ բարձեալ ունէին զտապանակ ուխտին Տեառն ի միջոյ Յորդանանու, եւ եդին զոտսն քահանայքն ի ցամաքի, դիմեաց ջուրն Յորդանանու ի տեղի իւր, եւ գնայր որպէս յերէկն եւ յեռանդ ընդ ամենայն յատակս նորա։