ԵԼՔ 14:25 - Գրաբար Աստվածաշունչ (1895)

²⁵ Եւ կապեաց զանիւս կառաց նոցա, եւ վարէր զնոսա բռնութեամբ. ասեն Եգիպտացիքն. Փախիցուք յերեսաց Իսրայելի, զի Տէր պատերազմի վասն նոցա ընդ Եգիպտացիսս։

ԵԼՔ 14:25 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 20:29

Եւ եղեն արհաւիրք ի Տեառնէ ի վերայ ամենայն թագաւորութեանց երկրի ի լսելն նոցա եթէ Տէր ետ պատերազմ ընդ հակառակորդսն Իսրայելի։

ԳԻՐՔ ՆԷԵՄԵԱՅ 4:14

Եւ իմ յարուցեալ ասեմ ցարսն որ կազմ պատրաստեալ կային, եւ ցզօրագլուխս նոցա՝ եւ ցայնս որ տեղեաց տեղեաց պահապանքն էին. Մի՛ երկնչիք յերեսաց նոցա, յիշեցէք զԱստուած մեր՝՝ զմեծ եւ զահարկու, եւ պատերազմեցարուք վասն եղբարց ձերոց, եւ վասն կանանց եւ որդւոց եւ դստերաց եւ տանց ձերոց։

ԳԻՐՔ ՆԷԵՄԵԱՅ 6:16

Եւ եղեւ յորժամ լուան ամենայն թշնամիքն մեր, զարհուրեցան ամենայն հեթանոսքն որ շուրջ զմեւք, եւ անկաւ ի վերայ նոցա ահ եւ երկեւղ յոյժ, եւ գիտացին թէ յԱստուծոյ էր կատարումն գործոյն մերոյ։

ԳԻՐՔ ՆԷԵՄԵԱՅ 9:11

եւ զծովն Կարմիր հերձեր առաջի նոցա, եւ անցին ընդ մէջ ծովուն իբրեւ ընդ ցամաք. եւ զհալածիչս նոցա ընկղմեցեր իբրեւ զվէմս ի ջուրս բազումս։

ԳԻՐՔ ՅՈԲԱՅ 11:20

զի յոյս նոցա կորուստ է անձանց իւրեանց. աչք ամպարշտաց հալեսցի։՝՝

ԳԻՐՔ ՅՈԲԱՅ 20:24

եւ մի՛ ապրեսցի ի ձեռանէ երկաթոյ՝՝, խոցոտեսցէ զնա աղեղն պղնձի։

ԳԻՐՔ ՅՈԲԱՅ 27:22

Եւ ընկեսցէ զնա՝ եւ մի՛ խնայեսցէ. ի ձեռանէ նորա փախստիւ փախիցէ։

ԳԻՐՔ ՍԱՂՄՈՍԱՑ 35:1

Ի կատարած. ծառայի Տեառն, Սաղմոս Դաւթի։

ԳԻՐՔ ՍԱՂՄՈՍԱՑ 46:9

Թագաւորեաց Աստուած ի վերայ հեթանոսաց, Աստուած նստաւ յաթոռ սրբութեան իւրոյ։

ԳԻՐՔ ՍԱՂՄՈՍԱՑ 68:12

Արարի զհանդերձս իմ քուրձ, եւ եղէ յառակ նոցա։

ԳԻՐՔ ՍԱՂՄՈՍԱՑ 76:6

Խորհեցայ զաւուրսն զառաջինս, եւ զամս յաւիտենից յիշեցի։

ԵԼՔ 14:14

Տէր տայ պատերազմ ընդ ձեր, եւ դուք լռեցէք։

ԵԼՔ 14:18

Եւ ծանիցեն ամենայն Եգիպտացիքն թէ ես եմ Տէր, ի փառաւորել իմում ի փարաւոն եւ ի կառս նորա եւ յերիվարս նորա։

ԵԼՔ 14:4

Եւ ես խստացուցից զսիրտն փարաւոնի եւ պնդեսցի զհետ դոցա. եւ փառաւորեցայց ի փարաւոն, եւ յամենայն զօրս նորա, եւ ծանիցեն ամենայն Եգիպտացիքն թէ ես եմ Տէր։ Եւ արարին այնպէս։

ԵԼՔ 15:3

Տէր խորտակէ զպատերազմունս, Տէր՝՝ անուն նորա։

ՄԱՐԳԱՐԷՈՒԹԻՒՆ ԵՍԱՅԵԱՅ 31:4

Զի այսպէս ասաց ցիս Տէր, թէ՝ Զոր օրինակ գոչեսցէ առեւծ եւ կորիւն առիւծու յո՛րս յոր հասանիցէ, կոչեսցէ ի վերայ եւ լցցէ զլերինս բարբառով իւրով, եւ ի պարտութիւն մատնեսցին, եւ ի սաստկութենէ սրտմտութեան նորա հալեսցին՝՝, այնպէս իջցէ Տէր զօրութեանց ի լեառն Սիոն, եւ ի վերայ լերանց՝՝ դորա։

ՄԱՐԳԱՐԷՈՒԹԻՒՆ ԵՐԵՄԵԱՅ 51:21

եւ ցրուեցից ի քեզ զայրուձի նորա, եւ ցրուեցից ի վերայ քո՝՝ զկառս եւ զհեծեալս նորա։

ՄԱՐԳԱՐԷՈՒԹԻՒՆ ԱՄՈՎՍԱՅ 1:14

Բորբոքեցից հուր ի վերայ պարսպացն Ռաբայ, եւ կերիցէ զհիմունս նորա աղաղակաւ յաւուր պատերազմի, եւ շարժեսցի յաւուր վախճանի իւրոյ։

ՄԱՐԳԱՐԷՈՒԹԻՒՆ ԱՄՈՎՍԱՅ 5:19

Զոր օրինակ թէ փախիցէ մարդ յերեսաց առիւծու, եւ պատահեսցէ նմա արջ, եւ փախնուցու ի տուն, եւ յեցուսցէ զձեռս իւր յորմն, եւ հարկանիցէ զնա օձ.

ՄԱՐԳԱՐԷՈՒԹԻՒՆ ԱՄՈՎՍԱՅ 9:1

Տեսի զՏէր զի կայր ի վերայ սեղանոյ, եւ ասէ. Բախեա զսեղանդ, եւ շարժեսցին դրանդիք, եւ կտրեա արկ ի գլուխս ամենեցուն. եւ զմնացորդս նոցա սրով կոտորեցից, եւ մի՛ ապրեսցէ ի նոցանէն փախուցեալն, եւ մի՛ զերծցի ի նոցանէ զերծեալն։

ԵՐԿՐՈՐԴՈՒՄՆ ՕՐԻՆԱՑ 1:30

Տէր Աստուած մեր որ երթայ առաջի երեսաց ձերոց, նա տայ պատերազմ ընդ նոսա փոխանակ ձեր, ըստ ամենայնի զոր արար ձեզ յերկրին Եգիպտացւոց առաջի աչաց ձերոց։

ԵՐԿՐՈՐԴՈՒՄՆ ՕՐԻՆԱՑ 3:22

մի՛ զանգիտիցէք. զի Տէր Աստուած մեր ինքնին պատերազմեսցի փոխանակ ձեր։

ԵՐԿՐՈՐԴՈՒՄՆ ՕՐԻՆԱՑ 32:31

Զի ոչ են իբրեւ զԱստուած մեր աստուածք՝՝ նոցա, եւ թշնամիք մեր վատախորհուրդք։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:14

Եւ ոչ եղեւ այսպիսի օր ոչ յառաջ եւ ոչ յետոյ, լսել Աստուծոյ ձայնի մարդոյ. զի Տէր պատերազմեցաւ խառն ընդ՝՝ Իսրայելի։

ԴԱՏԱՒՈՐՔ 4:15

Եւ զարհուրեցոյց Տէր զՍիսարա, եւ զամենայն կառս նորա եւ զամենայն բանակն նորա սրով սուսերի առաջի Բարակայ. եւ էջ Սիսարա ի կառաց իւրոց, եւ փախեաւ հետիոտս։