ԵԼՔ 14:10 - Գրաբար Աստվածաշունչ (1895)

¹⁰ Եւ եհաս մօտ փարաւոն, եւ համբարձեալ որդւոցն Իսրայելի զաչս իւրեանց տեսանէին զի բանակեցան Եգիպտացիքն ի թիկանց՝՝ նոցա, եւ երկեան յոյժ, եւ բողոքեցին որդիքն Իսրայելի առ Տէր։

ԵԼՔ 14:10 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 18:31

Եւ եղեւ իբրեւ տեսին իշխանք կառացն զՅովսափատ, եւ ասեն նոքա. Սա է արքայն Իսրայելի։ Եւ շուրջ եղեն զնովաւ պատերազմել. եւ գոչեաց Յովսափատ, եւ Տէր ապրեցոյց զնա. եւ դարձոյց զնոսա Աստուած ի նմանէ։

ԳԻՐՔ ՆԷԵՄԵԱՅ 9:9

Եւ տեսեր զնեղութիւնս հարցն մերոց որ յԵգիպտոս, եւ լուար աղաղակի նոցա ի վերայ Կարմիր ծովուն.

ԳԻՐՔ ՍԱՂՄՈՍԱՑ 107:13

Տուր մեզ օգնութիւն ի նեղութեան, զի սուտ է փրկութիւն մարդոյ։

ԳԻՐՔ ՍԱՂՄՈՍԱՑ 107:6

Բարձրեալ ես դու յերկինս, Աստուած, եւ յամենայն երկրի են փառք քո։

ԳԻՐՔ ՍԱՂՄՈՍԱՑ 34:17

Տէր, ե՞րբ տեսցես. ի բաց արա զանձն իմ ի խորամանկութենէ նոցա, եւ յառիւծուց զմիամօրութիւն իմ։

ԳԻՐՔ ՍԱՂՄՈՍԱՑ 53:5

Օտարք յարեան ի վերայ իմ, եւ հզօրք խնդրեցին զանձն իմ, եւ ոչ համարեցան զքեզ Աստուած առաջի իւրեանց։

ԳԻՐՔ ՍԱՂՄՈՍԱՑ 81:7

Դուք աւադիկ որպէս մարդիկ մեռանիք, եւ որպէս զմի յիշխանաց անկանիք։

ԵԼՔ 13:17

Եւ իբրեւ արձակեաց փարաւոն զժողովուրդն, ոչ առաջնորդեաց նոցա Աստուած ընդ երկիրն Փղշտացւոց, ընդ կարճոյ ճանապարհ. քանզի ասաց Աստուած թէ Գուցէ զանգիտիցէ ժողովուրդն յորժամ տեսանիցէ զպատերազմն, եւ դառնայցէ յԵգիպտոս։

ԵԼՔ 15:25

Աղաղակեաց Մովսէս առ Տէր, եւ եցոյց նմա Տէր փայտ, եւ արկ զայն ի ջուրն, եւ քաղցրացաւ ջուրն։ Եւ անդ եդ նմա իրաւունս եւ դատաստանս. եւ անդ փորձեաց զնա,

ՄԱՐԳԱՐԷՈՒԹԻՒՆ ԵՍԱՅԵԱՅ 26:16

Տէր, ի նեղութեան յիշեցաք զքեզ, զի փոքր նեղութիւն է խրատ քո մեզ. եւ՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 7:2

Ազդ եղեւ ի տուն Դաւթի եւ ասեն. Միաբանեաց Արամ ընդ Եփրեմայ, եւ զարհուրեցաւ անձն նորա եւ անձն ժողովրդեան նորա, զոր օրինակ շարժիցի յանտառի ծառ մի ի հողմոյ։

ՄԱՐԳԱՐԷՈՒԹԻՒՆ ԵՐԵՄԵԱՅ 22:23

Բնակեալդ ի Լիբանան, ամրացեալդ ի մէջ մայրից, հեծեծեսցես ի հասանել քեզ ցաւոց եւ երկանց իբրեւ ծննդականի։

ԵՐԿՐՈՐԴՈՒՄՆ ՕՐԻՆԱՑ 9:7

Յիշեա, մի՛ մոռանայցես ո՛րչափ բարկացուցեր զՏէր Աստուած քո յանապատին. յօրէ յորմէ ելէք յերկրէն Եգիպտացւոց, մինչեւ եկիք ի տեղիս յայս, խեռութեամբ վարէիք ի տեառնակողմնկոյս։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:6

եւ ապա եհան զձեզ յԵգիպտոսէ, եւ մտէք՝՝ ի ծովն, եւ պնդեցան Եգիպտացիքն զհետ հարցն ձերոց կառօք եւ երիվարօք ի ծովն Կարմիր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:7

Եւ աղաղակեցաք առ Տէր, եւ եդ զամպն եւ զմէգ՝՝ ի մէջ ձեր եւ ի մէջ Եգիպտացւոց. եւ ած ի վերայ նոցա զծովն եւ ծածկեաց զնոսա. եւ տեսին աչք ձեր զոր արար Տէր՝՝ ընդ երկիրն Եգիպտացւոց. եւ էիք յանապատի անդ զաւուրս բազումս։

ՅՈՎՀԱՆՆՈՒ ԱՌԱՋԻՆ՝՝ 4:18

Երկեւղ ոչ գոյ ի սէր, այլ սէրն կատարեալ ի բաց մերժէ զերկեւղն. զի երկեւղ ընդ տանջանօք է. իսկ որ երկնչին՝ չէ կատարեալ ի սէրն։