ԵԼՔ 12:41 - Գրաբար Աստվածաշունչ (1895)

⁴¹ Եւ եղեւ յետ չորեք հարեւր եւ երեսուն ամի, յաւուր յայնմիկ ելին ամենայն զօրութիւնք Տեառն յերկրէն Եգիպտացւոց։

ԵԼՔ 12:41 ပူးပေါင်းရင်းမြစ်များ

ԾՆՈՒՆԴՔ 50:24

Եւ խօսեցաւ Յովսէփ ընդ եղբարս իւր եւ ասէ. Ես աւասիկ մեռանիմ. այցելութեամբ այց արասցէ ձեզ Աստուած, եւ հանցէ զձեզ յերկրէս յայսմանէ յերկիրն զոր երդուաւ Աստուած տալ հարցն մերոց Աբրահամու, Իսահակայ եւ Յակոբայ։

ԹԱԳԱՒՈՐՈՒԹԵԱՆՑ ԵՐՐՈՐԴ 6:1

Եւ եղեւ յամին չորեքհարիւրորդի եւ քառասներորդի ելանելոյ որդւոցն Իսրայելի յԵգիպտոսէ, յամին չորրորդի ամսեանն երկրորդի՝՝ թագաւորելոյ արքայի Սողոմոնի ի վերայ Իսրայելի՝ շինէր զտունն Տեառն։

ՄՆԱՑՈՐԴԱՑ ԵՐԿՐՈՐԴ 14:12

Եւ եհար Տէր զԵթէովպացիսն առաջի Յուդայ, եւ փախեան Եթէովպացիքն։

ԳԻՐՔ ՍԱՂՄՈՍԱՑ 102:13

Որպէս գթայ հայր ի վերայ որդւոց իւրոց, այնպէս գթասցի Տէր յերկիւղածս իւր։

ԳԻՐՔ ՍԱՂՄՈՍԱՑ 114:1

Սիրեցի զի լուիցէ Տէր զձայն աղօթից իմոց.

ԵԼՔ 12:17

Եւ պահեսջիք զպատուիրանս իմ զայս՝՝. զի յաւուր յայսմիկ հանից զզօրութիւն ձեր յերկրէս Եգիպտացւոց. եւ առնիցէք զօրս զայս յազգս ձեր օրէն յաւիտենական։

ԵԼՔ 12:51

Եւ եղեւ յաւուր յայնմիկ եհան Տէր զորդիսն Իսրայելի յերկրէն Եգիպտացւոց հանդերձ զօրութեամբ իւրեանց։

ԵԼՔ 13:14

Եւ եթէ հարցանիցէ զքեզ որդին քո յետ այսորիկ եւ ասիցէ թէ Զի՞նչ է այդ. ասասցես ցնա. Զի հզօր ձեռամբ եհան զմեզ Տէր յերկրէն Եգիպտացւոց ի տանէ ծառայութեան։

ԵԼՔ 13:16

Եւ եղիցի նշան ի վերայ ձեռին քո, եւ անշարժ առաջի աչաց քոց, քանզի հզօր ձեռամբ եհան զմեզ Տէր յԵգիպտոսէ։

ԵԼՔ 13:3

Եւ ասէ Մովսէս ցժողովուրդն. Յիշեսջիք զօրս զայս յորում ելէք յԵգիպտոսէ ի տանէ ծառայութեան, զի հզօր ձեռամբ եհան զձեզ Տէր աստի. եւ ոչ ուտիցէք խմորուն։

ԵԼՔ 13:9

Եւ եղիցի քեզ նշան ի վերայ ձեռին քո, եւ յիշատակ առաջի աչաց քոց, զի լինիցին օրէնք Տեառն ի բերանի քում. զի հզօր ձեռամբ եհան զքեզ Տէր յԵգիպտոսէ։

ԵԼՔ 3:10

Եւ արդ եկ առաքեցից զքեզ առ փարաւոն արքայ Եգիպտացւոց՝՝, եւ հանցես զժողովուրդ իմ, զորդիսն Իսրայելի, յերկրէն Եգիպտացւոց։

ԵԼՔ 3:8

եւ իջի փրկել զնոսա ի ձեռաց Եգիպտացւոցն, եւ հանել զնոսա յերկրէն յայնմանէ, եւ տանել զնոսա յերկիր բարի եւ յընդարձակ, յերկիր՝ որ բղխէ զկաթն եւ զմեղր. յերկիրն Քանանացւոց եւ Քետացւոց եւ Ամովրհացւոց եւ Փերեզացւոց եւ Խեւացւոց եւ Գերգեսացւոց՝՝ եւ Յեբուսացւոց։

ԵԼՔ 6:26

Եւ այս Ահարոն եւ Մովսէս, ցորս ասաց Աստուած հանել զորդիսն Իսրայելի յերկրէն Եգիպտացւոց հանդերձ զօրութեամբ իւրեանց։

ԵԼՔ 6:6

Երթ խօսեաց ընդ որդիսն Իսրայելի, եւ ասասցես. Ես եմ Տէր. եւ հանից զձեզ ի բռնութենէ Եգիպտացւոցդ, եւ փրկեցից զձեզ ի ծառայութենէ դոցա, եւ ապրեցուցից զձեզ բարձր բազկաւ եւ մեծամեծ դատաստանօք։

ԵԼՔ 7:4

Եւ ոչ լուիցէ ձեզ փարաւոն. եւ արկից զձեռն իմ յԵգիպտոս, եւ հանից հանդերձ զօրութեամբ իմով՝՝ զժողովուրդ իմ, զորդիսն Իսրայելի, յերկրէն Եգիպտացւոց, մեծաւ վրէժխնդրութեամբ։

ՂԵՒՏԱԿԱՆ 23:43

զի գիտասցեն ազգք ձեր, եթէ ի տաղաւարս բնակեցուցի զորդիսն Իսրայելի ի հանելն ինձ զնոսա յերկրէն Եգիպտացւոց. ես եմ Տէր Աստուած ձեր։

ՄԱՐԳԱՐԷՈՒԹԻՒՆ ԱՄԲԱԿՈՒՄԱՅ 2:3

Զի տակաւին տեսիլդ ի ժամանակս է, եւ ծագեսցէ ի սպառ, եւ ոչ յունայնութեան. բայց՝՝ եթէ անագանեսցէ, համբեր նմա. զի որ գալոցն է եկեսցէ եւ ոչ անագանեսցէ.

ԹԻՒՔ 23:22

Եւ Աստուած որ եհան զնոսա յԵգիպտոսէ՝ իբրեւ փառք միեղջիւրու ի վերայ նորա։

ԹԻՒՔ 33:1

Եւ այս են բանակետղք որդւոցն Իսրայելի՝ յորմէ հետէ ելին յերկրէն Եգիպտացւոց հանդերձ զօրուն իւրեանց ի ձեռն Մովսիսի եւ Ահարոնի։

ԱՒԵՏԱՐԱՆ ԸՍՏ ՅՈՎՀԱՆՆՈՒ 7:8

Դուք երթայք ի տօնն յայն, ես ոչ երթամ ի տօնն յայն. զի իմ ժամանակ չեւ է լցեալ։

ԳՈՐԾՔ ԱՌԱՔԵԼՈՑ 1:7

Ասէ ցնոսա. Ոչ է ձեզ գիտել զժամս եւ զժամանակս, զոր Հայր եդ յիւրում իշխանութեան.

ԳՈՐԾՔ ԱՌԱՔԵԼՈՑ 7:36

Նա եհան զնոսա՝ արարեալ նշանս եւ արուեստս յերկրին Եգիպտացւոց եւ ի Կարմիր ծովուն եւ յանապատին ամս քառասուն։

ԵՐԿՐՈՐԴՈՒՄՆ ՕՐԻՆԱՑ 16:1

Զգուշասջիր ամսոյն կանխոց, եւ արասցես զատիկ Տեառն Աստուծոյ քո. զի յամսեանն կանխոց ելէք յԵգիպտոսէ ի գիշերի։

ԵՐԿՐՈՐԴՈՒՄՆ ՕՐԻՆԱՑ 4:37

Վասն սիրելոյ նորա զհարսն քո, եւ ընտրեաց զզաւակ նոցա յետ նոցա, զձեզ քան զամենայն ազգս,՝՝ եւ եհան զքեզ ինքնին զօրութեամբ իւրով մեծաւ յԵգիպտոսէ,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:5

Եւ եղեն անդ յազգ մեծ եւ ի բազում եւ ի հզօր. եւ չարչարեցին զնոսա Եգիպտացիքն, եւ եհար Տէր զԵգիպտացիսն նշանօք եւ արուեստիւք՝ զոր արար ի նոսա.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:14

Եւ նա ասէ ցնա. Ես զօրավար եմ զօրու Տեառն, եւ այժմ եկի։