ԵԼՔ 12:39 - Գրաբար Աստվածաշունչ (1895)

³⁹ Եւ եփեցին զհայսն զոր հանին յԵգիպտոսէ՝ նկանս բաղարջս, քանզի ոչ խմորեցաւ. զի հանին զնոսա Եգիպտացիքն, եւ ոչ կարէին մնալ. եւ ոչ պաշար արարին իւրեանց ճանապարհին։

ԵԼՔ 12:39 ပူးပေါင်းရင်းမြစ်များ

ԵԼՔ 11:1

Եւ ասէ Տէր ցՄովսէս. Այլ մեւս եւս հարուածս ածից ի վերայ փարաւոնի եւ ի վերայ Եգիպտոսի, եւ ապա արձակեսցէ զձեզ աստի. այլ յորժամ արձակեսցէ զձեզ, ամենեւին հանցէ զձեզ աստի։

ԵԼՔ 12:34

Եւ առ ժողովուրդն զհայսն իւրեանց մինչչեւ խմորեալ էր, զզանգուածս իւրեանց ծրարեալ ի կտաւս իւրեանց, ի վերայ ուսոց իւրեանց։

ԵԼՔ 6:1

Եւ ասէ Տէր ցՄովսէս. Այժմ տեսցես զինչ արարից ընդ փարաւոն. զի հզօր ձեռամբ արձակեսցէ զդոսա, եւ բարձրացեալ բազկաւ հանցէ զդոսա յերկրէ իւրմէ։

Մատթեոսի Աւետարան 13:33

Այլ առակ խօսեցաւ ընդ նոսա եւ ասէ. Նման է արքայութիւն երկնից խմորոյ, զոր առեալ կնոջ՝ թագոյց ի գրիւս երիս ալեր մինչեւ ամենայն խմորեցաւ։