ԵԼՔ 12:29 - Գրաբար Աստվածաշունչ (1895)

²⁹ Եւ եղեւ ի հասարակ գիշերի եւ Տէր եհար զամենայն անդրանիկ յերկրին Եգիպտացւոց, յանդրանկանէ անտի փարաւոնի որ նստէր յաթոռ նորա, մինչեւ յանդրանիկ գերւոյն որ կայր ի վիրապի, եւ զամենայն անդրանիկ անասնոց։

ԵԼՔ 12:29 ပူးပေါင်းရင်းမြစ်များ

ԾՆՈՒՆԴՔ 15:14

Բայց զազգն որում ծառայեսցեն՝ դատեցայց ես. եւ յետ այնորիկ ելցեն այսր բազում ստացուածովք։

ԳԻՐՔ ՅՈԲԱՅ 34:20

Ընդունայն լիցի նոցա աղաղակելն եւ աղաչել զայլս. զի վարեցան անօրէնութեամբ խոտորեցուցանել զտկարս։

ԳԻՐՔ ՍԱՂՄՈՍԱՑ 105:36

ծառայեցին կռոց նոցա, եւ եղեւ նոցա ի գայթակղութիւն։

ԳԻՐՔ ՍԱՂՄՈՍԱՑ 135:8

Զարեգակն արար իշխանական տուընջեան, զի յաւիտեան է ողորմ նորա.

ԵԼՔ 11:1

Եւ ասէ Տէր ցՄովսէս. Այլ մեւս եւս հարուածս ածից ի վերայ փարաւոնի եւ ի վերայ Եգիպտոսի, եւ ապա արձակեսցէ զձեզ աստի. այլ յորժամ արձակեսցէ զձեզ, ամենեւին հանցէ զձեզ աստի։

ԵԼՔ 12:12

Եւ անցից ընդ ամենայն երկիրդ Եգիպտացւոց ի գիշերիս յայսմիկ, եւ հարից զամենայն անդրանիկ երկրիդ Եգիպտացւոց ի մարդոյ մինչեւ յանասուն. եւ յամենայն դիսն Եգիպտացւոց արարից վրէժխնդրութիւն. զի ես եմ Տէր։

ԵԼՔ 12:28

Եւ գնացեալ որդիքն Իսրայելի արարին որպէս պատուիրեաց Տէր Մովսիսի եւ Ահարոնի, նոյնպէս եւ արարին։

ԵԼՔ 13:15

Յորժամ խստացաւ փարաւոն չարձակել զմեզ, կոտորեաց Տէր զամենայն անդրանիկս յերկրին Եգիպտացւոց, յանդրանկէ մարդոյ մինչեւ ցանդրանիկս անասնոյ. վասն այնորիկ ես մատուցանեմ Տեառն զամենայն արու որ բանայ զարգանդ, եւ զամենայն անդրանիկս որդւոց իմոց փրկեցից։

ԵԼՔ 4:23

Ասացի ցքեզ. Արձակեա զժողովուրդ իմ, զի պաշտեսցեն՝՝ զիս. ապա թէ ոչ կամիցիս արձակել զդա, ես եմ ապաքէն որ սպանանիցեմ զորդի քո զանդրանիկ։

ԵԼՔ 9:6

Եւ արար Տէր զբանն զայն ի վաղիւ անդր, եւ սատակեցաւ ամենայն անասուն Եգիպտացւոցն. բայց յանասնոց որդւոցն Իսրայելի ոչ ծախեցաւ եւ ոչ ինչ։

ՄԱՐԳԱՐԷՈՒԹԻՒՆ ԵՍԱՅԵԱՅ 24:22

Եւ ժողովեսցեն զժողովս նորա ի կապանս եւ պաշարեսցեն՝՝ յամուրս. եւ յետ բազում ժամանակաց այցելութիւն եղիցի նոցա։

ՄԱՐԳԱՐԷՈՒԹԻՒՆ ԵՍԱՅԵԱՅ 41:11

Ահաւադիկ ամաչեսցեն եւ պատկառեսցեն ամենայն հակառակորդք քո, եւ եղիցին նոքա իբրեւ զչեղեալս, եւ կորիցեն ամենայն դատախազք քո։

ՄԱՐԳԱՐԷՈՒԹԻՒՆ ԵՍԱՅԵԱՅ 51:14

Զի ի փրկութեանն քում ոչ կարասցէ կալ. եւ ոչ յամեսցէ, եւ ոչ սպանցէ զքեզ յապականութիւն, եւ ոչ պակասեսցէ հացն քո։

ՄԱՐԳԱՐԷՈՒԹԻՒՆ ԵՐԵՄԵԱՅ 38:13

Եւ ձգեցին զնա պարանօքն, եւ հանին զնա ի գբոյ անտի. եւ նստաւ Երեմիա ի սրահի բանտին։

ՄԱՐԳԱՐԷՈՒԹԻՒՆ ԵՐԵՄԵԱՅ 38:6

Եւ առին զԵրեմիա, եւ ընկեցին զնա ի գուբն Մեղքեայ որդւոյ թագաւորին, որ էր ի սրահի բանտին. եւ իջուցին զԵրեմիա պարանօք ի գուբն. եւ ի գբի անդ ջուր ոչ էր, այլ լոկ տիղմ. եւ կայր Երեմիա ի տղմին։

ՄԱՐԳԱՐԷՈՒԹԻՒՆ ԱՄԲԱԿՈՒՄԱՅ 3:5

Առաջի երեսաց նորա գնասցէ բան, եւ ելցէ ի դաշտս զկնի նորա։

ՄԱՐԳԱՐԷՈՒԹԻՒՆ ԶԱՔԱՐԵԱՅ 9:11

Եւ դու արեամբ ուխտի քո արձակեցեր՝՝ զկապեալս քո յանջրդի գբոյ։

ԹԻՒՔ 3:13

Զի իմ է ամենայն անդրանիկ. յաւուր յորում հարի զամենայն անդրանիկ յերկրին Եգիպտացւոց, սրբեցի ինձ զամենայն անդրանիկս Իսրայելի ի մարդոյ մինչեւ յանասուն. իմ լիցին. զի ես եմ Տէր։

ԹԻՒՔ 33:4

եւ Եգիպտացիքն թաղէին զամենայն մեռեալսն ի նոցանէ, զորս կոտորեաց Տէր, զամենայն անդրանիկս յերկրին Եգիպտացւոց՝՝, եւ ի դիս նոցա արար վրէժխնդրութիւն Տէր։

ԹԻՒՔ 8:17

Զի իմ է ամենայն անդրանիկ որդւոցն Իսրայելի, ի մարդոյ մինչեւ յանասուն. յաւուր յորում հարի զամենայն անդրանիկ յերկրին Եգիպտացւոց, սրբեցի զնոսա ինձ։

ԱՌ ԵԲՐԱՅԵՑԻՍ ԹՈՒՂԹ 11:28

Հաւատովք արար զզատիկն եւ զհեղումն արեանն, զի մի՛ սատակիչն անդրանկաց մերձենայցէ ի նոսա։

ԱՌ ԵԲՐԱՅԵՑԻՍ ԹՈՒՂԹ 12:23

եւ յեկեղեցիս անդրանկաց գրելոց յերկինս, եւ առ դատաւորն ամենեցուն Աստուած, եւ յոգիս արդարոց կատարելոց,