ԵԼՔ 12:28 - Գրաբար Աստվածաշունչ (1895)

²⁸ Եւ գնացեալ որդիքն Իսրայելի արարին որպէս պատուիրեաց Տէր Մովսիսի եւ Ահարոնի, նոյնպէս եւ արարին։

ԵԼՔ 12:28 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:25

Եւ արար Դաւիթ որպէս հրաման ետ նմա Տէր, եւ եհար զայլազգիսն ի Գաբաւոնէ մինչեւ ցԳազերա։

ԹԱԳԱՒՈՐՈՒԹԵԱՆՑ ԵՐՐՈՐԴ 17:5

Եւ գնաց եւ արար Եղիա ըստ բանին Տեառն, եւ չոգաւ եւ նստաւ ի հեղեղատին Քոռաթայ յանդիման Յորդանանու։

ԵԼՔ 12:27

ասասջիք նոցա, եթէ Զոհ զատկի Տեառն է այս, յորժամ պահեաց զտունս՝՝ որդւոցն Իսրայելի յԵգիպտոս, մինչ հարկանէր զԵգիպտացիսն, եւ զտունս մեր ապրեցոյց։ Եւ խոնարհեցաւ ժողովուրդն եւ երկիր եպագ։

ԵԼՔ 12:29

Եւ եղեւ ի հասարակ գիշերի եւ Տէր եհար զամենայն անդրանիկ յերկրին Եգիպտացւոց, յանդրանկանէ անտի փարաւոնի որ նստէր յաթոռ նորա, մինչեւ յանդրանիկ գերւոյն որ կայր ի վիրապի, եւ զամենայն անդրանիկ անասնոց։

ԵԼՔ 12:35

Եւ որդիքն Իսրայելի արարին որպէս եւ հրաման ետ նոցա Մովսէս. եւ խնդրեցին յԵգիպտացւոցն անօթս ոսկեղէնս եւ անօթս արծաթեղէնս եւ հանդերձս։

ԵԼՔ 14:4

Եւ ես խստացուցից զսիրտն փարաւոնի եւ պնդեսցի զհետ դոցա. եւ փառաւորեցայց ի փարաւոն, եւ յամենայն զօրս նորա, եւ ծանիցեն ամենայն Եգիպտացիքն թէ ես եմ Տէր։ Եւ արարին այնպէս։

ԵԼՔ 36:1

Եւ արարին Բեսելիէլ եւ Եղիաբ եւ ամենայն այր իմաստուն մտօք, որում տուաւ ի Տեառնէ իմաստութիւն եւ գիտութիւն՝ խելամուտ լինել գործել զամենայն գործ տարազու սրբութեանն, ըստ ամենայնի որպէս եւ հրամայեաց Տէր։

ԵԼՔ 39:32

Եւ կատարեցաւ ամենայն գործ խորանին յարկի վկայութեան. եւ արարին որդիքն Իսրայելի ըստ ամենայնի որպէս եւ հրամայեաց Տէր Մովսիսի. նոյնպէս եւ արարին։ Եւ զաւելորդ զոսկի նուիրացն՝ արարին կահ պաշտելոյ նոքօք առաջի Տեառն։՝՝

ԵԼՔ 39:42

Ըստ ամենայնի զոր միանգամ պատուիրեաց Տէր Մովսիսի՝ նոյնպէս եւ արարին որդիքն Իսրայելի զամենայն կազմածն։

ԵԼՔ 39:43

Եւ ետես Մովսէս զամենայն գործն, եւ էր գործեալ ըստ օրինակին որպէս հրամայեաց Տէր Մովսիսի. նոյնպէս եւ արարին. եւ օրհնեաց զնոսա Մովսէս։

ԵԼՔ 7:10

Մտին Մովսէս եւ Ահարոն առաջի փարաւոնի, եւ արարին այնպէս, որպէս պատուիրեաց նոցա Տէր. եւ ընկէց Ահարոն զգաւազանն առաջի փարաւոնի եւ առաջի ծառայից նորա, եւ եղեւ վիշապ։

ԵԼՔ 7:6

Եւ արարին Մովսէս եւ Ահարոն, որպէս եւ պատուիրեաց նոցա Տէր, նոյնպէս եւ արարին։

ՂԵՒՏԱԿԱՆ 24:23

Եւ խօսեցաւ Մովսէս ընդ որդիսն Իսրայելի. եւ հանին զայրն որ անէծն՝ արտաքոյ բանակին, եւ քարկոծ արարին զնա ամենայն ժողովուրդն՝՝ քարամբք. եւ որդիքն Իսրայելի արարին որպէս պատուիրեաց Տէր Մովսիսի։

ԹԻՒՔ 1:54

Եւ արարին որդիքն Իսրայելի ըստ ամենայնի, որպէս պատուիրեաց Տէր Մովսիսի եւ Ահարոնի՝՝. նոյնպէս եւ արարին։

ԹԻՒՔ 31:31

Եւ արարին Մովսէս եւ Եղիազար քահանայ որպէս հրամայեաց Տէր Մովսիսի։

ԹԻՒՔ 31:41

Եւ ետ Մովսէս զհասն Տեառն զնուէրն Աստուծոյ՝ Եղիազարու քահանայի, որպէս հրաման ետ Տէր Մովսիսի։

ԹԻՒՔ 31:47

Եւ ա՛ռ Մովսէս ի հասարակածէ որդւոցն Իսրայելի՝ մի ի յիսնէ, ի մարդոյ եւ յանասնոյ, եւ ետ զայն Ղեւտացւոցն որ պահէին զպահպանութիւն խորանին Տեառն, որպէս հրաման ետ Տէր Մովսիսի։

ԹԻՒՔ 5:4

Եւ արարին այնպէս որդիքն Իսրայելի, եւ արձակեցին զնոսա ի բաց ի բանակէ անտի. որպէս խօսեցաւ Տէր ընդ Մովսիսի, այնպէս արարին որդիքն Իսրայելի։

ԵՐԿՐՈՐԴՈՒՄՆ ՕՐԻՆԱՑ 34:9

Եւ Յեսու որդի Նաւեայ լցաւ հոգւով իմաստութեամբ, զի եդ Մովսէս զձեռն իւր ի վերայ նորա. եւ հնազանդեցան նմա որդիքն Իսրայելի, եւ արարին որպէս պատուիրեաց Տէր Մովսիսի։

ԱՌ ԵԲՐԱՅԵՑԻՍ ԹՈՒՂԹ 11:28

Հաւատովք արար զզատիկն եւ զհեղումն արեանն, զի մի՛ սատակիչն անդրանկաց մերձենայցէ ի նոսա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:5

Զոր օրինակ պատուիրեաց Տէր Մովսիսի, նոյնպէս արարին որդիքն Իսրայելի, եւ բաժանեցին զերկիրն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 2:21

Եւ ասէ. Եղիցի ըստ բանիդ ձերում, նոյնպէս եղիցի։ Եւ արձակեաց զնոսա եւ գնացին. եւ կապեաց նշան կարմիր ի պատուհանին։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:8

Եւ արարին որդիքն Իսրայելի որպէս պատուիրեաց Տէր Յեսուայ՝՝. եւ առեալ երկոտասան քարինս ի միջոյ Յորդանանու, որպէս հրաման ետ Տէր Յեսուայ, ի վախճանի անցանելոյ՝՝ որդւոցն Իսրայելի, եւ տարան զնոսա ընդ իւրեանս ի բանակն եւ եդին զնոսա անդ։