ԵԼՔ 12:21 - Գրաբար Աստվածաշունչ (1895)

²¹ Եւ կոչեաց Մովսէս զամենայն ծերակոյտ որդւոցն Իսրայելի, եւ ասէ ցնոսա. Երթայք առէք ձեզ ոչխար ըստ ազգս ձեր, եւ զենջիք ի զատիկ։

ԵԼՔ 12:21 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:21

Եւ պատուէր ետ արքայ ամենայն ժողովրդեանն եւ ասէ. Արարէք զատիկ Տեառն Աստուծոյ ձերում, որպէս եւ գրեալ է ի մատենի ուխտիս այսորիկ։

ԵԶՐ 6:20

եւ սրբեցան քահանայքն եւ Ղեւտացիք, եւ եղեն ամենեքեան սուրբք, եւ զենին զզատիկն Տեառն, ամենայն որք ելեալ էին ի գերութենէն, եւ եղբարք իւրեանց եւ քահանայք՝՝.

ԵԼՔ 12:11

Եւ այսպէս ուտիցէք. գօտիք ձեր ընդ մէջս, եւ կօշիկք ձեր յոտս, եւ ցուպք ձեր ի ձեռին. փութանակի ուտիցէք, զի զատիկ Տեառն է։

ԵԼՔ 12:20

Խմորեալ մի՛ ուտիցեն. յամենայն բնակութեան ձերում ուտիցէք բաղարջ։

ԵԼՔ 12:3

Խօսեաց ընդ ամենայն ժողովրդեան որդւոցն Իսրայելի եւ ասասցես. Ի տասներորդում ամսեանս այսորիկ առցեն իւրեանց իւրաքանչիւր ոչխար ըստ տունս ազգացն իւրեանց, ոչխար ըստ երդ։

ԵԼՔ 17:5

Եւ ասէ Տէր ցՄովսէս. Երթ առաջի ժողովրդեանդ, եւ առ ընդ քեզ ի ծերոց ժողովրդեանդ. եւ զգաւազանն քո որով հարեր զգետն՝ առ ի ձեռին քում, եւ երթիցես։

ԵԼՔ 19:7

Եկն Մովսէս եւ կոչեաց զծերս ժողովրդեանն, եւ եդ առաջի նոցա զամենայն զբանս զայսոսիկ զոր պատուիրեաց նմա Աստուած։

ԵԼՔ 3:16

Արդ երթեալ ժողովեսցես զծերակոյտ որդւոցն Իսրայելի, եւ ասասցես ցնոսա. Տէր Աստուած հարցն ձերոց երեւեցաւ ինձ, Աստուած Աբրահամու եւ Աստուած Իսահակայ եւ Աստուած Յակոբայ եւ ասէ. Այցելութեամբ այց արարի ձեզ, եւ որ ինչ անցք անցին ընդ ձեզ յԵգիպտոս։

ԹԻՒՔ 11:16

Եւ ասէ Տէր ցՄովսէս. Ժողովեա ինձ եւթանասուն այր ի ծերոցն Իսրայելի, զոր դու գիտես եթէ նոքա իցեն ծերագոյնք ժողովրդեանն, եւ ընտիրք նոցա. եւ հանցես զնոսա ի խորանն վկայութեան, եւ կացցեն անդ ընդ քեզ.

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:4

եւ ամենեքին զնոյն զհոգեւոր ըմպելին արբին, զի ըմպէին ի հոգեւոր վիմէն որ երթայր զհետ նոցա. եւ վէմն էր ինքն Քրիստոս։

ԱՌ ԵԲՐԱՅԵՑԻՍ ԹՈՒՂԹ 11:28

Հաւատովք արար զզատիկն եւ զհեղումն արեանն, զի մի՛ սատակիչն անդրանկաց մերձենայցէ ի նոսա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:10

եւ անդ բանակեցան որդիքն Իսրայելի. եւ արարին որդիքն Իսրայելի՝՝ զզատիկն ի չորեքտասաներորդում աւուր ամսոյն յերեկորեայ, յարեւելից Երիքովի ի դաշտի անդ՝՝։