ԵԼՔ 12:15 - Գրաբար Աստվածաշունչ (1895)

¹⁵ Զեւթն օր բաղարջ ուտիցէք. յառաջնըմէ իսկ օրէ անտի անհետ առնիջիք զխմոր ի տանց ձերոց. ամենայն որ ուտիցէ խմորեալ՝ սատակեսցի անձնն այն յԻսրայելէ՝ յառաջնըմէ օրէն մինչեւ յօրն եւթներորդ։

ԵԼՔ 12:15 ပူးပေါင်းရင်းမြစ်များ

ԾՆՈՒՆԴՔ 17:14

Արուն անթլփատ որ ոչ թլփատեսցէ զմարմին անթլփատութեան իւրոյ յաւուր ութերորդի՝ սատակեսցի անձնն այն յազգէ իւրմէ. զի ցրեաց զուխտ իմ։

ՄՆԱՑՈՐԴԱՑ ԵՐԿՐՈՐԴ 30:21

Եւ արարին որդիքն Իսրայելի որք գտան յԵրուսաղէմ՝ զտօն բաղարջակերացն աւուրս եւթն ուրախութեամբ մեծաւ, յաջողելով Տեառն՝՝ օր ըստ օրէ եւ քահանայքն եւ Ղեւտացիքն նուագարանօքն Տեառն։

ԵԶՐ 6:22

Եւ արարին զտօն բաղարջակերացն զեւթն օր, եւ ուրախ եղեն յԵրուսաղէմ՝՝. վասն զի ուրախ արար զնոսա Տէր Աստուած Իսրայելի՝՝. եւ Տէր դարձոյց զսիրտ թագաւորին Ասորւոց առ նոսա, զի օգնեսցէ եւ զօրացուսցէ զձեռս նոցա ի գործ տաճարին Տեառն՝՝ Աստուծոյ Իսրայելի։

ԵԼՔ 12:8

Եւ կերիցեն զմիսն ի գիշերիս յայսմիկ. խորովեալ հրով, եւ բաղարջ ընդ եղեգի կերիցեն։

ԵԼՔ 13:3

Եւ ասէ Մովսէս ցժողովուրդն. Յիշեսջիք զօրս զայս յորում ելէք յԵգիպտոսէ ի տանէ ծառայութեան, զի հզօր ձեռամբ եհան զձեզ Տէր աստի. եւ ոչ ուտիցէք խմորուն։

ԵԼՔ 23:15

Զտօն բաղարջակերացն պահեսջիք. զեւթն օր բաղարջ կերիջիք, որպէս պատուիրեցի ձեզ ըստ ժամանակի ամսոյն կանխոց. զի ի նմա ելէք դուք յերկրէն Եգիպտացւոց. ոչ երեւեսցիս առաջի իմ դատարկաձեռն։

ԵԼՔ 30:33

Որ ոք առնիցէ այդպիսի, եւ որ ոք տացէ ի դմանէ այլազգւոյ, սատակեսցի ի ժողովրդենէ իւրմէ։

ԵԼՔ 30:38

Այր ոք որ առնիցէ ըստ այնմ օրինակի՝ առնուլ հոտ ի նմանէ, կորիցէ ի ժողովրդենէ իւրմէ։

ԵԼՔ 31:14

Եւ պահեսջիք զշաբաթս, զի սրբութիւն է այն Տեառն եւ՝՝ ձեզ. որ պղծեսցէ զնա՝ մահու մեռցի. ամենայն որ գործիցէ ի նմա գործ, սատակեսցի անձն այն ի միջոյ ժողովրդեան իւրոյ։

ԵԼՔ 34:18

Զտօն բաղարջակերաց պահեսցես. զեւթն օր բաղարջ կերիցես, որպէս պատուիրեցի քեզ, ի ժամանակի իւրում յամսեանն կանխոց. զի յամսեանն կանխոց ելեր յԵգիպտոսէ։

ԵԼՔ 34:25

Մի՛ զենուցուս ի վերայ խմորելոյ զարիւն զոհից իմոց, եւ մի՛ ելանիցէ յայգ զենումն տօնի զատկի։

ՂԵՒՏԱԿԱՆ 17:10

Եւ մարդ ոք մարդ յորդւոցդ Իսրայելի կամ յեկաց յեցելոց ի ձեզ, որ ուտիցէ զամենայն արիւն, հաստատեցից զերեսս իմ ի վերայ անձինն որ ուտիցէ զարիւնն, եւ կորուսից զնա ի ժողովրդենէ իւրմէ.

ՂԵՒՏԱԿԱՆ 17:14

Զի շունչ ամենայն մարմնոյ արիւն իւր է. եւ ասացի ցորդիսն Իսրայելի. Զարիւն ամենայն մարմնոյ մի՛ ուտիցէք, զի շունչ ամենայն մարմնոյ արիւն իւր է. ամենայն որ ուտիցէ զայն՝ սատակեսցի։

ՄԱՐԳԱՐԷՈՒԹԻՒՆ ՄԱՂԱՔԻԱՅ 2:12

Սատակեսցէ Տէր զմարդն որ առնիցէ զայն, մինչեւ նկուն լիցի ի յարկացն Յակոբայ, եւ ի մատուցանելեացն պատարագաց՝՝ Տեառն ամենակալի։

ԹԻՒՔ 28:17

Եւ ի հնգետասաներորդում աւուր նորուն ամսոյ՝ տօն. զեւթն օր բաղարջ կերիջիք։

ԹԻՒՔ 9:13

Եւ մարդ ոք որ սուրբ իցէ, եւ ի հեռաւոր ճանապարհի ոչ իցէ, եւ հեղգասցի առնել զզատիկն, սատակեսցի անձն այն ի ժողովրդենէ իւրմէ, զի զպատարագն Տեառն ոչ մատոյց ի ժամանակի իւրում. զմեղս իւր ընկալցի մարդն այն։

Մատթեոսի Աւետարան 16:12

Յայնժամ ի միտ առին, եթէ ոչ ասաց զգուշանալ ի խմորոյ, այլ՝ յաղանդոյ փարիսեցւոցն եւ սադուկեցւոց։

ԱՒԵՏԱՐԱՆ ԸՍՏ ՂՈՒԿԱՍՈՒ 12:1

Որովք ի կուտել բիւրաւորաց ժողովրդեանն մինչեւ կոխել զմիմեանս, սկսաւ ասել ցաշակերտսն իւր. Նախ զգոյշ լերուք անձանց ի խմորոյ փարիսեցւոցն, որ է կեղծաւորութիւն։

ԱՒԵՏԱՐԱՆ ԸՍՏ ՂՈՒԿԱՍՈՒ 2:43

եւ կատարել զաւուրսն եւ դառնալ անդրէն, մնաց Յիսուս մանուկն յԵրուսաղէմ. եւ ոչ գիտացին ծնողքն նորա։

ԳՈՐԾՔ ԱՌԱՔԵԼՈՑ 12:3

Ետես եթէ հաճոյ է Հրէիցն, յաւել եւս ունել զՊետրոս. եւ էին աւուրքն բաղարջակերաց։

ԱՌ ԳԱՂԱՏԱՑԻՍ ԹՈՒՂԹ 5:12

Երանի թէ մօտակտուր իսկ լինէին որ զձեզն խռովեցուցանեն։

ԵՐԿՐՈՐԴՈՒՄՆ ՕՐԻՆԱՑ 16:3

մի՛ ուտիցէք ընդ նմա խմորուն, զեւթն օր բաղարջ կերիցես ընդ նմա, հաց չարչարանաց. քանզի տագնապաւ ելէք յԵգիպտոսէ. զի յիշիցէք զօրն ելից ձերոց յերկրէն Եգիպտացւոց զամենայն աւուրս կենաց ձերոց։

ԵՐԿՐՈՐԴՈՒՄՆ ՕՐԻՆԱՑ 16:5

Եւ մի՛ ժտեսցիս զենուլ զզատիկն ի միում ի քաղաքաց քոց զորս Տէր Աստուած քո տացէ քեզ.

ԵՐԿՐՈՐԴՈՒՄՆ ՕՐԻՆԱՑ 16:8

Զվեց օր կերիցես բաղարջ, եւ յաւուրն եւթներորդի ելք տօն Տեառն Աստուծոյ քո. մի՛ գործեսցես ի նմա զամենայն գործ բայց որ ինչ գործիցի անձին՝՝։