ԺՈՂՈՎՕՂ 2:22 - Գրաբար Աստվածաշունչ (1895)

²² Զի՞ լինի մարդոյն յամենայն վաստակս իւր, եւ ի յօժարութեան սրտի իւրոյ՝ յորում ինքն ջանայ ի ներքոյ արեգական։

ԺՈՂՈՎՕՂ 2:22 ပူးပေါင်းရင်းမြစ်များ

ԳԻՐՔ ՍԱՂՄՈՍԱՑ 127:2

Զվաստակս ձեռաց քոց կերիցես, երանի է քեզ, եւ բարի եղիցի։

ԱՌԱԿՔ ՍՈՂՈՄՈՆԻ 16:26

Այր ի վաստակս ջանայ անձին իւրում, եւ բռնազբօսէ իւր զկորուստ. իսկ թեւրն՝ ի բերան իւր կրէ զկորուստ՝՝։

ԺՈՂՈՎՕՂ 1:3

Զի՞նչ աւելի է մարդոյ յամենայն վաստակս իւր զոր տաժանի ընդ արեգակամբ։

ԺՈՂՈՎՕՂ 2:11

Եւ հայեցայ ես յամենայն արարս իմ զոր արարին ձեռք իմ, եւ ի վաստակս զոր վաստակեցայ առնել, եւ ահա ամենայն ընդունայնութիւն է եւ յօժարութիւն ոգւոյ. եւ ոչ ինչ է առաւելութիւն ի ներքոյ արեգական։

ԺՈՂՈՎՕՂ 3:9

Արդ զի՞նչ առաւելութիւն է այնմ որ առնէ որով ինքն ջանայ։

ԺՈՂՈՎՕՂ 4:6

Լաւ է բուռն մի հանգստեամբ քան զլիութիւն երկուց բռանց՝ ջանալով եւ յօժարութեամբ ոգւոյ։

ԺՈՂՈՎՕՂ 4:8

Զի մի է, եւ ոչ կրկին. եւ որդի եւ եղբայր ոչ գոյ նորա. եւ ոչ է վախճան ամենայն վաստակոյ նորա. եւ սակայն ակն նորա ոչ յագի մեծութեամբ. եւ արդ ո՞ւմ ջանամ ես, եւ զլանամ զանձն իմ ի բարութենէ. զի եւ այն ընդունայնութիւն է եւ զբաղումն չար։

ԺՈՂՈՎՕՂ 5:17

Արդ աւասիկ զոր տեսի ես՝ բարի է ուտելն եւ ըմպել, եւ տեսանել զբարութիւն յամենայն վաստակս իւր՝ զոր ջանայցէ ընդ արեգակամբ ի թիւ աւուրց կենաց իւրոց զոր ետ նմա Աստուած. զի այն է բաժին նորա։

ԺՈՂՈՎՕՂ 8:15

Եւ գովեցի ես զուրախութիւն, զի ոչ է բարի մարդկան ի ներքոյ արեգական, բաց յուտելոյ եւ յըմպելոյ եւ յուրախ լինելոյ. եւ այն երթայ ընդ նմա ի ջանալ նմա զաւուրս կենաց իւրոց, որչափ ետ նմա Աստուած ի ներքոյ արեգական։

Մատթեոսի Աւետարան 16:26

Զի՞նչ օգտիցի մարդ եթէ զաշխարհս ամենայն շահեսցի եւ զանձն իւր տուժեսցի. կամ զի՞նչ տացէ մարդ փրկանս ընդ անձին իւրոյ։

Մատթեոսի Աւետարան 6:11

զհաց մեր հանապազորդ տուր մեզ այսօր.

Մատթեոսի Աւետարան 6:25

Վասն այդորիկ ասեմ ձեզ. Մի՛ հոգայք վասն ոգւոց ձերոց՝ զինչ ուտիցէք կամ զինչ ըմպիցէք. եւ մի՛՝ վասն մարմնոց ձերոց՝ թէ զինչ ագանիցիք. ո՞չ ապաքէն ոգի առաւել է քան զկերակուր, եւ մարմին՝ քան զհանդերձ։

Մատթեոսի Աւետարան 6:34

Մի՛ այսուհետեւ հոգայցէք վասն վաղուի, զի վաղիւն վասն իւր հոգասցի. շատ է աւուրն չար իւր։

ԱՒԵՏԱՐԱՆ ԸՍՏ ՂՈՒԿԱՍՈՒ 12:22

Ասէ ցաշակերտսն իւր. Վասն այդորիկ ասեմ ձեզ. Մի՛ հոգայք ընդ ոգւոյ թէ զի՛նչ ուտիցէք, եւ մի՛ ընդ մարմնոյ թէ զի՛նչ զգենուցուք։

ԱՒԵՏԱՐԱՆ ԸՍՏ ՂՈՒԿԱՍՈՒ 12:29

Եւ դուք մի՛ խնդրէք զի՛նչ ուտիցէք կամ զինչ ըմպիցէք, եւ մի՛ զբաղնուք.

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 16:16

զի եւ դուք հնազանդ լինիցիք այնպիսեացն, եւ ամենայնի որ գործակից իցէ եւ վաստակակից։

ԱՌ ՓԻԼԻՊԵՑԻՍ ԹՈՒՂԹ 4:6

Մի՛ ինչ հոգայք, այլ ամենայն աղօթիւք եւ խնդրուածովք, գոհութեամբ խնդրուածք ձեր յայտնի լիցին առ Աստուած։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 6:8

Այլ ունիմք կերակուր եւ հանդերձս, եւ այնու շատասցուք։

ՊԵՏՐՈՍԻ ԱՌԱՋԻՆ՝՝ 5:7

Զամենայն հոգս ձեր ընկեցէք ի նա, զի նա է որ հոգայ վասն ձեր։