ԺՈՂՈՎՕՂ 2:15 - Գրաբար Աստվածաշունչ (1895)

¹⁵ Եւ ասացի ես ի սրտի իմում, թէ՝ Որպէս պատահարն անզգամին՝ եւ ինձ իսկ պատահեսցէ նոյն, եւ ընդէ՞ր իմաստնացայ. եւ զաւելորդս՝՝ խօսեցայ ի սրտի իմում. զի եւ այս իսկ ունայնութիւն է. զի անզգամն յաւելորդացն խօսի.՝՝

ԺՈՂՈՎՕՂ 2:15 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 3:12

ահա արարի ըստ բանիդ քում, ահա ետու քեզ սիրտ իմաստուն եւ հանճարեղ. իբրեւ զքեզ ոչ ոք եղեւ յառաջ քան զքեզ, եւ յետ քո ոչ ոք յարիցէ նմանօղ քեզ։

ԺՈՂՈՎՕՂ 1:14

Տեսի ես զամենայն արարեալս որ արարեալ են ի ներքոյ արեգական, եւ ահա ամենայն ինչ ընդունայնութիւն է եւ յօժարութիւն ոգւոյ։

ԺՈՂՈՎՕՂ 1:16

Խօսեցայ ի սրտի իմում թէ՝ Առաւել ես մեծացայ եւ յաւելայ յիմաստութեան քան զամենեսեան որ էին յառաջ քան զիս յԵրուսաղէմ. եւ սիրտ իմ ետես բազում իմաստութիւն եւ գիտութիւն։

ԺՈՂՈՎՕՂ 1:18

Զի բազմութիւն իմաստութեան՝ բազմութիւն գիտութեան՝՝, եւ որ յոլովեաց ի գիտութիւն՝ յաւելցէ ի ցաւս։

ԺՈՂՈՎՕՂ 1:2

Ունայնութիւն ունայնութեանց, ասաց Ժողովօղն, ունայնութիւն ունայնութեանց, ամենայն ինչ ընդունայն է։

ԺՈՂՈՎՕՂ 2:16

վասն զի ոչ գոյ յիշատակ իմաստնոյն ընդ անզգամին յաւիտեան. զի արդարեւ իսկ յաւուրսն որ գալոց են ամենայն ինչ մոռացօնք են. եւ զիա՞րդ մեռանիցի իմաստունն ընդ անմտին։

ԺՈՂՈՎՕՂ 6:11

Զի են բազում բանք՝ որ յաճախեն զընդունայնութիւնս. զի՞նչ առաւելութիւն է մարդոյ։

ԺՈՂՈՎՕՂ 6:8

Զի՞նչ առաւելութիւն է իմաստնոյն քան զանմտին, քանզի տնանկն գիտէ երթալ առաջի կենաց իւրոց՝՝։