ԺՈՂՈՎՕՂ 12:11 - Գրաբար Աստվածաշունչ (1895)

¹¹ Բանք իմաստնոց իբրեւ զխթան եզանց, եւ իբրեւ բեւեռք հարեալք ի մուրհակաց տուան ի հովուէ միոջէ։

ԺՈՂՈՎՕՂ 12:11 ပူးပေါင်းရင်းမြစ်များ

ԾՆՈՒՆԴՔ 49:24

Եւ փշրեցան զօրութեամբ աղեղունք իւրեանց, եւ լուծան ջիղք բազկաց նոցա ձեռամբ Հզօրին Յակոբայ. անտի որ զօրացոյց զԻսրայէլ,

ԵԶՐ 9:8

Եւ այժմ գթութիւնք քո եղեն ի վերայ մեր, Տէր Աստուած մեր, եւ շնորհեցեր մեզ փրկութիւն, եւ հաստատեցեր զմեզ ի տեղի սրբութեան քո, եւ լուսաւորեցեր զաչս մեր այսօր, Տէր Աստուած մեր. եւ ետուր մեզ կենդանութիւն փոքր ի շատէ ի ծառայութեանն մերում։

ԳԻՐՔ ՍԱՂՄՈՍԱՑ 23:1

Տեառն է երկիր լրիւ իւրով, աշխարհ եւ ամենայն բնակիչք նորա։

ԳԻՐՔ ՍԱՂՄՈՍԱՑ 80:1

Ի կատարած. վասն հնձանացն. Սաղմոս Ասափայ, հինգերորդ շաբաթուն։՝՝

ԱՌԱԿՔ ՍՈՂՈՄՈՆԻ 1:6

ի միտ առցէ զառակս եւ զբանս խորինս, զճառս իմաստնոց եւ զառակս նոցա։

ԱՌԱԿՔ ՍՈՂՈՄՈՆԻ 10:21

Շրթունք արդարոյ ճանաչեն զբարձունս, եւ անզգամք ի կարօտութեան՝՝ սատակեսցին։

ԱՌԱԿՔ ՍՈՂՈՄՈՆԻ 22:17

Բանից իմաստնոց մատո զունկն քո, եւ լուր բանից իմոց եւ հաստատեա զսիրտս քո՝ զի գիտասցես զնոսա, թէ բարի են.

ԺՈՂՈՎՕՂ 10:12

Բանք բերանոյ իմաստնոյ՝ շնորհք, եւ շրթունք անմտի ընկղմեն զնա։

ԺՈՂՈՎՕՂ 7:5

Սիրտ իմաստնոյ ի տան սգոյ, եւ սիրտ անմտի ի տան ուրախութեան։

ՄԱՐԳԱՐԷՈՒԹԻՒՆ ԵՍԱՅԵԱՅ 22:23

Եւ կացուցից զնա իշխան՝՝ ի հաւատարիմ տեղւոջ, եւ եղիցի յաթոռ փառաց տան հօր իւրոյ։

ՄԱՐԳԱՐԷՈՒԹԻՒՆ ԵՍԱՅԵԱՅ 40:11

Իբրեւ հովիւ մի հովուեսցէ զխաշինս իւր, եւ բազկաւ իւրով ժողովեսցէ զգառինս, եւ ի ծոց իւր կրեսցէ զնոսա, եւ մխիթար լիցի յղեաց՝՝։

ՄԱՐԳԱՐԷՈՒԹԻՒՆ ԵՐԵՄԵԱՅ 23:29

Ո՞չ ապաքէն բանք իմ իբրեւ զհուր են, ասէ Տէր, եւ իբրեւ զմուրճ որ հատանէ զվէմ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 34:23

Եւ կացուցից ի վերայ նոցա Հովիւ մի՝ զծառայ իմ զԴաւիթ, եւ նա հովուեսցէ զնոսա, նա եղիցի նոցա հովիւ։

Մատթեոսի Աւետարան 3:7

Եւ տեսեալ զբազումս ի սադուկեցւոցն եւ ի փարիսեցւոց եկեալս ի մկրտութիւն նորա, ասէ ցնոսա. Ծնունդք իժից, ո՞ ցոյց ձեզ փախչել ի բարկութենէն որ գալոցն է։

ԱՒԵՏԱՐԱՆ ԸՍՏ ՅՈՎՀԱՆՆՈՒ 10:14

Ես եմ հովիւն քաջ, եւ ճանաչեմ զիմսն եւ ճանաչիմ յիմոցն։

ԱՒԵՏԱՐԱՆ ԸՍՏ ՅՈՎՀԱՆՆՈՒ 3:10

Պատասխանի ետ Յիսուս եւ ասէ ցնա. Դու ես վարդապետ Իսրայելի եւ զայդ ո՞չ գիտես։

ԳՈՐԾՔ ԱՌԱՔԵԼՈՑ 2:37

Եւ լուեալ զայս՝ զղջացան ի սիրտս իւրեանց, եւ ասեն ցՊետրոս եւ ցայլ առաքեալսն. Զի՞նչ գործեսցուք, արք եղբարք։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 10:4

(Զի զէն զինուորութեան մերոյ ոչ է մարմնաւոր, այլ զօրաւոր յԱստուծոյ առ ի քակելոյ զամուրս.)

ԱՌ ԵԲՐԱՅԵՑԻՍ ԹՈՒՂԹ 13:20

Եւ Աստուած խաղաղութեան որ եհան ի մեռելոց զՀովիւն հօտից, զմեծն արեամբ յաւիտենական ուխտին, զՏէր մեր Յիսուս,

ԱՌ ԵԲՐԱՅԵՑԻՍ ԹՈՒՂԹ 4:12

Զի կենդանի է բանն Աստուծոյ եւ ազդող եւ հատու քան զամենայն սուր երկսայրի, եւ անցանէ մինչեւ ցորոշումն շնչոյ եւ ոգւոյ եւ յօդից, եւ ուղղոյ, եւ քննիչ է մտաց եւ խորհրդոց սրտից.

ՊԵՏՐՈՍԻ ԱՌԱՋԻՆ՝՝ 5:4

զի յերեւել Հովուապետին ընդունիջիք զանթառամ փառաց պսակն։