ԵՐԿՐՈՐԴՈՒՄՆ ՕՐԻՆԱՑ 9:18 - Գրաբար Աստվածաշունչ (1895)

¹⁸ Եւ աղաչեցի առաջի Տեառն կրկին անգամ իբրեւ զառաջինն, զքառասուն տիւ եւ զքառասուն գիշեր. հաց ոչ կերայ եւ ջուր ոչ արբի, վասն ամենայն մեղաց ձերոց զոր մեղայք՝ առնել զչար առաջի Տեառն Աստուծոյ մերոյ՝՝, բարկացուցանել զնա.

ԵՐԿՐՈՐԴՈՒՄՆ ՕՐԻՆԱՑ 9:18 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 12:16

Եւ խնդրեաց Դաւիթ յԱստուծոյ վասն մանկանն, եւ պահեաց Դաւիթ պահս, եւ եմուտ անկաւ ի վերայ գետնոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 19:8

Եւ յարեաւ եկեր եւ արբ, եւ գնաց զօրութեամբ կերակրոյն այնորիկ զքառասուն տիւ եւ զքառասուն գիշեր, մինչեւ ցլեառնն Աստուծոյ ի Քորէբ։

ԵԶՐ 10:6

Եւ յարուցեալ Եզրայ յերեսաց տանն Աստուծոյ, երթեալ ի տուն գանձին առ Յոհանան որդի Եղիսուբայ՝ հաց ոչ եկեր եւ ջուր ոչ արբ, եւ ողբացեալ ի վերայ անօրէնութեանն եւ մեծամեծաց մեղաց բազմութեանն՝՝։

ԳԻՐՔ ՍԱՂՄՈՍԱՑ 106:23

Ոյք իջանէին ի ծով նաւովք, եւ առնէին զգործս ի ջուրս բազումս։

ԵԼՔ 34:28

Եւ էր Մովսէս առաջի Տեառն զքառասուն տիւ եւ զքառասուն գիշեր. հաց ոչ եկեր եւ ջուր ոչ արբ. եւ գրեաց ի վերայ տախտակացն զբանս ուխտի զտասն պատգամացն։

ԵԼՔ 34:9

Եթէ գտի շնորհս առաջի քո, Տէր, երթիցէ ընդ մեզ Տէր. զի ժողովուրդս խստապարանոց է. եւ բարձցես դու զանօրէնութիւնս եւ զմեղս մեր, եւ եղիցուք մեք քո։

ԵՐԿՐՈՐԴՈՒՄՆ ՕՐԻՆԱՑ 10:10

Եւ ես կացի ի լերինն զքառասուն տիւ եւ զքառասուն գիշեր, եւ լուաւ ինձ Տէր ի ժամանակին յայնմիկ, եւ ոչ կամեցաւ սատակել զձեզ։

ԵՐԿՐՈՐԴՈՒՄՆ ՕՐԻՆԱՑ 9:17

առեալ զերկոսին տախտակսն ի ձեռաց իմոց՝՝ խորտակեցի յանդիման ձեր։

ԵՐԿՐՈՐԴՈՒՄՆ ՕՐԻՆԱՑ 9:25

Եւ աղաչեցի առաջի Տեառն զքառասուն տիւ եւ զքառասուն գիշեր, զորս աղաչեցին, քանզի ասաց Տէր սատակել զձեզ։

ԵՐԿՐՈՐԴՈՒՄՆ ՕՐԻՆԱՑ 9:9

Յելանելն իմում ի լեառնն առնուլ զտախտակսն քարեղէնս, զտախտակսն ուխտի զոր ուխտեաց Տէր ընդ ձեզ, եւ եղէ ի լերինն զքառասուն տիւ եւ զքառասուն գիշեր. հաց ոչ կերայ եւ ջուր ոչ արբի.