ԵՐԿՐՈՐԴՈՒՄՆ ՕՐԻՆԱՑ 9:1 - Գրաբար Աստվածաշունչ (1895)

¹ Լուր, Իսրայէլ. դու անցանես այսօր ընդ Յորդանան մտանել ժառանգել զազգսն մեծամեծս եւ զօրագոյնս քան զձեզ, եւ քաղաքս մեծամեծս եւ պարսպեալս մինչեւ յերկինս.

ԵՐԿՐՈՐԴՈՒՄՆ ՕՐԻՆԱՑ 9:1 ပူးပေါင်းရင်းမြစ်များ

ԾՆՈՒՆԴՔ 11:4

Եւ ասեն. Եկայք շինեսցուք մեզ քաղաք եւ աշտարակ, որոյ լինիցի գլուխն մինչեւ յերկինս. եւ արասցուք մեզ անուն յառաջ քան զսփռել՝՝ ի վերայ երեսաց ամենայն երկրի։

ԵԼՔ 32:1

Եւ տեսեալ ժողովրդեանն եթէ յամեաց Մովսէս իջանել ի լեռնէ անտի, կուտեցաւ ժողովուրդն ի վերայ Ահարոնի եւ ասեն ցնա. Արի եւ արա մեզ աստուածս որ առաջնորդեսցեն մեզ. զի այրն այն Մովսէս որ եհան զմեզ յԵգիպտոսէ, ոչ գիտեմք զի՛ եղեւ նմա։

ՄԱՐԳԱՐԷՈՒԹԻՒՆ ԱՄՈՎՍԱՅ 2:9

Բայց ես բարձի զԱմովրհացին յերեսաց նոցա, որոյ բարձրութիւն իւր բարձրութիւն մայրի, եւ հզօր էր իբրեւ զկաղնի. եւ բարձի զպտուղ նորա ի վերուստ եւ զարմատս նորա ի ներքուստ։

ԹԻՒՔ 13:22

Եւ ելեալ լրտեսեցին զերկիրն յանապատէն Սինայ մինչեւ ցՐոոբ ի մուտս Եփրաթայ։

ԹԻՒՔ 33:51

Խօսեաց ընդ որդիսդ Իսրայելի եւ ասասցես ցդոսա. Դուք ահաւադիկ անցանէք ընդ Յորդանան յերկիրն Քանանացւոց.

ԵՐԿՐՈՐԴՈՒՄՆ ՕՐԻՆԱՑ 1:28

Արդ յո՞ ելանիցեմք. եւ եղբարք ձեր զանգիտեցուցին զսիրտս ձեր եւ ասեն. Ազգ մեծ եւ բազում եւ զօրագոյն քան զմեզ, եւ քաղաքք մեծամեծք եւ պարսպաւորք մինչեւ յերկինս. այլ եւ որդիս սկայից՝՝ տեսաք մեք անդ։

ԵՐԿՐՈՐԴՈՒՄՆ ՕՐԻՆԱՑ 11:23

մերժեսցէ Տէր զամենայն ազգսն զայնոսիկ յերեսաց ձերոց, եւ ժառանգեսջիք զազգս մեծամեծս եւ հզօրագոյնս քան զձեզ։

ԵՐԿՐՈՐԴՈՒՄՆ ՕՐԻՆԱՑ 11:31

Եւ դուք անցանէք ընդ Յորդանան մտանել ժառանգել զերկիրն զոր Տէր Աստուած տալոց է ձեզ ի ժառանգութիւն զամենայն աւուրս՝՝, եւ ժառանգեսջիք զնա եւ բնակեսջիք ի նմա։

ԵՐԿՐՈՐԴՈՒՄՆ ՕՐԻՆԱՑ 27:2

Եւ եղիցի յաւուր յորում անցանիցես ընդ Յորդանան, յերկիրն զոր Տէր Աստուած քո տացէ քեզ՝ կանգնեսցես անդ քարինս մեծամեծս, եւ բռեսցես զնոսա բռով.

ԵՐԿՐՈՐԴՈՒՄՆ ՕՐԻՆԱՑ 3:18

Եւ պատուիրեցի ձեզ ի ժամանակին յայնմիկ եւ ասեմ. Տէր Աստուած մեր ետ ձեզ զերկիրս զայս ի վիճակ. վառեցարուք անցէք առաջի եղբարց ձերոց, որդւոցն Իսրայելի, ամենայն զօրաւոր.

ԵՐԿՐՈՐԴՈՒՄՆ ՕՐԻՆԱՑ 4:1

Եւ այժմ, Իսրայէլ, լուր իրաւանց եւ դատաստանաց զոր ես ուսուցանեմ քեզ այսօր առնել. զի կեցջիք, եւ մտանիցէք ժառանգիցէք զերկիրն զոր Տէր Աստուած մեր տացէ ձեզ։

ԵՐԿՐՈՐԴՈՒՄՆ ՕՐԻՆԱՑ 4:38

սատակել քեզ զազգս մեծամեծս եւ հզօրագոյնս քան զքեզ յերեսաց քոց, տանել զքեզ եւ տալ քեզ զերկիր նոցա ի ժառանգութիւն, որպէս ունիս իսկ այսօր։

ԵՐԿՐՈՐԴՈՒՄՆ ՕՐԻՆԱՑ 6:10

Եւ եղիցի յորժամ տանիցի զքեզ Տէր Աստուած քո յերկիրն զոր երդուաւ Տէր հարցն քոց Աբրահամու եւ Իսահակայ եւ Յակոբայ՝ տալ քեզ քաղաքս մեծամեծս եւ գեղեցիկս զոր ոչ շինեցեր,

ԵՐԿՐՈՐԴՈՒՄՆ ՕՐԻՆԱՑ 7:1

Եւ եթէ տարցի զքեզ Տէր Աստուած քո յերկիրն յոր դու մտանիցես ժառանգել, եւ բարձցէ զազգսն մեծամեծս եւ զբազումս՝՝ յերեսաց քոց, զՔետացին եւ զԳերգեսացին եւ զԱմովրհացին եւ զՔանանացին եւ զՓերեզացին եւ զԽեւացին եւ զՅեբուսացին, եւթն ազգս մեծամեծս եւ զօրագոյնս քան զձեզ,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:11

Մտէք ի մէջ բանակի ժողովրդեանդ, եւ հրաման տուեալ ժողովրդեանդ ասացէք. Պատրաստեցէք ձեզ պաշար. զի այլ եւս երեք աւուրք, եւ անցանէք դուք ընդ այդ Յորդանան՝ մտանել ունել զերկիրն զոր Տէր Աստուած հարցն ձերոց տացէ ձեզ ի ժառանգութիւն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:15

մինչեւ զետեղեցուսցէ Տէր Աստուած ձեր զեղբարս ձեր որպէս եւ զձեզդ, եւ ժառանգեսցեն եւ նոքա զերկիրն զոր Տէր Աստուած ձեր տացէ նոցա. եւ դառնայցէք յիւրաքանչիւր ժառանգութիւն, եւ ժառանգիցէք զնա զոր ետ ձեզ Մովսէս ծառայ Տեառն յայսկոյս Յորդանանու յարեւելից։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:12

Եւ այժմ խնդրեմ ի քէն զլեառնն զայն, որպէս ասաց Տէր յաւուր յայնմիկ. զի դու ինքնին լուար զբանս զայս յաւուր յայնմիկ. եւ արդ աւանիկ Ենակիմք են անդ, եւ քաղաքք ամուրք եւ մեծամեծք. արդ եթէ Տէր ընդ իս է,՝՝ սատակեցից զնոսա, որպէս ասաց ինձ Տէր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 3:14

Եւ եղեւ իբրեւ չուեաց ժողովուրդն ի խորանաց իւրեանց անցանել ընդ Յորդանան, եւ քահանայքն բարձին զտապանակ ուխտին Տեառն առաջի ամենայն ժողովրդեանն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 3:16

եւ կացին ջուրքն որ իջանէին ի վերուստ՝ միաձոյլք, անջրպետեալք, հեռացեալք յոյժ յոյժ. յԱդամիտէս քաղաքէ որ է մասն Կարիաթարիմայ՝՝. եւ որ իջանէինն՝ իջին ի ծովն Արաբացւոց, ի ծովն Աղի, մինչեւ ի սպառ նուազելոյ. եւ ժողովուրդն կայր յանդիման Երիքովի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 3:6

Եւ խօսեցաւ Յեսու ընդ քահանայսն եւ ասէ. Առէք զտապանակ ուխտին Տեառն, եւ գնացէք յառաջագոյն առաջի ժողովրդեանն. եւ բարձին քահանայքն զտապանակ ուխտին Տեառն եւ երթային առաջի ժողովրդեանն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:19

Եւ ել ժողովուրդն ի Յորդանանէ ի տասներորդում աւուր ամսոյն առաջնոյ. եւ բանակեցան որդիքն Իսրայելի՝՝ ի Գաղգաղա, յարեւելից կողմանէ Երիքովի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:5

եւ ասէ ցնոսա Յեսու. Մատերուք առաջի իմ յանդիման Տեառն՝՝ ի մէջ Յորդանանու, եւ առեալ բարձցեն անտի իւրաքանչիւր ոք քար մի ի վերայ ուսոց իւրոց ըստ թուոյ ցեղիցն Իսրայելի.