ԵՐԿՐՈՐԴՈՒՄՆ ՕՐԻՆԱՑ 8:18 - Գրաբար Աստվածաշունչ (1895)

¹⁸ այլ յիշեսցես զՏէր Աստուած քո, զի նա տայ քեզ ոյժ առնել զօրութիւն, զի հաստատեսցէ զուխտն իւր զոր երդուաւ հարցն քոց, որպէս եւ այսօր։

ԵՐԿՐՈՐԴՈՒՄՆ ՕՐԻՆԱՑ 8:18 ပူးပေါင်းရင်းမြစ်များ

ԾՆՈՒՆԴՔ 32:14

այծս երկերիւր, քաղս քսան, մաքիս երկերիւր, խոյս քսան,

ՄՆԱՑՈՐԴԱՑ ԱՌԱՋԻՆ 29:12

Ի քէն է մեծութիւն եւ փառք. դու ես ամենեցուն իշխան, Տէր, եւ իշխան ամենայն իշխանութեանց.՝՝ ի ձեռին քում է զօրութիւն եւ հարստութիւն, եւ ի ձեռին քում ամենակալ մեծութիւն՝ զօրացուցանել զամենայն։

ՄՆԱՑՈՐԴԱՑ ԵՐԿՐՈՐԴ 25:9

Եւ ասէ Ամասիա ցայրն Աստուծոյ. Եւ զի՞նչ արարից զհարեւր տաղանդսն զոր ետու զօրուդ Իսրայելի։ Եւ ասէ ցնա այրն Աստուծոյ. Գոյ Տեառն տալ քեզ առաւելագոյն քան զայն։

ԳԻՐՔ ՍԱՂՄՈՍԱՑ 144:1

Բարձր առնեմ զքեզ, Աստուած իմ եւ Թագաւոր իմ, եւ օրհնեմ զանուն քո յաւիտեան եւ յաւիտեանս յաւիտենից։

ԳԻՐՔ ՍԱՂՄՈՍԱՑ 44:3

Գեղեցիկ տեսանելով քան զամենայն որդիս մարդկան. սփռեցան շնորհք ի շրթանց քոց, վասն այսորիկ օրհնեաց զքեզ Աստուած յաւիտեան։

ԱՌԱԿՔ ՍՈՂՈՄՈՆԻ 10:22

Օրհնութիւն Տեառն՝ ի գլուխս արդարոց. եւ՝՝ նոյն մեծացուցանէ, եւ ոչ եւս յաւելու տրտմութիւն ի սիրտ նորա։

ԺՈՂՈՎՕՂ 12:1

Եւ յիշեա դու զԱրարիչն քո յաւուրս մանկութեան քո, մինչչեւ հասեալ իցեն աւուրք չարութեան, եւ հասցեն ամք՝ յորս ասասցեն. Ոչ են կամք իմ ի դոսա։

ԺՈՂՈՎՕՂ 9:11

Դարձայ եւ տեսի ի ներքոյ արեգական, զի ոչ թեթեւաց են ընթացք, եւ ոչ զօրաւորաց պատերազմ, եւ ոչ իմաստնոց հաց, եւ ոչ հանճարեղաց մեծութիւն, եւ ոչ գիտնոց շնորհք. զի ժամանակ եւ պատահար պատահէ ամենեցուն նոցա։

ՄԱՐԳԱՐԷՈՒԹԻՒՆ ԵՐԵՄԵԱՅ 23:27

խորհին՝՝ մոռանալոյ ժողովրդեան իմոյ զօրէնս իմ երազովք իւրեանց, զոր պատմէին իւրաքանչիւր ընկերի իւրում, զոր օրինակ մոռացան հարքն դոցա զանուն իմ ի ձեռն Բահաղու։

ՄԱՐԳԱՐԷՈՒԹԻՒՆ ՈՎՍԵԱՅ 2:8

Եւ նա ոչ գիտաց թէ ես ետու նմա զցորեանն եւ զգինին եւ զձէթն, եւ բազմացուցի նմա արծաթ. եւ նա արար արծաթեղէնս, եւ ոսկեղէնս յաճախեաց Բահաղու՝՝։

ԵՐԿՐՈՐԴՈՒՄՆ ՕՐԻՆԱՑ 26:10

Եւ արդ աւասիկ բերի զպտուղ արդեանց երկրին զոր ետ ինձ Տէր, երկիր՝ որ բղխէ զկաթն եւ զմեղր։ Եւ՝՝ երկիր պագցես անդ առաջի Տեառն Աստուծոյ քո.

ԵՐԿՐՈՐԴՈՒՄՆ ՕՐԻՆԱՑ 6:11

եւ տունս լի ամենայն բարութեամբք զոր ոչ լցեր, եւ ջրհորս փորեալս զոր ոչ փորեցեր, եւ այգիս եւ ձիթենիս զորս ոչ տնկեցեր, եւ ուտիցես եւ յագիցիս,

ԵՐԿՐՈՐԴՈՒՄՆ ՕՐԻՆԱՑ 7:12

Եւ եղիցի յորժամ լուիցէք զամենայն իրաւունս զայսոսիկ եւ պահիցէք եւ առնիցէք զսոսա, պահեսցէ քեզ Տէր Աստուած քո զուխտն եւ զողորմութիւն որպէս երդուաւ հարցն մերոց,

ԵՐԿՐՈՐԴՈՒՄՆ ՕՐԻՆԱՑ 7:8

այլ վասն սիրելոյ զձեզ Տեառն եւ պահելոյ զերդումնն զոր երդուաւ հարցն ձերոց՝ եհան զձեզ Տէր հզօր ձեռամբ եւ բարձր բազկաւ՝՝, եւ փրկեաց զձեզ ի տանէ ծառայութեան, ի ձեռաց փարաւոնի արքային Եգիպտացւոց։

ԵՐԿՐՈՐԴՈՒՄՆ ՕՐԻՆԱՑ 8:1

Ամենայն պատուիրանաց զոր ես պատուիրեմ ձեզ այսօր, զգոյշ լինիջիք առնելոյ, զի կեցջիք եւ բազմապատիկք լինիցիք, եւ մտանիցէք ժառանգիցէք զերկիրն զոր երդուաւ Տէր հարցն մերոց։

ԴԱՏԱՒՈՐՔ 3:7

Եւ արարին որդիքն Իսրայելի չար առաջի Տեառն, եւ մոռացան զՏէր Աստուած իւրեանց եւ պաշտեցին զԲահաղ եւ զանտառսն։

ԴԱՏԱՒՈՐՔ 7:2

Եւ ասէ Տէր ցԳեդէոն. Բազում է զօրդ որ ընդ քեզ է, առ ի չմատնելոյ ինձ զՄադիամ ի ձեռս դոցա. գուցէ պարծիցի ի վերայ իմ Իսրայէլ եւ ասիցէ, թէ՝ Ձեռն իմ փրկեաց զիս։

ԹԱԳԱՒՈՐՈՒԹԵԱՆՑ ԱՌԱՋԻՆ 2:7

Տէր աղքատացուցանէ եւ մեծացուցանէ, խոնարհեցուցանէ եւ բարձրացուցանէ։