ԵՐԿՐՈՐԴՈՒՄՆ ՕՐԻՆԱՑ 7:1 - Գրաբար Աստվածաշունչ (1895)

¹ Եւ եթէ տարցի զքեզ Տէր Աստուած քո յերկիրն յոր դու մտանիցես ժառանգել, եւ բարձցէ զազգսն մեծամեծս եւ զբազումս՝՝ յերեսաց քոց, զՔետացին եւ զԳերգեսացին եւ զԱմովրհացին եւ զՔանանացին եւ զՓերեզացին եւ զԽեւացին եւ զՅեբուսացին, եւթն ազգս մեծամեծս եւ զօրագոյնս քան զձեզ,

ԵՐԿՐՈՐԴՈՒՄՆ ՕՐԻՆԱՑ 7:1 ပူးပေါင်းရင်းမြစ်များ

ԵՐԿՐՈՐԴՈՒՄՆ ՕՐԻՆԱՑ 31:3

Տէր Աստուած քո երթայ առաջի երեսաց քոց, նա սատակեսցէ զազգսն զայնոսիկ յերեսաց քոց, եւ ժառանգեսցես զնոսա. եւ Յեսու երթայ առաջի երեսաց քոց որպէս խօսեցաւ Տէր։

ԳՈՐԾՔ ԱՌԱՔԵԼՈՑ 13:19

Եւ քակեալ ազգս եւթն յերկրին Քանանու՝ ժառանգեցոյց նոցա զերկիր նոցա իբրեւ ամս չորեքհարիւր եւ յիսուն։

ԵՐԿՐՈՐԴՈՒՄՆ ՕՐԻՆԱՑ 4:38

սատակել քեզ զազգս մեծամեծս եւ հզօրագոյնս քան զքեզ յերեսաց քոց, տանել զքեզ եւ տալ քեզ զերկիր նոցա ի ժառանգութիւն, որպէս ունիս իսկ այսօր։

ԵՐԿՐՈՐԴՈՒՄՆ ՕՐԻՆԱՑ 20:1

Եւ եթէ ելանիցես ի պատերազմ ի վերայ թշնամեաց քոց, եւ տեսանիցես երիվարս եւ հեծեալս եւ ազգ բազում քան զքեզ, մի՛ երկնչիցիս ի նոցանէ, զի Տէր Աստուած քո ընդ քեզ է որ եհան զքեզ յերկրէն Եգիպտացւոց։

ԵՐԿՐՈՐԴՈՒՄՆ ՕՐԻՆԱՑ 9:1

Լուր, Իսրայէլ. դու անցանես այսօր ընդ Յորդանան մտանել ժառանգել զազգսն մեծամեծս եւ զօրագոյնս քան զձեզ, եւ քաղաքս մեծամեծս եւ պարսպեալս մինչեւ յերկինս.

ԵՐԿՐՈՐԴՈՒՄՆ ՕՐԻՆԱՑ 9:4

Մի՛ ասիցես ի սրտի քում ի ծախել զնոսա Տեառն Աստուծոյ քո յառաջոյ քումմէ, թէ Վասն արդարութեան իմոյ ած զիս Տէր ժառանգել զերկիրս զայս բարի. զի ոչ վասն արդարութեան քո, այլ՝՝ վասն ամպարշտութեան ազգացն այնոցիկ սատակեսցէ զնոսա Տէր Աստուած քո՝՝ յառաջոյ քումմէ։

ԵԼՔ 33:2

Եւ առաքեցից առաջի երեսաց քոց զհրեշտակ իմ, եւ մերժեսցէ՝՝ զՔանանացին եւ զԱմովրհացին եւ զՔետացին եւ զՓերեզացին եւ զԳերգեսացին եւ՝՝ զԽեւացին եւ զՅեբուսացին։

ԵՐԿՐՈՐԴՈՒՄՆ ՕՐԻՆԱՑ 31:20

Քանզի տարայց զդոսա յերկիրն բարի զոր երդուայ հարց նոցա. երկիր՝ որ բղխէ զկաթն եւ զմեղր, եւ կերիցեն եւ լցեալ յագեսցին. եւ դառնայցեն յաստուածս օտարոտիս եւ պաշտիցեն զնոսա, եւ զայրացուցանիցեն զիս, եւ ցրիցեն զուխտն իմ զոր ուխտեցի նոցա։

ԵՐԿՐՈՐԴՈՒՄՆ ՕՐԻՆԱՑ 11:29

Եւ եղիցի յորժամ տարցի զքեզ Տէր Աստուած քո յերկիրն յոր անցանես ընդ Յորդանան՝՝ ժառանգել զնա, եւ տացես դու զօրհնութիւնն ի լերինն Գարիզին, եւ զանէծս ի լերինն Գեբաղ.

ԵՐԿՐՈՐԴՈՒՄՆ ՕՐԻՆԱՑ 6:23

եւ զմեզ եհան անտի, զի ածցէ այսր տալ մեզ զերկիրս զայս զոր երդուաւ տալ հարցն մերոց։

ԵՐԿՐՈՐԴՈՒՄՆ ՕՐԻՆԱՑ 6:19

հալածել զամենայն թշնամիս յերեսաց քոց, որպէս եւ խօսեցաւ։

ԵՐԿՐՈՐԴՈՒՄՆ ՕՐԻՆԱՑ 6:10

Եւ եղիցի յորժամ տանիցի զքեզ Տէր Աստուած քո յերկիրն զոր երդուաւ Տէր հարցն քոց Աբրահամու եւ Իսահակայ եւ Յակոբայ՝ տալ քեզ քաղաքս մեծամեծս եւ գեղեցիկս զոր ոչ շինեցեր,

ԵՐԿՐՈՐԴՈՒՄՆ ՕՐԻՆԱՑ 6:1

Եւ այս են պատուիրանք եւ իրաւունք եւ դատաստանք զոր պատուիրեաց ձեզ Տէր Աստուած մեր, ուսուցանել զձեզ՝ առնել այնպէս յերկրին յոր դուք մտանիցէք ժառանգել.

ԹԻՒՔ 14:31

Եւ զորդիսն զորմէ ասացէք թէ ի յափշտակութիւն լինիցին՝ տարայց զնոսա յերկիրն, եւ ժառանգեսցեն զնա, յորմէ դուքն յափրացարուք։

ԵԼՔ 15:7

Եւ բազմութեամբ փառաց քոց մանրեցեր զհակառակորդս. առաքեցեր զբարկութիւն քո եւ եկեր զնոսա իբրեւ զեղէգն։

ԵԼՔ 6:8

Եւ տարայց զձեզ յերկիրն յոր ձգեցի զձեռն իմ տալ զնա Աբրահամու, Իսահակայ եւ Յակոբայ, եւ տաց զնա ձեզ վիճակաւ. զի ես եմ Տէր։

ԵԼՔ 23:28

Եւ առաքեցից առաջի քո զպիծակ, եւ մերժեսցէ զԱմովրհացին եւ՝՝ զԽեւացին եւ զՔանանացին եւ զՔետացին յերեսաց քոց։

ԵԼՔ 23:33

Եւ մի՛ բնակեսցեն յերկրի քում, զի մի՛ յանցուցանիցեն զքեզ առ իս. զի եթէ ծառայեսցես դից նոցա, նոքա լիցին քեզ ի գայթագղութիւն։

ՂԵՒՏԱԿԱՆ 14:34

Յորժամ մտանիցէք յերկիրն Քանանացւոց զոր ես տաց ձեզ ի ստացուած, եւ տայցեմ արած բորոտութեան ի տունս երկրին ստացուածոյ ձերոյ,

ԵՐԿՐՈՐԴՈՒՄՆ ՕՐԻՆԱՑ 20:16

Բայց ի քաղաքաց ազգացն այնոցիկ զոր Տէր Աստուած քո տացէ քեզ զերկիր նոցա ի ժառանգութիւն, մի՛ ապրեցուցանիցէք ի նոցանէ զամենայն շնչաւոր.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 3:10

Եւ ասէ Յեսու. Այնու գիտասջիք եթէ Տէր կենդանի է ի ձեզ. եւ սատակելով սատակեսցէ յերեսաց ձերոց զՔանանացին եւ զՔետացին եւ զԽեւացին եւ զՓերեզացին եւ զԳերգեսացին եւ զԱմովրհացին եւ զՅեբուսացին.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:3

Քանանացիս յարեւելից կողմանէ, ի ծովեզերեայսն Ամովրհացւոց՝՝, եւ ի Քետացիս եւ ի Փերեզացիս եւ Յեբուսացիս որ ի լերինն, եւ ի Խեւացիսն որ ընդ Հերմոնիւ ի Մասեփա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:11

Եւ անցէք ընդ Յորդանան, եւ եկիք յԵրիքով. եւ պատերազմեցան ընդ ձեզ բնակիչք Երիքովի, Ամուրհացին եւ Քանանացին եւ Փերեզացին եւ Խեւացին եւ Յեբուսացին եւ Քետացին եւ Գերգեսացին, եւ մատնեաց զնոսա ի ձեռս ձեր։

ԹԱԳԱՒՈՐՈՒԹԵԱՆՑ ԵՐՐՈՐԴ 16:31

Եւ ոչ ինչ էր նմա ընդհատ գնալ ըստ մեղաց Յերոբովամայ որդւոյ Նաբատայ. եւ ա՛ռ կին զՅեզաբէլ դուստր Յովբաղայ արքայի Սիդոնացւոց, եւ գնաց եւ ծառայեաց Բահաղու եւ երկիր եպագ նմա։

ԳԻՐՔ ՆԷԵՄԵԱՅ 13:23

Եւ յաւուրսն յայնոսիկ տեսի զՀրեայսն, զի նստէին կանայք Ազովտացիք եւ Ամովնացիք եւ Մովաբացիք,

ԵԼՔ 23:32

Եւ դու մի՛ դնիցես ընդ նոսա եւ ընդ դիս նոցա ուխտ։

ԹԻՒՔ 13:29

Բայց ազգն սաստիկ էր որ բնակեալ էին ի նմա, եւ քաղաքք ամուրք եւ պարսպաւորք եւ մեծամեծք յոյժ. եւ զազգն Ենակայ տեսաք անդ։

ԵՐԿՐՈՐԴՈՒՄՆ ՕՐԻՆԱՑ 9:3

Եւ ծանիցես այսօր զի Տէր Աստուած քո նա ինքն երթայցէ առաջի քո, որ հուրն ծախիչ է. նա սատակեսցէ զնոսա, եւ նա կործանեսցէ զնոսա առաջի երեսաց քոց, եւ սատակեսցէ զնոսա եւ կորուսցէ՝՝ զնոսա վաղվաղակի, որպէս եւ ասաց քեզ Տէր։

ՄՆԱՑՈՐԴԱՑ ԱՌԱՋԻՆ 1:14

եւ զՅեբուսացին եւ զԱմովրհացին եւ զԳերգեսացին

ՄՆԱՑՈՐԴԱՑ ԵՐԿՐՈՐԴ 8:7

Ամենայն ժողովուրդ որ մնացեալ էր ի Քետացւոցն եւ յԱմովրհացւոցն եւ ի Փերեզացւոցն եւ ի Խեւացւոցն եւ ի Յեբուսացւոցն, որք ոչ էին յորդւոցն Իսրայելի,

ԵԶՐ 9:1

Եւ ի կատարել այսր ամենայնի՝ մերձեցան առ իս իշխանքն եւ ասեն. Ոչ որոշեցան ժողովուրդն Իսրայելի եւ քահանայքն եւ Ղեւտացիքն ի ժողովրդոց եւ յերկրէ՝ որ են հեռագոյն ի նոցանէ.՝՝ Քանանացին եւ Քետացին եւ Փերեզացին եւ Յեբուսացին եւ Ամմոնացին եւ Մովաբացին եւ Եգիպտացին եւ Ամովրհացին։