ԵՐԿՐՈՐԴՈՒՄՆ ՕՐԻՆԱՑ 6:16 - Գրաբար Աստվածաշունչ (1895)

¹⁶ Մի՛ փորձեսցես զՏէր Աստուած քո որպէս փորձեցէք ի Փորձութեանն։

ԵՐԿՐՈՐԴՈՒՄՆ ՕՐԻՆԱՑ 6:16 ပူးပေါင်းရင်းမြစ်များ

ԵԼՔ 17:2

Եւ բամբասէր ժողովուրդն զՄովսէս եւ ասէին. Տուր մեզ ջուր զի արբցուք։ Եւ ասէ ցնոսա Մովսէս. Զի՞ բամբասէք զիս, եւ զի՞ փորձէք զՏէր։

ԵԼՔ 17:7

Եւ անուանեաց զանուն տեղւոյն այնորիկ Փորձութիւն եւ Բամբասանս՝՝. վասն բամբասանաց որդւոցն Իսրայելի եւ վասն փորձելոյ նոցա զՏէր եւ ասելոյ. Եթէ իցէ՞ ի մեզ Տէր եւ եթէ ոչ։

ԹԻՒՔ 20:13

Այն է Ջուր բամբասանաց. զի բամբասեցին որդիքն Իսրայելի առաջի՝՝ Տեառն, եւ սրբեցաւ ի նոսա։

Մատթեոսի Աւետարան 4:7

Ասէ ցնա դարձեալ Յիսուս. Գրեալ՝՝ է թէ՝ Ոչ փորձեսցես զՏէր Աստուած քո։

ԱՒԵՏԱՐԱՆ ԸՍՏ ՂՈՒԿԱՍՈՒ 4:12

Պատասխանի ետ նմա Յիսուս եւ ասէ. Ասացեալ է թէ՝ Ոչ փորձեսցես զՏէր Աստուած քո։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:9

Եւ մի՛ փորձեսցուք զՏէր, որպէս ոմանք ի նոցանէ փորձեցին, եւ յօձից անտի սատակեցան։

ԵՐԿՐՈՐԴՈՒՄՆ ՕՐԻՆԱՑ 33:8

Եւ զՂեւեայ ասէ. Տուք Ղեւեայ զյայտնութիւն նորա, եւ զճշմարտութիւն նորա առնն անարատի, զոր փորձեցին փորձանօք, եւ բամբասեցին զնա՝՝ ի վերայ ջրոցն Հակառակութեան։