ԵՐԿՐՈՐԴՈՒՄՆ ՕՐԻՆԱՑ 6:15 - Գրաբար Աստվածաշունչ (1895)

¹⁵ զի Աստուած նախանձոտ, Տէր Աստուած քո ի միջի քում. գուցէ բարկացեալ սրտմտիցի Տէր Աստուած քո սատակել զքեզ յերեսաց երկրէ։

ԵՐԿՐՈՐԴՈՒՄՆ ՕՐԻՆԱՑ 6:15 ပူးပေါင်းရင်းမြစ်များ

ԾՆՈՒՆԴՔ 7:4

Եւ այլ եւս եւթն օր, եւ ածից ես անձրեւ ի վերայ երկրի զքառասուն տիւ եւ զքառասուն գիշեր, եւ ջնջեցից զամենայն հասակ զոր արարի յերեսաց երկրէ։

ԹԱԳԱՒՈՐՈՒԹԵԱՆՑ ԵՐՐՈՐԴ 13:34

Եւ եղեւ բանն այն ի մեղս տանն Յերոբովամայ, եւ ի սատակումն եւ յապականութիւն յերեսաց երկրին։

ՄՆԱՑՈՐԴԱՑ ԵՐԿՐՈՐԴ 36:16

Արհամարհէին զհրեշտակս նորա, եւ անգոսնէին զբանս նորա, եւ խաղ առնէին զմարգարէսն. մինչեւ եղեւ բարկութիւն Տեառն ի վերայ ժողովրդեան իւրոյ, եւ ոչ եւս գոյր այնուհետեւ նոցա բժշկութիւն։

ԳԻՐՔ ՍԱՂՄՈՍԱՑ 90:11

Հրեշտակաց իւրոց պատուիրեալ է վասն քո, պահել զքեզ յամենայն ճանապարհս քո։

ԳԻՐՔ ՍԱՂՄՈՍԱՑ 90:7

Անկցին ի կողմանէ քումմէ հազարք, եւ բեւրք ընդ աջմէ քումմէ, եւ առ քեզ ինչ ոչ մերձեսցին։

ԵԼՔ 20:5

Մի՛ երկիր պագանիցես նոցա, եւ մի՛ պաշտեսցես զնոսա. զի ես եմ Տէր Աստուած քո, Աստուած նախանձոտ, որ հատուցանեմ զմեղս հարանց որդւոց, յերիս եւ ի չորս ազգս ատելեաց իմոց։

ԵԼՔ 32:12

Գուցէ խօսիցին Եգիպտացիքն եւ ասիցեն. Առ չարութեան եհան զնոսա, կոտորել զնոսա ի լերինս եւ ջնջել զնոսա յերկրէ. դադարեա ի բարկութենէ սրտմտութեան քո, եւ ցածիր ի չարեաց ժողովրդեան քո։

ՄԱՐԳԱՐԷՈՒԹԻՒՆ ԵՐԵՄԵԱՅ 28:16

Վասն այդորիկ այսպէս ասէ Տէր. Ահա ես արձակեցից զքեզ յերեսաց երկրիդ, եւ ի սմին տարւոջ մեռջիր դու, զի խոտորումն խօսեցար ի Տեառնէ։

ՄԱՐԳԱՐԷՈՒԹԻՒՆ ԵՐԵՄԵԱՅ 7:6

եւ զեկն եւ զորբն եւ զայրին ոչ յաղթահարիցէք, եւ արիւն անպարտ ոչ հեղուցուք ի տեղւոջդ յայդմիկ, եւ զհետ աստուածոց օտարաց ոչ երթիցէք չարի ձերում,

ՄԱՐԳԱՐԷՈՒԹԻՒՆ ԱՄՈՎՍԱՅ 3:2

Բայց զձեզ՝՝ ընտրեցի յամենայն ազգաց երկրի. վասն այնորիկ ի ձէնջ խնդրեցից զվրէժ ամենայն չարեաց ձերոց։

ՄԱՐԳԱՐԷՈՒԹԻՒՆ ԱՄՈՎՍԱՅ 9:8

Ահաւասիկ աչք Տեառն ի վերայ թագաւորութեանդ մեղաւորաց, եւ բարձից զդա յերեսաց երկրէ. սակայն ի սպառ ոչ ջնջեցից զտունն Յակոբու, ասէ Տէր։

ԹԻՒՔ 35:34

Եւ մի՛ պղծիցէք զերկիրն յորում բնակիցէք ի նմա, յորում ես բնակեցայց ի միջի ձերում. զի ես եմ Տէր Աստուած, որ բնակեմ ի մէջ որդւոցն Իսրայելի։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:22

Եթէ նախա՞նձ ինչ արկանիցեմք Տեառն, միթէ զօրագո՞յնք իցեմք քան զնա։

ԵՐԿՐՈՐԴՈՒՄՆ ՕՐԻՆԱՑ 11:17

եւ սրտմտեալ բարկանայցէ Տէր ի վերայ ձեր, եւ արգելուցու զերկինս եւ ոչ լինիցի անձրեւ, եւ երկիր ոչ տացէ զպտուղ իւր, եւ կորնչիցիք արագ արագ յերկրէն բարութեան զոր ետ ձեզ Տէր։

ԵՐԿՐՈՐԴՈՒՄՆ ՕՐԻՆԱՑ 4:24

Զի Տէր Աստուած քո հուր ծախիչ է, Աստուած նախանձոտ։

ԵՐԿՐՈՐԴՈՒՄՆ ՕՐԻՆԱՑ 5:9

մի՛ երկիր պագանիցես նոցա եւ մի՛ պաշտեսցես զնոսա. զի ես եմ Տէր Աստուած քո, Աստուած նախանձոտ, հատուցանեմ զմեղս հարանց որդւոց իւրեանց, յերիս եւ ի չորս ազգս ատելեաց իմոց.

ԵՐԿՐՈՐԴՈՒՄՆ ՕՐԻՆԱՑ 7:4

զի մի՛ ապստամբեցուցանիցէ զորդին քո յինէն, եւ պաշտիցէ զաստուածս օտարս, եւ բարկասցի սրտմտութեամբ Տէր ի ձեզ, եւ սատակեսցէ զձեզ վաղվաղակի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 23:12

Ապա թէ դառնալով դառնայցէք եւ յաւելուցուք յազգսն մնացեալս ի ձէնջ, եւ խնամութիւնս առնիցէք ընդ նոսա, եւ խառնակիցիք դուք ընդ նոսա եւ նոքա ընդ ձեզ,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 23:16

յանցանել ձեզ զուխտիւն Տեառն Աստուծոյ ձերոյ զոր պատուիրեաց ձեզ, եւ յերթալ պաշտել զաստուածս օտարս եւ երկիր պագանել նոցա. եւ բարկանայցէ ձեզ Տէր, եւ կորնչիջիք վաղվաղակի յերկրէս բարութեան զոր ետ ձեզ Տէր։