ԵՐԿՐՈՐԴՈՒՄՆ ՕՐԻՆԱՑ 5:1 - Գրաբար Աստվածաշունչ (1895)

¹ Եւ կոչեաց Մովսէս զամենայն Իսրայէլ եւ ասէ ցնոսա. Լուր, Իսրայէլ, զիրաւունս եւ զդատաստանս զոր ես խօսիմ յականջս ձեր յաւուր յայսմիկ, եւ ուսջիք զնոսա եւ զգոյշ լիջիք առնել զնոսա։

ԵՐԿՐՈՐԴՈՒՄՆ ՕՐԻՆԱՑ 5:1 ပူးပေါင်းရင်းမြစ်များ

ԳԻՐՔ ՍԱՂՄՈՍԱՑ 78:7

Զի կերան զՅակոբ եւ զտեղի նորա աւերեցին։

ԵԼՔ 15:26

եւ ասէ. Եթէ լսելով լուիցես ձայնի Տեառն Աստուծոյ քում, եւ զհաճոյս առաջի նորա արասցես, եւ ունկնդիր լիցիս պատուիրանաց նորա, եւ պահեսցես զամենայն իրաւունս նորա, զամենայն զախտն զոր ածի ի վերայ Եգիպտացւոցն, ոչ ածից ի վերայ քո. զի ես եմ Տէր որ բժշկեմ զքեզ։

ԵԼՔ 18:20

Եւ դիցես դոցա վկայութիւն զհրամանացն Աստուծոյ եւ զօրինաց նորա՝՝, եւ ցուցցես դոցա ճանապարհս յորս գնայցեն, եւ զգործս զոր գործիցեն։

Մատթեոսի Աւետարան 23:3

զամենայն ինչ զոր ասիցեն ձեզ՝ արարէք եւ պահեցէք, բայց ըստ գործոցն նոցա մի՛ առնէք, զի ասեն եւ ոչ առնեն։

ԵՐԿՐՈՐԴՈՒՄՆ ՕՐԻՆԱՑ 1:1

Այս են պատգամք զոր խօսեցաւ Մովսէս ընդ ամենայն Իսրայելի յայնկոյս Յորդանանու յանապատին յարեւմուտս՝ մերձ ի ծովն Կարմիր, ի մէջ Փառանտիփողայ, եւ Ղոբանայ, եւ Հանգրուանացն եւ Ոսկեկայ՝՝։

ԵՐԿՐՈՐԴՈՒՄՆ ՕՐԻՆԱՑ 11:1

Եւ սիրեսցես զՏէր Աստուած քո, եւ պահեսցես զպահպանութիւնս նորա եւ զիրաւունս նորա եւ զպատուիրանս նորա եւ զդատաստանս նորա զամենայն աւուրս կենաց քոց՝՝։

ԵՐԿՐՈՐԴՈՒՄՆ ՕՐԻՆԱՑ 12:1

Եւ այս են հրամանք եւ դատաստանք զոր զգուշանայցէք առնել յերկրին զոր Տէր Աստուած հարցն ձերոց տալոց է ձեզ ի ժառանգութիւն, զամենայն աւուրս զորս կեցցէք դուք ի վերայ երկրի։

ԵՐԿՐՈՐԴՈՒՄՆ ՕՐԻՆԱՑ 17:19

Եւ լիցի առ նմա, եւ ընթերցցի զսա զամենայն աւուրս կենաց իւրոց. զի ուսցի երկնչել ի Տեառնէ Աստուծոյ քումմէ, պահել զամենայն պատուիրանս զայսոսիկ, եւ առնել զիրաւունս զայսոսիկ.

ԵՐԿՐՈՐԴՈՒՄՆ ՕՐԻՆԱՑ 28:15

Եւ եղիցի եթէ ոչ լուիցես ձայնի Տեառն Աստուծոյ քո, պահել եւ առնել զամենայն պատուիրանս նորա զոր ես պատուիրեմ քեզ այսօր, եկեսցեն ի վերայ քո անէծքս այսոքիկ եւ հասցեն քեզ։

ԵՐԿՐՈՐԴՈՒՄՆ ՕՐԻՆԱՑ 29:10

Դուք կայք աւադիկ այսօր ամենեքեան առաջի Տեառն Աստուծոյ ձերոյ, ցեղապետք ձեր եւ ծերակոյտ ձեր եւ դատաւորք ձեր եւ ատենադպիրք ձեր, եւ ամենայն այր Իսրայելի,

ԵՐԿՐՈՐԴՈՒՄՆ ՕՐԻՆԱՑ 29:2

Եւ կոչեաց Մովսէս զամենայն որդիսն Իսրայելի եւ ասէ ցնոսա. Դուք ձեզէն տեսէք զամենայն ինչ զոր արար Տէր յԵգիպտոս առաջի ձեր, ընդ փարաւոն եւ ընդ ծառայս նորա, եւ ընդ ամենայն երկիր նորա.

ԵՐԿՐՈՐԴՈՒՄՆ ՕՐԻՆԱՑ 4:1

Եւ այժմ, Իսրայէլ, լուր իրաւանց եւ դատաստանաց զոր ես ուսուցանեմ քեզ այսօր առնել. զի կեցջիք, եւ մտանիցէք ժառանգիցէք զերկիրն զոր Տէր Աստուած մեր տացէ ձեզ։

ԵՐԿՐՈՐԴՈՒՄՆ ՕՐԻՆԱՑ 4:49

զամենայն զԱրաբա՝՝ որ է յայնկոյս Յորդանանու ընդ արեւելս, մինչեւ ցծովն Արաբացւոց ի ներքոյ Ասեդովթայ կոփածոյին՝՝։

ԵՐԿՐՈՐԴՈՒՄՆ ՕՐԻՆԱՑ 4:5

Տեսէք զի ուսուցի ձեզ զիրաւունս եւ զդատաստանս որպէս պատուիրեաց ինձ Տէր առնել զայն յերկրին յոր դուք մտանիցէք ժառանգել զնա։

ԵՐԿՐՈՐԴՈՒՄՆ ՕՐԻՆԱՑ 5:2

Տէր Աստուած մեր ուխտեաց ձեզ ուխտ ի Քորեբ։

ԵՐԿՐՈՐԴՈՒՄՆ ՕՐԻՆԱՑ 6:17

Պահելով պահեսցես զպատուիրանս Տեառն Աստուծոյ քո, զվկայութիւնս եւ զիրաւունս զոր պատուիրեաց քեզ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:8

Եւ մի՛ մերժեսցի զգիր օրինացս այսոցիկ ի բերանոյ քումմէ, եւ խոկասցես ի դա ի տուէ եւ ի գիշերի, զի իմասցիս առնել զամենայն գրեալսդ ի դմա. եւ ապա աջողեսցիս եւ ուղղեսցես զճանապարհս քո, եւ ապա խելամուտ լինիցիս։