ԵՐԿՐՈՐԴՈՒՄՆ ՕՐԻՆԱՑ 4:34 - Գրաբար Աստվածաշունչ (1895)

³⁴ եթէ յօժարեա՞լ իցէ Աստուծոյ մտանել առնուլ իւր ազգ ի միջոյ ազգի, փորձութեամբ եւ նշանօք եւ արուեստիւք եւ պատերազմաւ, հզօր ձեռամբ եւ բարձր բազկաւ եւ մեծամեծ տեսլեամբք, ըստ ամենայնի զոր արար Տէր Աստուած մեր յԵգիպտոս յանդիման քո իսկ տեսանելով։

ԵՐԿՐՈՐԴՈՒՄՆ ՕՐԻՆԱՑ 4:34 ပူးပေါင်းရင်းမြစ်များ

ԳԻՐՔ ՍԱՂՄՈՍԱՑ 24:8

զի քաղցր եւ ուղիղ ես, Տէր. վասն այսորիկ օրէնսգէտ առնես զմեղաւորս ի ճանապարհի։

ԳԻՐՔ ՍԱՂՄՈՍԱՑ 78:12

Հատո դրացեաց մերոց եւթնպատիկ ի ծոց նոցա, նախատինս զոր նախատեցին զքեզ, Տէր։

ԵԼՔ 1:9

Եւ ասէ ցազգն իւր. Ահա ազգ որդւոցն Իսրայելի մեծ է զօրութեամբ, եւ զօրանայ քան զմեզ։

ԵԼՔ 10:21

Եւ ասէ Տէր ցՄովսէս. Ձգեա զձեռն քո յերկինս, եւ եղիցի խաւար ի վերայ երկրիդ Եգիպտացւոց, խաւար շօշափելի։

ԵԼՔ 10:7

Ասեն ցնա ծառայքն փարաւոնի. Մինչեւ յե՞րբ իցէ մեզ խոչդ այդ. արձակեա զմարդիկն զի պաշտեսցեն զՏէր Աստուած իւրեանց. եթէ գիտե՞լ կամիցիս զի կորեաւ Եգիպտոս։

ԵԼՔ 13:3

Եւ ասէ Մովսէս ցժողովուրդն. Յիշեսջիք զօրս զայս յորում ելէք յԵգիպտոսէ ի տանէ ծառայութեան, զի հզօր ձեռամբ եհան զձեզ Տէր աստի. եւ ոչ ուտիցէք խմորուն։

ԵԼՔ 14:30

Եւ ապրեցոյց Տէր զԻսրայէլ յաւուր յայնմիկ ի ձեռաց Եգիպտացւոցն, եւ ետես Իսրայէլ զԵգիպտացիսն մեռեալս առ ափն ծովուն։

ԵԼՔ 15:11

Ո՞վ իցէ նման քեզ յաստուածս, Տէր, եւ կամ ո՞վ նմանիցէ քեզ, փառաւորեալդ ի սուրբս, սքանչելի փառօք՝՝, որ առնես զնշանս։

ԵԼՔ 19:4

Դուք ձեզէն տեսէք որչափ ինչ արարի ընդ Եգիպտացիսն, եւ առի զձեզ իբրեւ ի վերայ թեւոց արծուոյ եւ յարեցի զձեզ առ իս։

ԵԼՔ 3:10

Եւ արդ եկ առաքեցից զքեզ առ փարաւոն արքայ Եգիպտացւոց՝՝, եւ հանցես զժողովուրդ իմ, զորդիսն Իսրայելի, յերկրէն Եգիպտացւոց։

ԵԼՔ 6:6

Երթ խօսեաց ընդ որդիսն Իսրայելի, եւ ասասցես. Ես եմ Տէր. եւ հանից զձեզ ի բռնութենէ Եգիպտացւոցդ, եւ փրկեցից զձեզ ի ծառայութենէ դոցա, եւ ապրեցուցից զձեզ բարձր բազկաւ եւ մեծամեծ դատաստանօք։

ԵԼՔ 7:3

Եւ ես խստացուցից զսիրտն փարաւոնի, եւ յաճախեցից զնշանս իմ եւ զարուեստս յերկրիդ Եգիպտացւոց։

ՄԱՐԳԱՐԷՈՒԹԻՒՆ ԵՍԱՅԵԱՅ 51:9

Զարթիր, զարթիր, Երուսաղէմ, եւ զգեցիր զզօրութիւն բազկի քո՝՝. զարթիր իբրեւ յաւուրցն ի սկզբանէ, իբրեւ յազգացն յաւիտենից. ո՞չ դու այն ես որ տաշեցեր զլայնութիւնն, վանեցեր՝՝ զվիշապն.

ՄԱՐԳԱՐԷՈՒԹԻՒՆ ԵՐԵՄԵԱՅ 21:5

Եւ տաց պատերազմ ես իսկ ընդ ձեզ վերացեալ ձեռամբ եւ բարձրացեալ բազկաւ, սրտմտութեամբ եւ բարկութեամբ եւ մեծաւ ցասմամբ.

ՄԱՐԳԱՐԷՈՒԹԻՒՆ ԵՐԵՄԵԱՅ 32:21

եւ հաներ զժողովուրդ քո զԻսրայէլ յերկրէն Եգիպտացւոց նշանօք եւ արուեստիւք, հզօր ձեռամբ եւ բարձր բազկաւ, եւ մեծամեծ տեսլեամբք։

ԹԻՒՔ 20:16

Եւ բողոքեցաք առ Տէր, եւ լուաւ Տէր ձայնի մերում. եւ առաքեալ հրեշտակ՝ եհան զմեզ յԵգիպտոսէ. եւ արդ եմք մեք ի Կադէս քաղաքի, ի կողմն մի սահմանաց քոց.

ԵՐԿՐՈՐԴՈՒՄՆ ՕՐԻՆԱՑ 1:30

Տէր Աստուած մեր որ երթայ առաջի երեսաց ձերոց, նա տայ պատերազմ ընդ նոսա փոխանակ ձեր, ըստ ամենայնի զոր արար ձեզ յերկրին Եգիպտացւոց առաջի աչաց ձերոց։

ԵՐԿՐՈՐԴՈՒՄՆ ՕՐԻՆԱՑ 10:21

Զի նա է պարծանք քո եւ նոյն Աստուած քո, որ արար ի քեզ զմեծամեծսն եւ զփառաւորս զոր տեսին աչք քո։

ԵՐԿՐՈՐԴՈՒՄՆ ՕՐԻՆԱՑ 11:2

Եւ ծանիջիք այսօր, եթէ ոչ վասն որդւոց քոց որք ոչ գիտեն եւ ոչ տեսին զխրատ Տեառն Աստուծոյ քո եւ զմեծամեծս նորա, զձեռն հզօր եւ զբազուկ բարձր,

ԵՐԿՐՈՐԴՈՒՄՆ ՕՐԻՆԱՑ 26:8

եւ եհան զմեզ Տէր յԵգիպտոսէ ինքնին զօրութեամբ մեծաւ, եւ՝՝ հզօր ձեռամբ եւ բարձր բազկաւ, եւ մեծամեծ տեսլեամբք եւ նշանօք եւ արուեստիւք.

ԵՐԿՐՈՐԴՈՒՄՆ ՕՐԻՆԱՑ 29:3

զփորձանսն մեծամեծս զոր տեսին աչք ձեր, զնշանսն եւ զարուեստս մեծամեծս զայնոսիկ, զձեռն հզօր եւ զբազուկ բարձր.՝՝

ԵՐԿՐՈՐԴՈՒՄՆ ՕՐԻՆԱՑ 33:29

Երանեալ ես դու, Իսրայէլ, ո՞ նմանեսցէ քեզ, ժողովուրդ ընտրեալ ի Տեառնէ. պաշտպանեսցէ քեզ օգնականն քո, եւ սուր՝ պարծանք քո. եւ եկեսցեն թշնամիք քո, եւ դու ելցես ի վերայ պարանոցի նոցա՝՝։

ԵՐԿՐՈՐԴՈՒՄՆ ՕՐԻՆԱՑ 34:12

զնշանս մեծամեծս, զձեռն հզօր եւ զբազուկ բարձր՝՝ զոր արար Մովսէս առաջի որդւոցն Իսրայելի։

ԵՐԿՐՈՐԴՈՒՄՆ ՕՐԻՆԱՑ 5:15

եւ յիշեսցես դու զի ծառայ էիր յերկրին Եգիպտացւոց, եւ եհան զքեզ Տէր Աստուած քո անտի հզօր ձեռամբ եւ բարձր բազկաւ. վասն այսորիկ պատուիրեաց քեզ Տէր Աստուած քո պահել զօրն շաբաթուց եւ սրբել զնա՝՝։

ԵՐԿՐՈՐԴՈՒՄՆ ՕՐԻՆԱՑ 6:21

Եւ ասասցես ցորդին քո. Ծառայք էաք փարաւոնի յԵգիպտոս, եւ հան զմեզ Տէր Աստուած անտի հզօր ձեռամբ եւ բարձր բազկաւ՝՝.

ԵՐԿՐՈՐԴՈՒՄՆ ՕՐԻՆԱՑ 7:19

զփորձանս մեծամեծս զոր տեսին աչք քո, զնշանս եւ զարուեստս մեծամեծս, զձեռնն հզօր եւ զբազուկն բարձր. որպէս եհան զքեզ Տէր Աստուած քո անտի, նոյնպէս արասցէ Տէր Աստուած մեր ընդ ամենայն ազգսն յորոց դու երկնչիցիս յերեսաց նոցա։

ԵՐԿՐՈՐԴՈՒՄՆ ՕՐԻՆԱՑ 9:29

Եւ սոքա ժողովուրդ քո եւ ժառանգութիւն քո զոր հաներ յերկրէն Եգիպտացւոց զօրութեամբ քո մեծաւ եւ բարձր բազկաւ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:7

Եւ աղաղակեցաք առ Տէր, եւ եդ զամպն եւ զմէգ՝՝ ի մէջ ձեր եւ ի մէջ Եգիպտացւոց. եւ ած ի վերայ նոցա զծովն եւ ծածկեաց զնոսա. եւ տեսին աչք ձեր զոր արար Տէր՝՝ ընդ երկիրն Եգիպտացւոց. եւ էիք յանապատի անդ զաւուրս բազումս։

ՊԵՏՐՈՍԻ ԱՌԱՋԻՆ՝՝ 5:6

Խոնարհեցարուք ընդ հզօր ձեռամբն Աստուծոյ, զի զձեզ բարձրացուսցէ ի ժամանակի։