ԵՐԿՐՈՐԴՈՒՄՆ ՕՐԻՆԱՑ 33:17 - Գրաբար Աստվածաշունչ (1895)

¹⁷ Անդրանիկ ցլու գեղ նորա, եւ եղջեւրք միեղջերոյ եղջեւրք նորա. խեթկեսցէ նոքօք զազգս միանգամայն մինչեւ ցծագս երկրի. այս են բիւրաւորք Եփրեմի, եւ սոքա հազարաւորք Մանասէի։

ԵՐԿՐՈՐԴՈՒՄՆ ՕՐԻՆԱՑ 33:17 ပူးပေါင်းရင်းမြစ်များ

ԾՆՈՒՆԴՔ 48:19

Եւ ոչ կամեցաւ հայրն նորա, այլ ասէ. Գիտեմ որդեակ, գիտեմ. եւ դա եղիցի ի ժողովուրդ, եւ դա բարձրասցի. այլ եղբայրս դորա կրտսեր՝ եղիցի մեծ քան զդա, եւ զաւակ սորա եղիցի ի բազմութիւն ազգաց։

ԹԱԳԱՒՈՐՈՒԹԵԱՆՑ ԵՐՐՈՐԴ 22:11

Եւ արար իւր Սեդեկիա որդի Քանանու եղջեւրս երկաթիս եւ ասէ. Այսպէս ասէ Տէր. Սոքօք խեթկեսցես զԱսորիս մինչեւ սպառեսցին։

ՄՆԱՑՈՐԴԱՑ ԱՌԱՋԻՆ 12:31

Եւ ի կիսոյ ցեղէն Մանասէի՝ ութուտասն հազար, որք անուանեցան յանուանէ թագաւորեցուցանել զԴաւիթ։

ՄՆԱՑՈՐԴԱՑ ԱՌԱՋԻՆ 12:32

Եւ յորդւոցն Իսաքարայ որք գիտէին զհանճար, ի ժամանակի ճանաչելով թէ զինչ առնիցեն Իսրայելի, յիշխանութեան իւրեանց՝՝ երկերիւր. եւ ամենեքեան եղբարք իւրեանց ընդ նոսա։

ՄՆԱՑՈՐԴԱՑ ԱՌԱՋԻՆ 5:1

Եւ Որդիք Ռուբենի՝ անդրանկանն Իսրայելի, վասն զի նա էր անդրանիկ. եւ յելանելն նորա յանկողինս հօր իւրոյ՝ ետ զօրհնութիւն նորա որդւոյ իւրում Յովսեփայ՝ որդւոյ Իսրայելի. եւ ոչ համարեցաւ յազգ յանդրանկութեանն իւրում.

ՄՆԱՑՈՐԴԱՑ ԱՌԱՋԻՆ 5:2

վասն զի Յուդա զօրաւոր էր ուժով յեղբարսն իւրում. եւ էր իշխան նոցա. եւ եղեւ օրհնութիւնն՝՝ Յովսեփայ։

ՄՆԱՑՈՐԴԱՑ ԱՌԱՋԻՆ 5:23

Եւ կէս ցեղին Մանասէի բնակեաց յերկրին Բասանայ մինչեւ ի Բաաղերմոն եւ Սանիր, եւ ի լեռանն Ահերմոնի եւ ի Լիբանան՝՝. ինքեանք բազմացան։

ՄՆԱՑՈՐԴԱՑ ԵՐԿՐՈՐԴ 18:10

Եւ արար իւր Սեդեկիաս որդի Քանանու եղջեւրս երկաթեղէնս, եւ ասէ. Այսպէս ասէ Տէր. Սոքօք հարցես զԱսորիս մինչեւ վախճանեսցես։

ԳԻՐՔ ՍԱՂՄՈՍԱՑ 29:6

Սրտմտութիւն է ի բարկութեան նորա, եւ կեանք են ի կամաց նորա. ընդ երեկոյս հանգիցեն լալիք, առաւօտու եղիցի ուրախութիւն։

ԳԻՐՔ ՍԱՂՄՈՍԱՑ 44:5

Լարեա, ուղղեա եւ թագաւորեա վասն ճշմարտութեան, հեզութեան եւ արդարութեան, եւ առաջնորդեսցէ քեզ սքանչելապէս աջ քո։

ԳԻՐՔ ՍԱՂՄՈՍԱՑ 60:7

Աւուրս յաւուրս յաւելեր թագաւորի, ամաց նորա, աւուրս ազգաց մինչեւ յազգս նորա՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 34:7

Եւ ընկճեսցին մեծամեծք ընդ նոսա՝ եւ խոյք եւ ցուլք՝՝. եւ արբեսցի երկիրն յարենէ նոցա, եւ հող նոցա ի ճարպոյ նոցա լցցի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 34:21

փոխանակ զի կողամբք եւ ուսովք ձերովք գրթցէիք, եւ ոգորէիք՝՝ եւ եղջերովք ձերովք խեթկէիք զամենայն անաւագն, եւ ի բաց մերժէիք զնոսա, մինչեւ ցրուեցան խաշինք իմ,

ՄԱՐԳԱՐԷՈՒԹԻՒՆ ՈՎՍԵԱՅ 5:3

Ես ծանեայ զԵփրեմ, եւ Իսրայէլ ոչ է ի բացեայ յինէն. քանզի այժմ պոռնկեցաւ Եփրեմ, եւ պղծեցաւ Իսրայէլ։

ՄԱՐԳԱՐԷՈՒԹԻՒՆ ՈՎՍԵԱՅ 6:4

Զի՞նչ արարից ընդ քեզ, Եփրեմ, եւ կամ զի՞նչ անցուցից՝՝ ընդ քեզ, Յուդայ. զի ողորմութիւն ձեր իբրեւ զամպ վաղորդայնի, եւ իբրեւ զցօղ առաւօտու որ անցանէ։

ՄԱՐԳԱՐԷՈՒԹԻՒՆ ՈՎՍԵԱՅ 7:1

Ի բժշկել ինձ զԻսրայէլ եւ յայտնեսցին չարիքն Եփրեմայ եւ չարիքն Շամրնի, զի արարին ստութիւն. գող մտցէ առ նա, եւ աւազակ մերկացուսցէ ի ճանապարհս նորա։

ԹԻՒՔ 23:22

Եւ Աստուած որ եհան զնոսա յԵգիպտոսէ՝ իբրեւ փառք միեղջիւրու ի վերայ նորա։

ԹԻՒՔ 24:8

Աստուած առաջնորդեաց նմա յԵգիպտոսէ, իբրեւ փառք միեղջիւրու ի վերայ նորա. կերիցէ զազգս թշնամեաց իւրոց, եւ զպարարտութիւն նոցա ուղղածուծ արասցէ՝՝. եւ նետիւք իւրովք նետաձիգ լիցի ի թշնամիս։

ԹԻՒՔ 26:34

Այս գունդք Մանասէի ի հանդիսէ իւրեանց, յիսուն եւ երկու հազարք եւ եւթն հարեւր։

ԹԻՒՔ 26:37

Այս գունդք Եփրեմայ ի հանդիսէ իւրեանց, երեսուն եւ երկու հազարք եւ հինգ հարեւր։ Սոքա են գունդք Յովսեփայ ըստ գնդից իւրեանց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:14

Ընդդէմ դարձան որդիքն Յովսեփայ Յեսուայ եւ ասեն. Ընդէ՞ր ժառանգեցուցեր մեզ մի ժառանգութիւն եւ մի վիճակ, եւ ես ժողովուրդ բազում եմ, եւ Աստուած օրհնեաց զիս։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:18

անտառն եղիցի քեզ, զի անտառ է եւ սրբեսցես զնա, եւ եղիցին քեզ ելք նորա յորժամ սատակեսցես զՔանանացին. զի թէպէտ եւ երիվարք ընտիրք՝՝ իցեն նորա, եւ զօրագոյն քան զքեզ իցէ, դու յաղթահարեսցես զնա՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 2:1

Եւ յաղօթս եկաց Աննա եւ ասէ. Հաստատեցաւ սիրտ իմ ի Տէր, եւ բարձրացաւ եղջեւր իմ յԱստուած իմ՝՝. ընդարձակեցաւ բերան իմ ի վերայ թշնամեաց իմոց, ուրախ եղէ ի փրկութեան քում։