ԵՐԿՐՈՐԴՈՒՄՆ ՕՐԻՆԱՑ 33:10 - Գրաբար Աստվածաշունչ (1895)

¹⁰ Պատմեսցեն զիրաւունս քո Յակոբայ, եւ զօրէնս քո Իսրայելի. դիցեն խունկս ի բարկութեան քում հանապազ՝՝ ի վերայ սեղանոյ քո։

ԵՐԿՐՈՐԴՈՒՄՆ ՕՐԻՆԱՑ 33:10 ပူးပေါင်းရင်းမြစ်များ

ՄՆԱՑՈՐԴԱՑ ԵՐԿՐՈՐԴ 26:18

կացին ի վերայ Ոզիայ արքայի եւ ասեն ցնա. Ոչ է քո, Ոզիաս, ծխել խունկս Տեառն, այլ քահանայից որդւոց Ահարոնի սրբեցելոցդ է ծխել զայդ. ել արտաքս ի սրբութեանց, վասն զի ապստամբեցեր դու ի Տեառնէ, եւ ոչ եւս լիցի քեզ այդ ի փառս ի Տեառնէ Աստուծոյ։

ՄՆԱՑՈՐԴԱՑ ԵՐԿՐՈՐԴ 30:22

Եւ խօսեցաւ Եզեկիաս ի սիրտս ամենայն Ղեւտացւոցն եւ յայլոց իմաստնոցն՝՝ որք իմանային զհանճար բարի Տեառն, եւ կատարեցին զտօն բաղարջոցն աւուրս եւթն, զենուլ զզոհս փրկութեանն եւ խոստովան լինել Տեառն Աստուծոյ հարցն իւրեանց։

ԵԶՐ 7:10

Եւ եդ Եզրա ի սրտի իւրում՝՝ խնդրել զօրէնսն Տեառն, եւ գրել զնա եւ ուսուցանել Իսրայելի զհրամանս եւ զդատաստանս։

ԳԻՐՔ ՆԷԵՄԵԱՅ 8:18

Եւ կարդայր զգիրս օրինացն օր ըստ օրէ, յօրէն յառաջնմէ մինչեւ յօրն եւթներորդ. եւ արարին զտօնն զեւթն օր, եւ յաւուրն ութերորդի եղեւ կատարումն ըստ օրինացն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:27

Եւ վախճանեսցեն զաւուրսն, եւ եղիցի յօրէն ութերորդէ եւ անդր՝ արասցեն քահանայքն ի վերայ սեղանոյն զողջակէզս ձեր, եւ զվասն փրկութեան ձերոյ՝՝, եւ ընկալայց զձեզ, ասէ Տէր Տէր։

ՄԱՐԳԱՐԷՈՒԹԻՒՆ ՈՎՍԵԱՅ 4:6

Նմանեցաւ ժողովուրդ իմ այնմիկ՝ յորում ոչ գոյր գիտութիւն՝՝. զի դու զգիտութիւն մերժեցեր, մերժեցից եւ ես զքեզ, զի մի՛ եւս քահանայասցիս ինձ. եւ մոռացար զօրէնս Աստուծոյ քո, մոռացայց եւ ես զորդիսն քո։

ՂԵՒՏԱԿԱՆ 1:13

Եւ զփորոտին եւ զոտսն լուասցեն ջրով. եւ մատուսցէ քահանայն զամենայն, եւ դիցէ ի վերայ սեղանոյն. զի ողջակէզ զոհի է ի հոտ անուշից Տեառն։

ՂԵՒՏԱԿԱՆ 1:17

Եւ ջախջախեսցէ զայն ի թեւոցն, եւ ի բաց մի՛ զատուսցէ. եւ դիցէ զայն քահանայն ի սեղանն ի վերայ փայտին եւ հրոյ. զի ողջակէզ զոհի է ի հոտ անուշից Տեառն։

ՂԵՒՏԱԿԱՆ 1:9

Եւ զփորոտին եւ զոտսն լուասցեն ջրով. եւ դիցեն քահանայքն՝՝ զամենայն ի վերայ սեղանոյն. զի ողջակէզ զոհի է ի հոտ անուշից Տեառն։

ՂԵՒՏԱԿԱՆ 10:11

եւ իմացուցանել որդւոցն Իսրայելի զամենայն զօրէնս զոր խօսեցաւ Տէր ընդ նոսա ի ձեռն Մովսիսի։

ՂԵՒՏԱԿԱՆ 16:12

Եւ առցէ լի բուրուառաւ կայծակունս հրոյ ի սեղանոյ անտի որ է առաջի Տեառն, եւ լցցէ զձեռս իւր խնկով հանդերձանացն մանր աղացելով, եւ տարցի ի ներքս քան զվարագոյրն։

ՂԵՒՏԱԿԱՆ 16:13

Եւ դիցէ զխունկն ի վերայ հրոյն առաջի Տեառն, եւ ծածկեսցէ ծուխ խնկոյն զքաւութիւնն որ իցէ ի վերայ վկայութեանցն, եւ ոչ մեռանիցի։

ՄԱՐԳԱՐԷՈՒԹԻՒՆ ԱՆԳԵԱՅ 2:11

Այսպէս ասէ Տէր ամենակալ. Հարց օրէնս ի քահանայիցդ եւ ասասցես.

ՄԱՐԳԱՐԷՈՒԹԻՒՆ ԱՆԳԵԱՅ 2:12

Եթէ առնուցու մարդ միս սուրբ ի դրօշակ հանդերձի իւրոյ, եւ մերձեսցի ձորձք իւր՝՝ ի հաց կամ ի թան կամ ի գինի կամ յեւղ, կամ յամենայն կերակուրս, իցէ՞ թէ սրբեսցի։ Պատասխանի ետուն քահանայքն եւ ասեն. Ոչ։

ԹԻՒՔ 16:40

ի յիշատակ որդւոցն Իսրայելի, զի մի՛ մերձենայցէ այլազգի ոք որ չիցէ ի զաւակէ Ահարոնի՝ դնել խունկս առաջի Տեառն, զի մի՛ լինիցի իբրեւ զԿորխ եւ զխուժան նորա. որպէս խօսեցաւ Տէր ի ձեռն Մովսիսի։

ԹԻՒՔ 16:46

Եւ ասէ Մովսէս ցԱհարոն. Առ դու զբուրուառն, եւ դիցես ի նմա հուր ի սեղանոյ անտի, եւ արկ ի նա խունկ, եւ տար վաղվաղակի ի բանակն եւ քաւեսցես վասն նոցա. քանզի ել բարկութիւն ի Տեառնէ եւ սկսաւ սատակել զժողովուրդն։

ԹԻՒՔ 7:50

տուփ մի ի տասն դահեկանէ՝՝ լի խնկով,

ԵՐԿՐՈՐԴՈՒՄՆ ՕՐԻՆԱՑ 24:8

Զգոյշ լեր անձին քում յարածէ բորոտութեան. զգոյշ լինիջիր՝ առնել ըստ ամենայն օրինին զոր պատմիցեն ձեզ քահանայքն Ղեւտացիք, զոր օրինակ պատուիրեցի ձեզ զգուշանալ՝՝ առնելոյ։

ԵՐԿՐՈՐԴՈՒՄՆ ՕՐԻՆԱՑ 27:14

Եւ պատասխանի տուեալ Ղեւտացւոցն ասիցեն մեծաձայն ամենայն Իսրայելի,

ԵՐԿՐՈՐԴՈՒՄՆ ՕՐԻՆԱՑ 33:11

Օրհնեա, Տէր, զզօրութիւն նորա, եւ ընկալ զգործս ձեռաց նորա. խորտակեա զմէջս ի վերայ յարուցելոց թշնամեաց նորա, եւ ատելիք նորա մի՛ կանգնեսցին։

ԱՌ ԵԲՐԱՅԵՑԻՍ ԹՈՒՂԹ 7:25

ուստի եւ կենդանի առնել համօրէն կարող է զմատուցեալսն նովաւ առ Աստուած. քանզի միշտ կենդանի է լինել բարեխօս վասն նոցա։

ԱՌ ԵԲՐԱՅԵՑԻՍ ԹՈՒՂԹ 9:24

Զի ոչ եթէ ի ձեռագործ սրբութիւնսն եմուտ Քրիստոս՝ յօրինակս ճշմարտութեանն, այլ ի բուն իսկ յերկինս, յանդիման լինել երեսացն Աստուծոյ վասն մեր։

ԹԱԳԱՒՈՐՈՒԹԵԱՆՑ ԱՌԱՋԻՆ 2:28

եւ ընտրեցի զտուն հօր քո յամենայն գաւազանացն Իսրայելի քահանայանալ ինձ, ելանել առ սեղանն իմ, արկանել խունկս եւ կրել զեփուդն առաջի իմ. եւ ետու տան հօր քո զամենայն զառ ի հրոյն որդւոցն Իսրայելի ի կերակուր։