ԵՐԿՐՈՐԴՈՒՄՆ ՕՐԻՆԱՑ 31:19 - Գրաբար Աստվածաշունչ (1895)

¹⁹ Եւ արդ գրեցէք զբանս օրհնութեանս այսորիկ, եւ ուսուսջիք զդա որդւոցն Իսրայելի, եւ արկջիք զդա ի բերան նոցա, զի եղիցի ինձ օրհնութիւնդ այդ ի վկայութիւն ի մէջ որդւոցդ Իսրայելի։

ԵՐԿՐՈՐԴՈՒՄՆ ՕՐԻՆԱՑ 31:19 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 14:3

Եւ եկեսցես առ արքայ, եւ խօսեսցիս ընդ նմա ըստ բանիս ըստ այսմիկ։ Եւ եդ Յովաբ բանս ի բերան նորա։

ԳԻՐՔ ՍԱՂՄՈՍԱՑ 102:18

Ոյք պահեն զուխտս նորա, յիշեն զպատուիրանս նորա եւ առնեն զնա։

ԵԼՔ 4:15

Եւ խօսեսցիս ընդ նմա, եւ տացես զպատգամս իմ ի բերան նորա. եւ ես բացից զբերան քո եւ զբերան նորա, եւ խելամուտ արարից զձեզ զինչ առնիցէք։

ՄԱՐԳԱՐԷՈՒԹԻՒՆ ԵՍԱՅԵԱՅ 51:16

Եդից զբանս իմ ի բերանս քո, եւ ընդ հովանեաւ ձեռին իմոյ ծածկեցից զքեզ, որով կանգնեցի զերկինս եւ արկի զհիմունս երկրի, եւ ասացի ցՍիոն. Ժողովուրդ իմ ես դու։

ՄԱՐԳԱՐԷՈՒԹԻՒՆ ԵՍԱՅԵԱՅ 59:21

Եւ այս նոցա որ յինէն ուխտ, ասէ Տէր. Հոգին իմ որ է ի քեզ եւ բանք զոր ետու ի բերան քո՝ մի՛ պակասեսցեն ի բերանոյ քումմէ եւ ի բերանոյ զաւակի քո. եւ ի բերանոյ զաւակէ զաւակի քո, ասէ Տէր, յայսմհետէ մինչեւ յաւիտեան։

ՄԱՐԳԱՐԷՈՒԹԻՒՆ ԵՐԵՄԵԱՅ 1:9

Եւ ձգեաց Տէր զձեռն իւր առ իս եւ մերձեցոյց ի բերան իմ, եւ ասէ ցիս. Ահա ետու զբանս իմ ի բերան քո.

ՄԱՐԳԱՐԷՈՒԹԻՒՆ ԵԶԵԿԻԵԼԻ 2:5

Եթէ իցէ լուիցեն կամ սարսեսցեն՝՝, զի տուն դառնացողաց են. եւ կամ բնաւ՝՝ ծանիցեն թէ մարգարէ ես դու ի մէջ նոցա։

Մատթեոսի Աւետարան 10:18

եւ առաջի դատաւորաց եւ թագաւորաց տանիցին զձեզ վասն իմ ի վկայութիւն նոցա եւ հեթանոսաց։

ԱՒԵՏԱՐԱՆ ԸՍՏ ՅՈՎՀԱՆՆՈՒ 12:48

Որ անարգէ զիս եւ ոչ ընդունի զբանս իմ, գոյ որ դատի զնա. բանն զոր ես խօսեցայ, նա դատի զնա յաւուրն յետնում։

ԵՐԿՐՈՐԴՈՒՄՆ ՕՐԻՆԱՑ 11:19

եւ ուսուսջիք որդւոց ձերոց խօսել զսոսա ի նստել ի տան, եւ ի գնալ ի ճանապարհի, եւ ի ննջել եւ ի յառնել.

ԵՐԿՐՈՐԴՈՒՄՆ ՕՐԻՆԱՑ 31:18

Եւ ես դարձուցանելով դարձուցից զերեսս իմ ի նոցանէ յաւուր յայնմիկ վասն ամենայն չարեացն զոր արարին, զի դարձան յաստուածս օտարոտիս։

ԵՐԿՐՈՐԴՈՒՄՆ ՕՐԻՆԱՑ 31:26

Առեալ զմատեան օրինացդ այդոցիկ դնիցէք ի կողմանէ տապանակի ուխտին Տեառն Աստուծոյ ձերոյ, եւ եղիցի անդ ընդ քեզ ի վկայութիւն.

ԵՐԿՐՈՐԴՈՒՄՆ ՕՐԻՆԱՑ 31:30

Եւ խօսեցաւ Մովսէս յականջս ամենայն եկեղեցւոյն Իսրայելի զբանս օրհնութեանս այսորիկ մինչեւ ի սպառ։

ԵՐԿՐՈՐԴՈՒՄՆ ՕՐԻՆԱՑ 32:1

Նայեցարուք, երկինք, եւ խօսեցայց, եւ լուիցէ երկիր զպատգամս բերանոյ իմոյ։

ԵՐԿՐՈՐԴՈՒՄՆ ՕՐԻՆԱՑ 6:7

եւ իմացուսցես՝՝ զայս որդւոց քոց, եւ խօսեսցիս սոքօք ի նստել ի տան եւ ի գնալ ի ճանապարհի եւ ի ննջել եւ ի յառնել.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:27

եւ ասէ Յեսու ցամենայն ժողովուրդն. Ահա վէմս այս եղիցի ձեզ ի վկայութիւն, զի սա լուաւ զամենայն խօսեցեալսն ի Տեառնէ զոր խօսեցաւ ընդ ձեզ այսօր՝՝. եւ եղիցի սա ձեզ ի վկայութիւն աւուրց յետնոց յորժամ՝՝ ստիցէք Տեառն Աստուծոյ ձերում։