ԵՐԿՐՈՐԴՈՒՄՆ ՕՐԻՆԱՑ 29:21 - Գրաբար Աստվածաշունչ (1895)

²¹ եւ զատուսցէ զնա Տէր ի չարիս յամենայն որդւոցն Իսրայելի, ըստ ամենայն նզովից ուխտիս գրելոյ ի գիրս օրինացս այսոցիկ.

ԵՐԿՐՈՐԴՈՒՄՆ ՕՐԻՆԱՑ 29:21 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵՐԵՄԵԱՅ 42:18

Զի այսպէս ասէ Տէր զօրութեանց՝ Աստուած Իսրայելի. Որպէս կաթեաց սրտմտութիւն բարկութեան իմոյ ի վերայ բնակչաց Երուսաղեմի, նոյնպէս կաթեսցէ սրտմտութիւն իմ ի վերայ ձեր ի մտանելն ձեր յԵգիպտոս. եւ եղիջիք յանապատ եւ վտարանդիք՝՝ եւ ի նզովս եւ ի նախատինս, եւ մի՛ եւս տեսանիցէք զտեղիս զայս,

ՄԱՐԳԱՐԷՈՒԹԻՒՆ ԵԶԵԿԻԵԼԻ 13:9

եւ ձգեցից զձեռն իմ ի վերայ մարգարէիցն որ տեսանէին ստութիւնս եւ խօսէին սնոտիս. ի խրատու ժողովրդեան իմոյ մի՛ կացցեն, եւ մի՛ ի գիրս տանն Իսրայելի գրեսցին, եւ յերկիրն Իսրայելի մի՛ մտցեն. եւ ծանիցեն թէ ես եմ Ադոնայի Տէր։

ՄԱՐԳԱՐԷՈՒԹԻՒՆ ՄԱՂԱՔԻԱՅ 3:18

Եւ դարձջիք եւ տեսջիք ի մէջ արդարոյն եւ ի մէջ անօրինին, եւ ի մէջ ծառայելոյն Աստուծոյ՝ եւ ի մէջ չծառայելոյն։

Մատթեոսի Աւետարան 24:51

եւ կտրեսցէ զնա ընդ մէջ, եւ զբաժին նորա ընդ կեղծաւորս դիցէ. անդ եղիցի լալ եւ կրճել ատամանց։

Մատթեոսի Աւետարան 25:32

Եւ ժողովեսցին առաջի նորա ամենայն ազգք, եւ մեկնեսցէ զնոսա ի միմեանց, որպէս հովիւ զի մեկնէ զօդիս յայծեաց.

Մատթեոսի Աւետարան 25:41

Յայնժամ ասասցէ եւ ցայնոսիկ որ ընդ ահեկէն իցեն. Երթայք յինէն, անիծեալք, ի հուրն յաւիտենական, որ պատրաստեալ է Սատանայի եւ հրեշտակաց նորա։

Մատթեոսի Աւետարան 25:46

Եւ երթիցեն նոքա ի տանջանսն յաւիտենականս, եւ արդարքն՝ ի կեանսն յաւիտենականս։

ԵՐԿՐՈՐԴՈՒՄՆ ՕՐԻՆԱՑ 28:59

նորանշան արասցէ Տէր զհարուածս քո եւ զհարուածս զաւակի քո, զհարուածս մեծամեծս եւ զարմանալիս, եւ զցաւս չարաչարս եւ զկարեւորս.

ԵՐԿՐՈՐԴՈՒՄՆ ՕՐԻՆԱՑ 28:61

Եւ զամենայն հիւանդութիւնս եւ զամենայն հարուածս գրեալս ի գիրս օրինացս այսոցիկ՝ ածցէ Տէր ի վերայ քո, մինչեւ սատակեսցէ զքեզ։

ԵՐԿՐՈՐԴՈՒՄՆ ՕՐԻՆԱՑ 30:10

եթէ լուիցես ձայնի Տեառն Աստուծոյ քո, պահել եւ առնել զամենայն պատուիրանս նորա եւ զիրաւունս նորա եւ զդատաստանս նորա զգրեալս ի գրի օրինացս այսոցիկ, եթէ դարձցիս առ Տէր Աստուած քո յամենայն սրտէ քումմէ եւ յամենայն անձնէ քումմէ։

ԵՐԿՐՈՐԴՈՒՄՆ ՕՐԻՆԱՑ 32:23

Կուտեցից ի նոսա չարիս, եւ զնետս իմ սպառեցից ի նոսա։