ԵՐԿՐՈՐԴՈՒՄՆ ՕՐԻՆԱՑ 29:1 - Գրաբար Աստվածաշունչ (1895)

¹ Այս բանք են ուխտին զոր պատուիրեաց Տէր Մովսիսի, հաստատել որդւոցն Իսրայելի յերկրին Մովաբու, թող զայն ուխտ զոր ուխտեաց նոցա ի Քորեբ։

ԵՐԿՐՈՐԴՈՒՄՆ ՕՐԻՆԱՑ 29:1 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:3

Եւ եկաց արքայ ի վերայ սեանն, եւ ուխտեաց ուխտ առաջի Տեառն երթալոյ զհետ Տեառն, եւ պահելոյ զպատուիրանս նորա եւ զվկայութիւնս նորա եւ զիրաւունս նորա յամենայն սրտէ եւ յամենայն անձնէ, կանգնել զբանս ուխտին գրելոյ ի մատենին յայնմիկ. եւ եկաց ամենայն ժողովուրդն յուխտի։

ԳԻՐՔ ՍԱՂՄՈՍԱՑ 105:27

Ցրուեսցի զաւակ նոցա ընդ հեթանոսս, ցրուեսցի զաւակ նոցա ընդ գաւառս։

ՄԱՐԳԱՐԷՈՒԹԻՒՆ ԵՐԵՄԵԱՅ 11:2

Լուարուք զբան ուխտիս այսորիկ, եւ խօսեցարուք ընդ արսդ Յուդայ եւ ընդ բնակիչսդ Երուսաղեմի.

ՄԱՐԳԱՐԷՈՒԹԻՒՆ ԵՐԵՄԵԱՅ 11:6

Եւ ասէ ցիս Տէր. Ընթերցիր զամենայն զբանսդ զայդոսիկ ի քաղաքսդ Յուդայ եւ արտաքոյ Երուսաղեմի, եւ ասասցես. Լուարուք զպատգամ ուխտիդ այդորիկ, եւ արարէք զդոսա.

ՄԱՐԳԱՐԷՈՒԹԻՒՆ ԵՐԵՄԵԱՅ 31:32

ոչ ըստ ուխտին զոր ուխտեցի ընդ հարս նոցա՝ յաւուր յորում առի զձեռանէ նոցա հանել զնոսա յերկրէն Եգիպտացւոց. զի նոքա ոչ կացին յուխտին իմում, եւ ես անփոյթ արարի զնոցանէ, ասէ Տէր.

ՄԱՐԳԱՐԷՈՒԹԻՒՆ ԵՐԵՄԵԱՅ 34:18

Եւ տաց զարսդ որ անցին զուխտիւ իմով, եւ ոչ կացին ի բանս ուխտի իմոյ զոր արարին առաջի իմ, զորթն զոր կտրեցին եւ անցին ընդ մէջ յօշուածոցն նորա,

ՂԵՒՏԱԿԱՆ 26:46

Այս են իրաւունք եւ հրամանք եւ օրէնք, զոր ետ Տէր ի մէջ իւր եւ ի մէջ որդւոցն Իսրայելի ի լերինն Սինայ ի ձեռն Մովսիսի։

ՂԵՒՏԱԿԱՆ 27:34

Այս են պատուիրանք զոր պատուիրեաց Տէր Մովսիսի առ որդիսն Իսրայելի ի լերինն Սինայի։

ԳՈՐԾՔ ԱՌԱՔԵԼՈՑ 3:25

Դուք էք որդիք մարգարէիցն եւ ուխտին զոր ուխտեաց Աստուած ընդ հարսն մեր, եւ ասէ ցԱբրահամ. Ի զաւակի քում օրհնեսցին ամենայն ազգք երկրի։

ԵՐԿՐՈՐԴՈՒՄՆ ՕՐԻՆԱՑ 1:1

Այս են պատգամք զոր խօսեցաւ Մովսէս ընդ ամենայն Իսրայելի յայնկոյս Յորդանանու յանապատին յարեւմուտս՝ մերձ ի ծովն Կարմիր, ի մէջ Փառանտիփողայ, եւ Ղոբանայ, եւ Հանգրուանացն եւ Ոսկեկայ՝՝։

ԵՐԿՐՈՐԴՈՒՄՆ ՕՐԻՆԱՑ 28:68

Եւ դարձուսցէ զքեզ Տէր անդրէն յԵգիպտոս նաւօք հազարաւոր զօրօք. եւ՝՝ ընդ ճանապարհ ընդ նոյն՝ ոչ յաւելեցուք՝՝ տեսանել զնա. եւ վաճառեսջիք անդ թշնամեաց ձերոց ի ծառայս եւ յաղախնայս, եւ ոչ ոք իցէ որ գնիցէ։

ԵՐԿՐՈՐԴՈՒՄՆ ՕՐԻՆԱՑ 29:12

յանցանել քո զուխտիւ Տեառն Աստուծոյ քո, եւ զնզովիւք նորա զոր Տէր Աստուած քո ուխտէ քեզ այսօր,

ԵՐԿՐՈՐԴՈՒՄՆ ՕՐԻՆԱՑ 29:2

Եւ կոչեաց Մովսէս զամենայն որդիսն Իսրայելի եւ ասէ ցնոսա. Դուք ձեզէն տեսէք զամենայն ինչ զոր արար Տէր յԵգիպտոս առաջի ձեր, ընդ փարաւոն եւ ընդ ծառայս նորա, եւ ընդ ամենայն երկիր նորա.

ԵՐԿՐՈՐԴՈՒՄՆ ՕՐԻՆԱՑ 29:21

եւ զատուսցէ զնա Տէր ի չարիս յամենայն որդւոցն Իսրայելի, ըստ ամենայն նզովից ուխտիս գրելոյ ի գիրս օրինացս այսոցիկ.

ԵՐԿՐՈՐԴՈՒՄՆ ՕՐԻՆԱՑ 29:25

Պատասխանի տացեն եւ ասասցեն. Զի թողին զուխտն Աստուծոյ հարց իւրեանց, զոր ուխտեաց հարցն նոցա յորժամ եհան զնոսա յերկրէն Եգիպտացւոց,

ԵՐԿՐՈՐԴՈՒՄՆ ՕՐԻՆԱՑ 4:10

Զօրն յորում կացէք դուք ի Քորեբ առաջի Տեառն Աստուծոյ ձերոյ յաւուրն եկեղեցւոյ՝՝, յորժամ ասաց ցիս Տէր, թէ Եկեղեցացո առ իս զժողովուրդդ, եւ լուիցեն զպատգամս իմ զոր ուսուցից երկնչել յինէն զամենայն աւուրս որչափ կենդանի իցեն դոքա ի վերայ երկրի, եւ ուսուսցեն զորդիս իւրեանց։

ԵՐԿՐՈՐԴՈՒՄՆ ՕՐԻՆԱՑ 4:13

Եւ պատմեաց ձեզ զուխտն իւր զոր պատուիրեաց ձեզ առնել, զտասն պատգամսն, եւ գրեաց զնոսա ի վերայ երկուց քարեղէն տախտակաց։

ԵՐԿՐՈՐԴՈՒՄՆ ՕՐԻՆԱՑ 4:23

Զգոյշ լերուք գուցէ մոռանայցէք զուխտն Տեառն Աստուծոյ մերոյ զոր ուխտեաց ընդ ձեզ, եւ առնիցէք ձեզ դրօշեալ, նմանութիւն յամենայնէ յորոց պատուիրեաց քեզ Տէր Աստուած քո։

ԱՌ ԵԲՐԱՅԵՑԻՍ ԹՈՒՂԹ 8:9

ոչ ըստ ուխտին զոր եդի ընդ հարս նոցա յաւուրն յորում առի ի ձեռն հանել զնոսա յերկրէն Եգիպտացւոց. եւ զի նոքա ոչ կացին յուխտին իմում, եւ ես անփոյթ արարի զնոցանէ, ասէ Տէր ամենակալ։

ԹԱԳԱՒՈՐՈՒԹԵԱՆՑ ԱՌԱՋԻՆ 12:24

Բայց երկերուք ի Տեառնէ, եւ ծառայեցէք նմա ճշմարտութեամբ յամենայն սրտէ ձերմէ. քանզի տեսէք զմեծամեծսն զոր արար ընդ մեզ։