ԵՐԿՐՈՐԴՈՒՄՆ ՕՐԻՆԱՑ 28:62 - Գրաբար Աստվածաշունչ (1895)

⁶² Եւ մնասջիք թուով սակաւք, փոխանակ զի էիք դուք իբրեւ զաստեղս երկնից բազմութեամբ, եւ ոչ լուարուք ձայնի Տեառն Աստուծոյ ձերոյ։

ԵՐԿՐՈՐԴՈՒՄՆ ՕՐԻՆԱՑ 28:62 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 13:7

Եւ ոչ մնաց Յովաքազայ զօր, այլ հեծեալք յիսուն եւ կառք տասն, եւ տասն հազար հետեւակաց. զի կորոյս զնոսա արքայն Ասորւոց եւ եդ զնոսա իբրեւ զհող ի կոխումն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 24:14

Եւ խաղացոյց զամենայն Երուսաղէմ եւ զամենայն իշխանս եւ զամենայն զօրաւորս զօրութեամբ ի գերութեան, տասն հազար գերեաց, եւ զամենայն հիւսունս եւ զդահիճս, եւ ոչ ոք մնաց բաց յաղքատաց երկրին։

ԳԻՐՔ ՆԷԵՄԵԱՅ 7:4

Վասն զի քաղաքս մեծ եւ ընդարձակ է եւ ժողովուրդս սակաւ ի սմա, եւ ոչ եւս են դեռ ամենայն ապարանք շինեալ։

ԳԻՐՔ ՆԷԵՄԵԱՅ 9:23

Եւ զորդիս նոցա բազմացուցեր իբրեւ զաստեղս երկնից. եւ ածեր զնոսա յերկիր զոր խոստացար հարցն նոցա, եւ ժառանգեցին զնա.

ՄԱՐԳԱՐԷՈՒԹԻՒՆ ԵՍԱՅԵԱՅ 1:9

Եւ եթէ ոչ Տեառն զօրութեանց թողեալ էր մեզ զաւակ՝ իբրեւ զՍոդոմ լինէաք, եւ Գոմորայ նմանէաք։

ՄԱՐԳԱՐԷՈՒԹԻՒՆ ԵՍԱՅԵԱՅ 24:6

Վասն այսորիկ նզովք կերիցեն զերկիր, զի մեղան բնակիչք նորա. վասն այսորիկ տնանկք եղիցին՝՝ բնակիչք նորա, եւ մնասցեն մարդք սակաւաւորք։

ՄԱՐԳԱՐԷՈՒԹԻՒՆ ԵՍԱՅԵԱՅ 6:11

Եւ ասեմ. Մինչեւ յե՞րբ, Տէր։ Եւ ասէ. Մինչեւ աւերեսցին քաղաքք ի բնակչաց, եւ տունք առ ի չգոյէ մարդկան, եւ մնասցէ երկիրդ աւերակ։

ՄԱՐԳԱՐԷՈՒԹԻՒՆ ԵՍԱՅԵԱՅ 6:13

Սակայն եւ ի նմանէ տասանորդեսցեն. եւ դարձեալ եղիցին ի գերութիւն եւ յափշտակութիւն, իբրեւ զբեւեկնի եւ իբրեւ զկաղին թօթափեալ յիւրաքանչիւր պատենից զաւակն սուրբ արձանութիւն նորա։՝՝

ՄԱՐԳԱՐԷՈՒԹԻՒՆ ԵՐԵՄԵԱՅ 42:2

եւ ասեն ցԵրեմիա մարգարէ. Անկցի գութ մեր առաջի երեսաց քոց, եւ կաց յաղօթս վասն մեր առ Տէր Աստուած քո վասն մնացորդացս այսոցիկ. զի մնացաք սակաւք ի բազմաց, որպէս քո աչք տեսանեն զմեզ.

ՂԵՒՏԱԿԱՆ 26:22

Եւ առաքեցից ի վերայ ձեր գազանս չարս երկրի, եւ կերիցեն զձեզ, եւ սատակեսցեն զանասունս ձեր, եւ նուազունս արարից զձեզ. եւ կուրասցին ճանապարհք ձեր։

ՄԱՐԳԱՐԷՈՒԹԻՒՆ ԱՄՈՎՍԱՅ 5:3

Քանզի այսպէս ասէ Տէր Տէր. Ի քաղաքէ յորմէ ելանէին հազարք՝ մնասցէ հարեւր, եւ յորմէ ելանէին հարեւր՝ մնասցէ տասն տանդ Իսրայելի։

ԱՒԵՏԱՐԱՆ ԸՍՏ ՄԱՐԿՈՍԻ 13:20

Եւ եթէ ոչ էր կարճեալ Աստուծոյ զաւուրսն զայնոսիկ վասն ընտրելոց իւրոց՝՝, ոչ ապրէր ամենայն մարմին. այլ վասն ընտրելոցն զորս ընտրեաց՝ կարճեաց զաւուրսն զայնոսիկ։

ԵՐԿՐՈՐԴՈՒՄՆ ՕՐԻՆԱՑ 1:10

Տէր Աստուած մեր բազմացոյց զձեզ, եւ ահաւադիկ էք դուք այսօր իբրեւ զաստեղս երկնից բազմութեամբ։

ԵՐԿՐՈՐԴՈՒՄՆ ՕՐԻՆԱՑ 1:11

Տէր Աստուած հարցն մերոց յաւելցէ ի ձեզ եւս քան որչափ էքդ հազարապատիկ, եւ օրհնեսցէ զձեզ որպէս եւ խօսեցաւ ընդ ձեզ։

ԵՐԿՐՈՐԴՈՒՄՆ ՕՐԻՆԱՑ 10:22

Եւթանասուն ոգւովք իջին հարքն քո յԵգիպտոս, եւ արդ ահա արար զքեզ Տէր Աստուած քո իբրեւ զաստեղս երկնից բազմութեամբ։

ԵՐԿՐՈՐԴՈՒՄՆ ՕՐԻՆԱՑ 4:27

Եւ ցրուեսցէ Տէր զձեզ ընդ ամենայն ազգս, եւ մնայցէք սակաւք թուով ի մէջ ազգացն յորս տարցի զձեզ Տէր անդր։