ԵՐԿՐՈՐԴՈՒՄՆ ՕՐԻՆԱՑ 28:53 - Գրաբար Աստվածաշունչ (1895)

⁵³ եւ կերիցես զծնունդս որովայնի քո, զմիս ուստերաց քոց եւ զդստերաց քոց զոր ետ քեզ Տէր՝ յանձկութեան քում եւ ի նեղութեան քում որով նեղեսցէ զքեզ թշնամին քո։

ԵՐԿՐՈՐԴՈՒՄՆ ՕՐԻՆԱՑ 28:53 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵՐԵՄԵԱՅ 19:9

Եւ կերիցեն զմարմինս ուստերաց եւ զմարմինս դստերաց իւրեանց, եւ իւրաքանչիւր զմարմին ընկերի իւրոյ՝ ի նեղութեան եւ ի պաշարման զոր պաշարեսցեն զնոսա թշնամիք իւրեանց եւ որք խնդրէին զանձինս նոցա։

ՈՂԲՔ 2:20

Տես, Տէր, եւ հայեաց. ո՞ւմ արարեր այսպէս ճռաքաղ. եթէ կերիցե՞ն կանայք զպտուղ որովայնի իւրեանց, արարեր ճռաքաղ. արկեր ի ներքս զխոհակերս, զենուլ ի ներքս ի սրբութեան Տեառն զտղայս ստնդիայս,՝՝ զքահանայն եւ զմարգարէն։

ՈՂԲՔ 4:10

Ձեռք կանանց ողորմածաց եփեցին զմանկունս իւրեանց, եւ եղեւ նոցա ի կերակուր՝ առ ի բեկումն դստեր ժողովրդեան իմոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 5:10

Վասն այնորիկ հարք կերիցեն զորդիս ի միջի քում, եւ որդիք կերիցեն զհարս. եւ արարից ի քեզ դատաստանս, եւ ցրուեցից զամենայն մնացորդս քո ընդ ամենայն հողմս։

ՂԵՒՏԱԿԱՆ 26:29

եւ կերիջիք զմարմինս ուստերաց ձերոց, եւ զմարմինս դստերաց ձերոց կերիջիք։

Մատթեոսի Աւետարան 24:19

Բայց վա՜յ իցէ յղեաց եւ ստնտուաց յաւուրսն յայնոսիկ։

ԵՐԿՐՈՐԴՈՒՄՆ ՕՐԻՆԱՑ 28:18

անիծեալ ծնունդք որովայնի քո եւ արդիւնք երկրի քո, եւ անդեայք արջառոց քոց եւ հօտք ոչխարաց քոց.

ԵՐԿՐՈՐԴՈՒՄՆ ՕՐԻՆԱՑ 28:54

Գիրգն որ ի քեզ եւ փափուկն յոյժ չարակնեսցէ յեղբայր իւր եւ ի կին ծոցոյ իւրոյ, եւ ի մնացեալ որդիսն որ մնայցեն նմա,

ԵՐԿՐՈՐԴՈՒՄՆ ՕՐԻՆԱՑ 28:55

տալ միում ի նոցանէ ի մարմնոյ որդւոց իւրոց յորոց ուտիցէ, վասն չմնալոյն նմա ինչ. յանձկութեանն քում եւ ի նեղութեան որով նեղիցեն զքեզ թշնամիքն քո յամենայն քաղաքս քո։

ԵՐԿՐՈՐԴՈՒՄՆ ՕՐԻՆԱՑ 28:57

եւ զաղտն ելեալ ի միջոյ իւրմէ, եւ զծնունդն զոր ծնանիցի՝ խորովեսցէ ի նոցանէ եւ կերիցէ. եւ վասն նուազութեանն՝ յամենայնէ թաքուսցէ՝՝ յանձկութեանն եւ ի նեղութեանն, որով նեղիցէ զքեզ թշնամին յամենայն քաղաքս քո։