ԵՐԿՐՈՐԴՈՒՄՆ ՕՐԻՆԱՑ 26:12 - Գրաբար Աստվածաշունչ (1895)

¹² Եւ եթէ կատարեսցես տասանորդել զամենայն տասանորդս երկրի քո, յամին երկրորդի կրկին տասանորդեսցիս՝՝ Ղեւտացւոյն, եւ եկին եւ որբոյ եւ այրւոյ. եւ կերիցեն ի քաղաքս քո եւ յագեսցին.

ԵՐԿՐՈՐԴՈՒՄՆ ՕՐԻՆԱՑ 26:12 ပူးပေါင်းရင်းမြစ်များ

ԾՆՈՒՆԴՔ 47:24

Եւ եղիցին արդիւնք դորա, եւ տաջիք զհինգերորդ մասն փարաւոնի, եւ չորք մասունքն ձեր եղիցին ի սերմն երկրիդ եւ ի կերակուր ձեզ եւ ամենայն ընտանեաց ձերոց, եւ ի կերակուր տղայոց ձերոց։

ԾՆՈՒՆԴՔ 47:26

Եւ եդ նոցա օրէնս Յովսէփ մինչեւ ցայսօր յերկրին Եգիպտացւոց՝ հինգերորդել փարաւոնի, բաց յերկրէ քրմացն որ չէր փարաւոնի։

ԱՌԱԿՔ ՍՈՂՈՄՈՆԻ 14:21

Որ անարգէ զտնանկն՝ մեղանչէ. եւ որ ողորմի աղքատի՝ երանելի է։

ՂԵՒՏԱԿԱՆ 27:30

Ամենայն տասանորդ յերկրէ, ի սերմանեաց երկրին եւ ի պտղոց ծառոց, Տեառն է, ի սրբութիւն Տեառն։

ԹԻՒՔ 18:24

Զի զտասանորդս որդւոցն Իսրայելի՝ զոր զատուսցեն Տեառն հաս՝՝ ետու Ղեւտացւոցն ի ժառանգութիւն. վասն այսորիկ ասացի նոցա թէ ի մէջ որդւոցն Իսրայելի մի՛ ժառանգեսցեն վիճակ։

ԵՐԿՐՈՐԴՈՒՄՆ ՕՐԻՆԱՑ 16:14

Եւ ուրախ լիցիս ի տօնի քում դու եւ ուստր քո եւ դուստր քո, ծառայ քո եւ աղախին քո, եւ Ղեւտացին եւ եկն եւ որբն եւ այրին որ իցեն ի քաղաքս քո։

ԱՌ ԵԲՐԱՅԵՑԻՍ ԹՈՒՂԹ 7:5

Եւ որք յորդւոցն Ղեւեայ զքահանայութիւնն առնուն՝ պատուէր ունին տասանորդել զժողովուրդն ըստ օրինացն, այսինքն է զեղբարս իւրեանց. թէպէտ եւ ելեալ իցեն յերանացն Աբրահամու.

ԱՌ ԵԲՐԱՅԵՑԻՍ ԹՈՒՂԹ 7:9

Եւ որպէս բանից կարգ է ասել, թէ Աբրահամաւ եւ Ղեւի իսկ որ զտասանորդսն առնոյր՝ տասանորդեցաւ.