ԵՐԿՐՈՐԴՈՒՄՆ ՕՐԻՆԱՑ 24:2 - Գրաբար Աստվածաշունչ (1895)

² Եւ եթէ գնացեալ լինիցի առն այլում,

ԵՐԿՐՈՐԴՈՒՄՆ ՕՐԻՆԱՑ 24:2 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:22

Եւ զայրի եւ զհանեալ մի՛ առնուցուն իւրեանց ի կանայս, այլ զկոյսս ի զաւակէ տանն Իսրայելի, եւ այրի թէ իցէ ի քահանայէ մնացեալ՝ առցեն։

ՂԵՒՏԱԿԱՆ 21:14

զայրի եւ զհանեալ եւ զպոռնիկ մի՛ առնուցու. այլ կոյս յազգէ իւրմէ առնուցու կին,

ՂԵՒՏԱԿԱՆ 21:7

Կին պոռնիկ եւ պղծեալ մի՛ առնուցուն. եւ զկին հանեալ յառնէ իւրմէ մի՛ առնուցուն. զի սուրբ է Տեառն Աստուծոյ իւրում։

ՂԵՒՏԱԿԱՆ 22:13

Եւ դուստր առն քահանայի, եթէ լինիցի այրի կամ հանեալ, եւ զաւակ ոչ իցէ նորա, եւ դառնայցէ անդրէն ի տուն իւր հայրենի, ըստ մանկութեան իւրում ի հացից անտի հօր իւրոյ կերիցէ. եւ ամենայն այլազգի՝ մի՛ կերիցէ ի նոցանէ։

ԹԻՒՔ 30:9

Եւ ուխտք այրւոյ կամ հանելոյ, զոր ուխտիցէ զանձնէ իւրմէ՝ հաստատեսցին նմա։

Մատթեոսի Աւետարան 5:32

բայց ես ասեմ ձեզ եթէ. Ամենայն որ արձակէ զկին իւր առանց բանի պոռնկութեան՝ նա տայ նմա շնալ, եւ որ զարձակեալն առնէ՝ շնայ։

ԱՒԵՏԱՐԱՆ ԸՍՏ ՄԱՐԿՈՍԻ 10:11

Եւ ասէ ցնոսա. Եթէ այր արձակեսցէ զկին իւր եւ արասցէ այլ, շնայ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 7:15

Ապա եթէ անհաւատն մեկնիցի, մեկնեսցի. զի ոչինչ հարկ ի վերայ կայ եղբօրն կամ քեռն յայնպիսի իրս, քանզի ի խաղաղութիւն կոչեաց զմեզ Աստուած։

ԵՐԿՐՈՐԴՈՒՄՆ ՕՐԻՆԱՑ 24:1

Եւ եթէ առնուցու ոք կին եւ մտանիցէ առ նա, եւ եղիցի եթէ ոչ գտանիցէ՝՝ շնորհս առաջի նորա, զի եգիտ ի նմա իրս անարգութեան, գրեսցէ նմա գիր ապահարզանի եւ տացէ ի ձեռս նորա, եւ արձակեսցէ զնա ի տանէ իւրմէ։

ԵՐԿՐՈՐԴՈՒՄՆ ՕՐԻՆԱՑ 24:3

եւ ատիցէ զնա այրն վերջին, գրեսցէ նմա գիր մեկնելոյ, եւ տացէ ի ձեռս նորա, եւ արձակեսցէ զնա ի տանէ իւրմէ. ապա թէ մեռանիցի այրն նորա վերջին որ առ զնա կնութեան,