Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ԵՐԿՐՈՐԴՈՒՄՆ ՕՐԻՆԱՑ 24:19 - Գրաբար Աստվածաշունչ (1895)

19 Եւ եթէ հնձեսցես զհունձս յանդի քում, եւ մոռասցի որայ յանդի քում, մի՛ դառնայցես անդրէն առնուլ զնա. աղքատին եւ՝՝ եկին եւ այրւոյ եւ որբոյ եղիցի այն. զի օրհնեսցէ զքեզ Տէր Աստուած քո յամենայն ի գործս ձեռաց քոց։

အခန်းကိုကြည့်ပါ။ ကော်ပီ




ԵՐԿՐՈՐԴՈՒՄՆ ՕՐԻՆԱՑ 24:19
23 ပူးပေါင်းရင်းမြစ်များ  

Եւ Տէր օրհնեաց զվերջինն Յոբայ քան զառաջինն. եւ էին խաշինք նորա՝ ոչխարք բեւր եւ չորեքհազար, ուղտք վեց հազարք, լուծք եզանց հազար, էշք մատակք արօտականք հազար։


Բնակեցուցանէ զամուլն ի տան ուրախամիտ, որպէս մայր որդւովք բերկրեալ։


Որ անարգէ զտնանկն՝ մեղանչէ. եւ որ ողորմի աղքատի՝ երանելի է։


Փոխ տայ Աստուծոյ՝ որ ողորմի տնանկին, ըստ տրոց նորա հատուսցէ նմա։


իսկ ուղիղք իմաստունս խորհեցան, եւ խորհուրդն այն կայ՝ մնայ։


Եւ յորժամ հնձիցէք զհունձս երկրի ձերոյ, մի՛ առ հասարակ զնշխար հնձոց անդոյն քո ի հնձել քում ամփոփիցես. եւ զանկեալն հնձոցն քոց մի՛ ժողովեսցես, այլ աղքատին եւ պանդխտին թողուցուս զայն. զի ես եմ Տէր Աստուած ձեր։


Բայց սիրեցէք զթշնամիս ձեր, եւ բարի արարէք ատելեաց ձերոց՝՝. եւ տուք փոխ՝ ուստի ոչ ակն ունիցիք առնուլ. եւ եղիցին վարձք ձեր բազում, եւ եղիջիք որդիք Բարձրելոյ. զի նա քաղցր է ի վերայ չարաց եւ ապաշնորհաց։


Տուք եւ տացի ձեզ. չափ բարւոք, թաթաղուն, շարժուն, զեղուն տացեն ի գոգս ձեր. նովին չափով որով չափէք՝ չափեսցի ձեզ։


եւ եկեսցէ Ղեւտացին, քանզի ոչ գոյ նորա բաժին եւ ժառանգութիւն ընդ քեզ, եւ եկն եւ որբ եւ այրի ի քաղաքս քո, կերիցեն եւ յագեսցին. զի օրհնեսցէ զքեզ Տէր Աստուած քո յամենայն գործս քո զոր առնիցես։


Այլ պարգեւելով պարգեւեսցես նմա, եւ տալով տացես նմա փոխ որչափ եւ պիտոյ իցէ՝՝, եւ մի՛ տրտմիցիս ի սրտի քում զկնի տրոցն քոց նմա. զի վասն բանին այնորիկ օրհնեսցէ զքեզ Տէր Աստուած քո յամենայն ի գործս քո, եւ յամենայնի յոր ինչ եւ մխեսցես զձեռն քո։


քանզի ծառայ էիր դու յերկրին Եգիպտացւոց, եւ փրկեաց զքեզ Տէր Աստուած քո անտի. վասն այնորիկ ես պատուիրեմ քեզ առնել զբանս զայս։


եւ ասասցես առաջի Տեառն Աստուծոյ քո. Սրբեցի ի բաց զսրբութիւնսն ի տանէ իմմէ, եւ ետու զայն Ղեւտացւոյն եւ եկին եւ որբոյ եւ այրւոյ, ըստ ամենայն պատուիրանաց Տեառն Աստուծոյ՝՝ զոր պատուիրեալ էր ինձ. ոչ անցի զպատուիրանաւ քով եւ ոչ մոռացայ.


այլ եւ բառնալով բարձուսջիք, եւ՝՝ արկանելով արկջիք առաջի նորա ի փոխնդոցն խառնելոց՝՝, եւ թոյլ տաջիք նմա եւ կերիցէ՝ եւ՝՝ քաղիցէ հասկ. եւ մի՛ ինչ զզուիցէք զնա։


Եւ ասէ Հռութ Մովաբացի ցՆոոմին. Երթայց յանդ եւ քաղեցից հասկ զհետ ուրուք, որոյ գտից շնորհս առաջի աչաց նորա։ Եւ ասէ ցնա. Երթ, դուստր։


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ