ԵՐԿՐՈՐԴՈՒՄՆ ՕՐԻՆԱՑ 24:15 - Գրաբար Աստվածաշունչ (1895)

¹⁵ Նոյն օրին հատուսցես զվարձս նորա, եւ մի՛ մտանիցէ արեգակն ի վերայ այնորիկ. զի տնանկ է, եւ այն է յոյս նորա. եւ մի՛ բողոք հարկանիցէ զքէն առ Տէր, եւ մի՛ լինիցի այն քեզ ի մեղս։

ԵՐԿՐՈՐԴՈՒՄՆ ՕՐԻՆԱՑ 24:15 ပူးပေါင်းရင်းမြစ်များ

ԳԻՐՔ ՅՈԲԱՅ 31:13

Եթէ խոտեցի երբեք զիրաւունս ծառայի կամ աղախնոյ մատուցելոյ առ իս յատեան.

ԳԻՐՔ ՅՈԲԱՅ 31:38

Եթէ հեծեաց երբեք երկիր վասն իմ՝՝, եւ եթէ ակօսք նորա լացին առ հասարակ,

ԳԻՐՔ ՅՈԲԱՅ 34:28

Ածել զնովաւ զաղաղակ տնանկի, եւ զբողոք աղքատաց լուիցէ։

ԳԻՐՔ ՅՈԲԱՅ 35:9

Ի բազմութենէ զրպարտեալք աղաղակեսցեն, աղաղակեսցեն ի բազկէ բազմաց։

ԳԻՐՔ ՅՈԲԱՅ 7:2

Կամ իբրեւ զծառայ երկուցեալ ի տեառնէ իւրմէ եւ զօղեալ ընդ հովանեաւ, եւ իբրեւ զվարձկան որ սպասիցէ վարձուց իւրոց,

ԳԻՐՔ ՍԱՂՄՈՍԱՑ 24:4

Ամենեքեան որք համբերեն քեզ՝ մի՛ ամաչեսցեն, այլ ամաչեսցեն անօրէնք յունայնութեան իւրեանց։

ԳԻՐՔ ՍԱՂՄՈՍԱՑ 25:1

Դատ արա ինձ, Տէր, զի ես յամբծութեան իմում գնացի, ի Տէր յուսացայ զի մի՛ եղէց հիւանդ՝՝։

ԳԻՐՔ ՍԱՂՄՈՍԱՑ 86:4

Յիշեցի զՌահաբ եւ զԲաբելովն ոյք ճանաչեն զիս. ահա Այլազգիք եւ Ծուր եւ ժողովուրդք Հնդկաց՝ սոքա եղեն անդ։

ՄԱՐԳԱՐԷՈՒԹԻՒՆ ԵՍԱՅԵԱՅ 5:7

Զի այգի Տեառն զօրութեանց՝ տունն Իսրայելի է, եւ մարդն Յուդայ՝ նորատունկ սիրելի. մնացի զի արասցէ իրաւունս, եւ արար անիրաւութիւն, եւ ոչ արդարութիւն՝ այլ աղաղակ։

ՄԱՐԳԱՐԷՈՒԹԻՒՆ ԵՐԵՄԵԱՅ 22:13

Ո՜հ, որ շինէ զտուն իւր՝ եւ ոչ արդարութեամբ, եւ զվերնայարկս իւր՝ եւ ոչ իրաւամբք. եւ ի մերձաւորէ իւրմէ գործի նմա գործ ձրի, եւ զվարձս նորա ոչ հատուցանէ նմա։

ՂԵՒՏԱԿԱՆ 19:13

Մի՛ զրկեսցես զընկեր քո, եւ մի՛ յափշտակեսցես. մի՛ ագցին վարձք վարձկանին առ քեզ մինչեւ ցառաւօտ։

ՂԵՒՏԱԿԱՆ 25:35

Եւ եթէ աղքատանայցէ եղբայր քո եւ տկարանայցէ ձեռօք, առ քեզ պատսպարեսցես զնա իբրեւ զեկն եւ զպանդուխտն. եւ կեցցէ եղբայրն քո որ ընդ քեզն իցէ։

ՄԱՐԳԱՐԷՈՒԹԻՒՆ ՄԱՂԱՔԻԱՅ 3:5

Եւ հասից ի վերայ ձեր դատաստանաւ. եւ եղէց վկայ արագ ի վերայ կախարդաց եւ կանանց շնացելոց, եւ ի վերայ այնոցիկ ոյք երդնուցուն յանուն իմ՝՝ ստութեամբ, եւ որ հատանիցեն զվարձս վարձկանի, եւ որ յաղթահարիցեն զայրիս եւ կռփիցեն զորբս, եւ որ խոտորիցեն զիրաւունս պանդխտին, եւ որ ոչ երկնչիցին յինէն, ասէ Տէր ամենակալ։

Մատթեոսի Աւետարան 20:8

Եւ իբրեւ երեկոյ եղեւ, ասէ տէր այգւոյն ցգաւառապետ իւր. Կոչեա զմշակսն եւ տուր նոցա վարձս՝ սկսեալ ի յետնոցն մինչեւ ցառաջինսն։

ԱՒԵՏԱՐԱՆ ԸՍՏ ՄԱՐԿՈՍԻ 10:19

Զպատուիրանս գիտես. Մի՛ շնար, Մի՛ սպանաներ, Մի՛ գողանար, Մի՛ սուտ վկայեր, Պատուեա զհայր քո եւ զմայր։

ԵՐԿՐՈՐԴՈՒՄՆ ՕՐԻՆԱՑ 15:9

Զգոյշ լեր անձին քում, գուցէ լինիցի բան ծածուկ անօրէնութեան ի սրտի քում, եւ ասիցես. Մերձ է ամն եւթներորդ, ամն թողութեան, եւ չարակնեսցէ ակն քո ի վերայ եղբօր քո կարօտելոյ, եւ ոչ տայցես նմա. եւ բողոքեսցէ զքէն առ Տէր, եւ լինիցին քեզ այն մեղք մեծամեծք։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 5:18

Քանզի ասէ գիր. Մի՛ կապեսցես զցռուկ եզին կալոտւոյ։ Եւ. Արժանի է մշակն վարձու իւրոյ։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 5:4

Ահաւասիկ վարձք մշակաց որ գործեն զանդս ձեր, առ ձեզ են,՝՝ զրկեալն ի ձէնջ, աղաղակէ, եւ բողոք հնձողացն եհաս յականջս Տեառն զօրութեանց։