ԵՐԿՐՈՐԴՈՒՄՆ ՕՐԻՆԱՑ 23:21 - Գրաբար Աստվածաշունչ (1895)

²¹ Եւ եթէ ուխտիցես ուխտ Տեառն Աստուծոյ քում, մի՛ յամեսցես հատուցանել զայն. զի պահանջելով պահանջեսցէ Տէր Աստուած քո ի քէն, եւ լինիցի քեզ ի մեղս.

ԵՐԿՐՈՐԴՈՒՄՆ ՕՐԻՆԱՑ 23:21 ပူးပေါင်းရင်းမြစ်များ

ԾՆՈՒՆԴՔ 28:20

Եւ ուխտեաց Յակոբ ուխտ եւ ասէ. Եթէ եղիցի Տէր Աստուած ընդ իս, եւ ապրեցուսցէ զիս ի ճանապարհիս յայսմիկ զոր ես երթամ, եւ տացէ ինձ հաց ուտելոյ եւ հանդերձ զգենլոյ,

ԳԻՐՔ ՅՈԲԱՅ 22:27

Յաղաչել քում առ նա լուիցէ քեզ, տացէ քեզ հատուցանել զաղօթս քո։

ԳԻՐՔ ՍԱՂՄՈՍԱՑ 15:5

Տէր բաժին ժառանգութեան իմոյ եւ բաժակի իմոյ, դու ես, որ այսրէն դարձուցանես զժառանգութիւն իմ յիս։

ԳԻՐՔ ՍԱՂՄՈՍԱՑ 50:14

Տուր ինձ ցնծութիւն փրկութեան քո, եւ հոգւով պետութեան քո՝՝ հաստատեա զիս։

ԳԻՐՔ ՍԱՂՄՈՍԱՑ 56:12

Բարձրեալ ես դու յերկինս, Աստուած, եւ յամենայն երկրի են փառք քո։

ԳԻՐՔ ՍԱՂՄՈՍԱՑ 61:8

ՅԱստուծոյ է զօրութիւն իմ եւ փառք իմ. Աստուած օգնութեան իմոյ, յոյս իմ է առ Աստուած։

ԳԻՐՔ ՍԱՂՄՈՍԱՑ 76:11

Ասացի թէ՝ Այժմ սկսայ՝՝. այս է նորոգումն աջոյ Բարձրելոյն։

ԵԼՔ 22:24

Եւ բարկացայց սրտմտութեամբ եւ կոտորեցից զձեզ սրով, եւ եղիցին կանայք ձեր այրիք եւ մանկունք ձեր որբք։

ՄԱՐԳԱՐԷՈՒԹԻՒՆ ԵԶԵԿԻԵԼԻ 18:8

զարծաթ իւր ի վարձու ոչ տացէ, եւ տոկոսեօք անդրէն ոչ պահանջիցէ, յանիրաւութենէ զձեռս իւր դարձուցանիցէ, դատաստան արդար առնիցէ ընդ այր եւ ընդ ընկեր իւր,

ՄԱՐԳԱՐԷՈՒԹԻՒՆ ՅՈՎՆԱՆՈՒ 1:16

Եւ երկեան արքն երկեւղ մեծ ի Տեառնէ, զենին զոհս Տեառն եւ ուխտեցին ուխտս։

ՄԱՐԳԱՐԷՈՒԹԻՒՆ ՅՈՎՆԱՆՈՒ 2:9

Որ պահէին զունայնութիւն եւ զստութիւն՝ զողորմութիւնս իւրեանց թողին։

ՄԱՐԳԱՐԷՈՒԹԻՒՆ ՆԱՒՈՒՄԱՅ 1:15

Զի ահա երագ են՝՝ ի վերայ լերանց ոտք աւետարանչին, եւ որ պատմէ զխաղաղութիւն. տօնեա զտօնս քո, Յուդա, հատո զուխտս քո. զի ոչ եւս յաւելցին անցանել ի հնանալ. վախճանեցաւ, մաշեցաւ եւ բարձաւ՝՝։

Մատթեոսի Աւետարան 5:33

Դարձեալ լուարուք զի ասացաւ առաջնոցն. Մի՛ երդնուցուս սուտ, բայց հատուսցես Տեառն զերդմունս քո։

ԵՐԿՐՈՐԴՈՒՄՆ ՕՐԻՆԱՑ 14:29

եւ եկեսցէ Ղեւտացին, քանզի ոչ գոյ նորա բաժին եւ ժառանգութիւն ընդ քեզ, եւ եկն եւ որբ եւ այրի ի քաղաքս քո, կերիցեն եւ յագեսցին. զի օրհնեսցէ զքեզ Տէր Աստուած քո յամենայն գործս քո զոր առնիցես։

ԵՐԿՐՈՐԴՈՒՄՆ ՕՐԻՆԱՑ 15:3

Յօտարոտւոյն պահանջիցես որ ինչ իցէ քո առ նմա, բայց եղբօրն քում թողութիւն արասցես զպարտուցն քոց՝՝։

ԵՐԿՐՈՐԴՈՒՄՆ ՕՐԻՆԱՑ 23:18

Մի՛ տարցիս զկապէնս պոռնկի, եւ մի՛ զշանսխուրս ի տուն Աստուծոյ քո յամենայն ուխտս. զի պիղծ են առաջի Տեառն Աստուծոյ քո երկոքեան։

ԵՐԿՐՈՐԴՈՒՄՆ ՕՐԻՆԱՑ 23:22

ապա թէ ոչ կամիցիս ուխտել, չլինիցի քեզ մեղք։

ԹԱԳԱՒՈՐՈՒԹԵԱՆՑ ԱՌԱՋԻՆ 20:16

գտցի անուն Յովնաթանու ի տան Դաւթի՝՝. Խնդրեսցէ Տէր ի ձեռաց թշնամեաց Դաւիթ։