Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ԵՐԿՐՈՐԴՈՒՄՆ ՕՐԻՆԱՑ 21:23 - Գրաբար Աստվածաշունչ (1895)

23 եւ մի՛ ագանիցի մարմին նորա ի փայտին, այլ թաղելով թաղեսջիք զնա ի նմին աւուր. զի անիծեալ յԱստուծոյ է ամենայն որ կախիցի զփայտէ. եւ մի՛ պղծիցէք զերկիրն զոր Տէր Աստուած քո տացէ քեզ ի ժառանգութիւն։

အခန်းကိုကြည့်ပါ။ ကော်ပီ




ԵՐԿՐՈՐԴՈՒՄՆ ՕՐԻՆԱՑ 21:23
18 ပူးပေါင်းရင်းမြစ်များ  

Եւ ա՛ռ Ռեսփա դուստր Այիայ քուրձ եւ արկ ի վերայ նոցա՝՝ ի վիմին ի սկզբան հնձոց գարեաց, մինչեւ կաթեաց ի վերայ նոցա ջուր յերկնից. եւ ոչ տայր թոյլ թռչնոց երկնից հանգչել ի վերայ նոցա ի տուէ, եւ ոչ գազանաց անապատի ի գիշերի։


տացին մեզ եւթն արք յորդւոց նորա, եւ յարագեսցուք զնոսա Տեառն ի Գաբաա Սաւուղայ ընտիրս Տեառն։ Եւ ասէ արքայ. Ես տաց ձեզ։


Եւ եկն հրեշտակն եւ պատմեաց եւ ասէ. Բերին զգլուխս որդւոցն արքայի։ Եւ ասէ. Դիք զնոսա երկուս զրահանս արտաքոյ քաղաքիս՝՝ մինչեւ յառաւօտ։


Եւ թաղեսցեն զնոսա տունն Իսրայելի, զի սրբեսցի երկիրն, զեւթն ամիս։


Եւ եղեւ գարշելի երկիրն, եւ հանդէս արարի անիրաւութեանց նորա ի նմանէ. եւ տաղտկացաւ երկիրն ի բնակչաց իւրոց։


Եւ ասէ Տէր ցՄովսէս. Ա՛ռ զամենայն իշխանս ժողովրդեանդ, եւ առակեա զդոսա առաջի Տեառն յանդիման արեգական, եւ դարձցի սրտմտութիւն բարկութեան Տեառն յԻսրայելէ։


Իսկ Հրեայքն, քանզի ուրբաթ էր, զի մի՛ անդէն ի խաչին ագանիցին մարմինքն մինչեւ ցշաբաթն, (զի էր օր մեծ շաբաթուն այնորիկ,) աղաչեցին զՊիղատոս զի խորտակեսցեն զբարձս նոցա եւ բարձցին։


Զի ուխտիւք խնդրէի ես իսկ ինքնին նզով լինել ի Քրիստոսէ վասն եղբարց իմոց եւ ազգականաց ըստ մարմնոյ,


Եթէ ոք ոչ սիրէ զՏէր Յիսուս՝՝, եղիցի նզովեալ. Մարան աթա։


Զի զայն որ ոչն գիտէր զմեղս՝ վասն մեր մեղս արար, զի մեք եղիցուք նովաւ արդարութիւն Աստուծոյ։


Քրիստոս գնեաց զմեզ յանիծից օրինացն, եղեալ վասն մեր անէծք, (զի գրեալ է թէ՝ Անիծեալ ամենայն որ կախեալ կայցէ զփայտէ,)


Եւ եղիցի յորժամ հանգուցանիցէ զքեզ Տէր Աստուած քո յամենայն թշնամեաց քոց որ շուրջ զքեւ իցեն յերկրին զոր Տէր Աստուած քո տացէ քեզ վիճակաւ ի ժառանգութիւն, ջնջեսցես զանուն Ամաղեկայ ի ներքոյ երկնից, եւ մի՛ մոռասցիս։


Եւ Տէր բարկացաւ ինձ վասն բանիցն ասացելոց ի ձէնջ՝՝, եւ երդուաւ զի մի՛ անցից ընդ այդ Յորդանան, եւ զի մի՛ մտանիցեմ յերկիրն զոր Տէր Աստուած քո տացէ քեզ ի ժառանգութիւն։


Եւ մի՛ տանիցիս զգարշելին ի տուն քո, եւ լինիցիս ի նզովս իբրեւ զնոյն. այլ գարշելով գարշեսցիս, եւ պղծելով պղծեսցես զնոսա, զի նզովեալ է։


եւ ոչ եւս կարիցեն որդիքն Իսրայելի կալ առաջի թշնամեաց իւրեանց. այլ դարձուսցեն զպարանոցս առաջի թշնամեաց իւրեանց, զի եղեն ի նզովս. եւ ոչ եւս յաւելից լինել ընդ ձեզ, եթէ ոչ բառնայցէք զնզովսդ զայդ ի միջոյ ձերմէ։


Եւ զթագաւորն Գայեայ կախեաց զերկճիւղ փայտէ, եւ էր ի վերայ փայտին կախեալ՝՝ մինչեւ ցերեկոյ. եւ ընդ մտանել արեգականն հրամայեաց Յեսու եւ իջուցին զնա ի փայտէ անտի, եւ ընկեցին զնա ի գուբ առ դրան քաղաքին, եւ կուտեցին ի վերայ նորա կարկառ քարանց մինչեւ ցայսօր։


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ