ԵՐԿՐՈՐԴՈՒՄՆ ՕՐԻՆԱՑ 21:15 - Գրաբար Աստվածաշունչ (1895)

¹⁵ Եւ եթէ լինիցին առն միում երկու կանայք, եւ լինիցի ի նոցանէ մին սիրելի եւ մեւսն ատելի, եւ ծնանիցին նմա որդիս, սիրելին եւ ատելին, եւ լինիցի որդի անդրանիկ ատելւոյն,

ԵՐԿՐՈՐԴՈՒՄՆ ՕՐԻՆԱՑ 21:15 ပူးပေါင်းရင်းမြစ်များ

ԾՆՈՒՆԴՔ 29:18

Եւ սիրեաց Յակոբ զՌաքէլ. եւ ասէ. Ծառայեցից քեզ եւթն ամ վասն Ռաքելայ դստեր քո կրտսերոյ։

ԾՆՈՒՆԴՔ 29:20

Եւ ծառայեաց Յակոբ վասն Ռաքելայ ամս եւթն. եւ էին յաչս նորա իբրեւ աւուրք սակաւք, քանզի սիրէր զնա։

ԾՆՈՒՆԴՔ 29:33

Յղացաւ դարձեալ Լիա եւ ծնաւ երկրորդ որդի Յակոբայ, եւ ասէ. Զի լուաւ Տէր եթէ ատեցեալ եմ, եւ յաւել ինձ զսա. եւ կոչեաց զանուն նորա Շմաւոն։

ՄՆԱՑՈՐԴԱՑ ԵՐԿՐՈՐԴ 11:22

Եւ կացոյց իշխան Ռոբովամ զԱբիա որ էր ի Մաաքայ, իշխան ի վերայ եղբարցն իւրոց, վասն զի թագաւորեցուցանել խորհէր զնա։

ԵՐԿՐՈՐԴՈՒՄՆ ՕՐԻՆԱՑ 21:16

եւ եղիցի յաւուր յորում ժառանգեցուցանիցէ որդւոց իւրոց զինչս իւր, մի՛ իշխեսցէ անդրանկացուցանել զորդի սիրելւոյն, անտես արարեալ զորդի ատելւոյն զանդրանիկ.

ԹԱԳԱՒՈՐՈՒԹԵԱՆՑ ԱՌԱՋԻՆ 1:2

Եւ էին նորա երկու կանայք. անուն միումն Աննա, եւ անուն երկրորդին՝ Փեննանա. եւ էին Փեննանայի որդիք եւ Աննայի ոչ գոյր որդի։