ԵՐԿՐՈՐԴՈՒՄՆ ՕՐԻՆԱՑ 20:8 - Գրաբար Աստվածաշունչ (1895)

⁸ Եւ յաւելցեն դպիրքն խօսել ընդ ժողովրդեանն եւ ասասցեն. Այր ոք որ երկնչիցի եւ վատասիրտ սրտիւ իցէ, գնասցէ եւ դարձցի ի տուն իւր. զի մի՛ զանգիտեցուսցէ զսիրտ եղբօր իւրոյ իբրեւ զիւրն։

ԵՐԿՐՈՐԴՈՒՄՆ ՕՐԻՆԱՑ 20:8 ပူးပေါင်းရင်းမြစ်များ

ԵԼՔ 15:15

Յայնժամ տագնապեցան դատաւորք Եդովմայ եւ իշխանք Մովաբացւոց, կալաւ զնոսա դողումն. հալեցան ամենայն բնակիչք Քանանացւոց։

ԱՌԱԿՔ ՍՈՂՈՄՈՆԻ 24:10

Պղծութիւն զայր ժանտագործ աղտեղի առնէ յաւուր չարի եւ յաւուր նեղութեան՝ մինչեւ սատակեսցի։՝՝

ԹԻՒՔ 13:31

Լռեցոյց Քաղէբ զժողովուրդն ի Մովսիսէ, եւ ասէ ցնոսա. Ոչ այդպէս է. այլ՝՝ ելանելով ելցուք եւ ժառանգեսցուք զնա. զի կարօղ եմք յաղթել նոցա։

ԹԻՒՔ 32:9

Եւ ելին ի Ձորն ողկուզի եւ դիտեցին զերկիրն, եւ զանգիտեցուցին զսիրտս որդւոցն Իսրայելի, զի մի՛ մտանիցեն յերկիրն զոր ետ նոցա Տէր։

ԱՒԵՏԱՐԱՆ ԸՍՏ ՂՈՒԿԱՍՈՒ 9:62

Ասէ ցնա Յիսուս. Ոչ ոք արկանէ ձեռն զմաճով եւ հայիցի յետս, եթէ յաջողեալ իցէ արքայութեան Աստուծոյ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 15:33

Մի՛ խաբիք. ապականեն զբարս քաղցունս բանք չարք։

ԵՐԿՐՈՐԴՈՒՄՆ ՕՐԻՆԱՑ 1:28

Արդ յո՞ ելանիցեմք. եւ եղբարք ձեր զանգիտեցուցին զսիրտս ձեր եւ ասեն. Ազգ մեծ եւ բազում եւ զօրագոյն քան զմեզ, եւ քաղաքք մեծամեծք եւ պարսպաւորք մինչեւ յերկինս. այլ եւ որդիս սկայից՝՝ տեսաք մեք անդ։

ԵՐԿՐՈՐԴՈՒՄՆ ՕՐԻՆԱՑ 20:9

Եւ եղիցի յորժամ դադարեսցեն դպիրքն ի խօսելոյ ընդ ժողովրդեանն, կացուսցեն իշխանս զօրուն առաջնորդս ժողովրդեանն։

ԵՐԿՐՈՐԴՈՒՄՆ ՕՐԻՆԱՑ 23:9

Եւ եթէ ելանիցես ի պատերազմ բանակել ի վերայ թշնամեաց քոց, զգոյշ լինիջիր յամենայն բանէ չարէ։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 21:8

Եւ ծուլացն եւ անհաւատից, սպանողաց եւ պոռնկաց եւ կախարդաց եւ կռապաշտից եւ դեղատուաց՝՝, եւ ամենայն ստոց՝ ամպարշտաց, որոց՝՝ բաժինն իւրեանց ի լճին այրեցելոյ հրով եւ ծծմբով, որ է մահն երկրորդ։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 3:16

Այլ դու գաղջ ես, եւ ոչ ջերմ եւ ոչ ցուրտ, հանդերձեալ ես փսխել ի բերանոյ իմմէ։

ԴԱՏԱՒՈՐՔ 7:3

Եւ ասէ ցնա Տէր. Խօսեաց յականջս ժողովրդեանդ, եւ ասասցես. Ո՛ ոք վատասիրտ իցէ՝ դարձցի. եւ դիմեցին՝՝ ի լեռնէն Գաղաադու, եւ դարձան ի զօրուէն քսան եւ երկու հազարք, եւ մնացին տասն հազար։