ԵՐԿՐՈՐԴՈՒՄՆ ՕՐԻՆԱՑ 20:19 - Գրաբար Աստվածաշունչ (1895)

¹⁹ Եւ եթէ նստեալ պաշարեսցես զքաղաք աւուրս բազումս մարտնչել ընդ նմա յառնուլ զնա, մի՛ հարկանիցես զծառատունկ նորա արկանելով ի նմա երկաթ. այլ կերիցես ի նմանէ, եւ զնա մի՛ հարկանիցես. միթէ մա՞րդ իցէ ձեռատունկն որ յանդի անդ իցէ՝ մտանել յերեսաց քոց ի պատնէշ։

ԵՐԿՐՈՐԴՈՒՄՆ ՕՐԻՆԱՑ 20:19 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 3:19

եւ հարջիք զամենայն քաղաք ամրացեալ եւ զամենայն քաղաք ընտիր, եւ զամենայն ծառ զազնիւ կոտորեսջիք, եւ զամենայն աղբեւրս ջրոց խցջիք եւ զամենայն վիճակս բարիս անպիտանացուսջիք քարամբք։

ԹԱԳԱՒՈՐՈՒԹԵԱՆՑ ՉՈՐՐՈՐԴ 3:25

եւ զքաղաքսն կործանեցին, եւ յամենայն վիճակ բարի ընկեցին այր իւրաքանչիւր զքար իւր, եւ լցին զնա. եւ զամենայն աղբեւրս ջրոց խցին, եւ զամենայն փայտ զազնիւ հարին, մինչեւ թողուլ զքարինս որմոցն քակտեալս՝՝, եւ պատեցան պարսաւորք եւ հարին զնա։

ՄԱՐԳԱՐԷՈՒԹԻՒՆ ԵՐԵՄԵԱՅ 6:6

Զի այսպէս ասէ Տէր զօրութեանց. Ջարդեցէք զփայտակերտս նորա, արկէք ի վերայ Երուսաղեմի զօր. զի նա է քաղաք ամենեւին սուտ,՝՝ բռնութիւն ի մէջ նորա։

Մատթեոսի Աւետարան 21:19

Եւ տեսեալ թզենի մի ի վերայ ճանապարհին՝ եկն ի նա, եւ ոչինչ եգիտ ի նմա, բայց միայն տերեւ. եւ ասէ ցնա. Մի՛ այսուհետեւ ի քէն պտուղ եղիցի յաւիտեան։ Եւ առ ժամայն չորացաւ թզենին։

Մատթեոսի Աւետարան 3:10

Զի աւասիկ տապար առ արմին ծառոց դնի. ամենայն ծառ որ ոչ առնիցէ զպտուղ բարի՝ հատանի եւ ի հուր արկանի։

ԵՐԿՐՈՐԴՈՒՄՆ ՕՐԻՆԱՑ 20:18

զի մի՛ ուսուցանիցեն ձեզ առնել զամենայն գարշութիւնս իւրեանց, զոր արարին դիցն իւրեանց, եւ մեղանչիցէք առաջի Տեառն Աստուծոյ ձերոյ։

ԵՐԿՐՈՐԴՈՒՄՆ ՕՐԻՆԱՑ 20:20

Այլ զփայտ զոր գիտիցես թէ չիցէ պտղաբեր, զայն հարցես եւ կոտորեսցես, եւ շինեսցես պատնէշ շուրջ զքաղաքաւն որ տայցէ ընդ քեզ պատերազմ, մինչեւ մատնեսցի։

ԵՐԿՐՈՐԴՈՒՄՆ ՕՐԻՆԱՑ 26:6

եւ չարչարեցին զմեզ Եգիպտացիքն, լլկեցին զմեզ եւ եդին ի վերայ մեր գործ խստութեան.