ԵՐԿՐՈՐԴՈՒՄՆ ՕՐԻՆԱՑ 20:10 - Գրաբար Աստվածաշունչ (1895)

¹⁰ Եւ եթէ մերձենայցես ի քաղաք տալ պատերազմ ընդ նմա, կոչեսցես զնոսա ի խաղաղութիւն։

ԵՐԿՐՈՐԴՈՒՄՆ ՕՐԻՆԱՑ 20:10 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵՍԱՅԵԱՅ 57:19

Հաստատեցի պտուղ՝՝. խաղաղութիւն ի վերայ խաղաղութեան՝ հեռաւորաց եւ մերձաւորաց, ասէ Տէր, եւ ես բժշկեցից զնոսա։

ՄԱՐԳԱՐԷՈՒԹԻՒՆ ԶԱՔԱՐԵԱՅ 9:10

Եւ սատակեսցէ զկառս յԵփրեմայ եւ զերիվարս յԵրուսաղեմէ, եւ խորտակեսցի աղեղն պատերազմօղ, եւ բազմութիւն եւ խաղաղութիւն յազգաց, եւ տիրեսցէ ջրոց ի ծովէ մինչեւ ի ծով, եւ ի գետոց մինչեւ ի ծագս երկրի։

ԳՈՐԾՔ ԱՌԱՔԵԼՈՑ 10:36

Զբանն առաքեաց որդւոցն Իսրայելի աւետարանել զխաղաղութիւն ի ձեռն Յիսուսի Քրիստոսի. (սա է ամենայնի Տէր.)

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 5:18

Այլ ամենայն ինչ յԱստուծոյ որ հաշտեցոյցն զմեզ ընդ իւր ի ձեռն Քրիստոսի, եւ ետ մեզ զպաշտօնն հաշտութեան։ ՎՋ

ԱՌ ԵՓԵՍԱՑԻՍ ԹՈՒՂԹ 2:17

Եւ եկն աւետարանեաց խաղաղութիւն ձեզ հեռաւորաց, եւ խաղաղութիւն՝ մերձաւորաց.

ԵՐԿՐՈՐԴՈՒՄՆ ՕՐԻՆԱՑ 2:26

Եւ առաքեցի հրեշտակս յանապատէն Կեդմովթայ առ Սեհոն արքայ Եսեբոնայ բանիւք խաղաղութեան, եւ ասեմ.

ԵՐԿՐՈՐԴՈՒՄՆ ՕՐԻՆԱՑ 20:11

Եւ եղիցի եթէ տայցեն խաղաղութեան պատասխանի եւ բացցեն քեզ, եղիցի ամենայն ժողովուրդն որ գտանիցին ի նմա հարկատուք եւ հնազանդեալք քեզ։

ԵՐԿՐՈՐԴՈՒՄՆ ՕՐԻՆԱՑ 20:9

Եւ եղիցի յորժամ դադարեսցեն դպիրքն ի խօսելոյ ընդ ժողովրդեանն, կացուսցեն իշխանս զօրուն առաջնորդս ժողովրդեանն։

ԴԱՏԱՒՈՐՔ 11:12

Եւ առաքեաց Յեփթայէ հրեշտակս առ թագաւոր որդւոցն Ամոնայ եւ ասէ. Զի՞ կայ իմ եւ քո, զի եկեալ ես առ իս պատերազմել յերկրի իմում։

ԴԱՏԱՒՈՐՔ 21:13

Եւ առաքեաց ամենայն ժողովուրդն եւ խօսեցան ընդ որդիսն Բենիամինի որ էին ի վիմին Ռեմոնայ, եւ կոչեցին զնոսա ի խաղաղութիւն։