ԵՐԿՐՈՐԴՈՒՄՆ ՕՐԻՆԱՑ 2:7 - Գրաբար Աստվածաշունչ (1895)

⁷ զի Տէր Աստուած մեր օրհնեաց զքեզ յամենայն գործս ձեռաց քոց. ծանիր զիարդ անցեր ընդ անապատն մեծ եւ ահագին. ահա քառասուն ամ Տէր Աստուած քո ընդ քեզ է, եւ ոչ իւիք կարօտացար։

ԵՐԿՐՈՐԴՈՒՄՆ ՕՐԻՆԱՑ 2:7 ပူးပေါင်းရင်းမြစ်များ

ԾՆՈՒՆԴՔ 12:2

Եւ արարից զքեզ յազգ մեծ, եւ օրհնեցից զքեզ, եւ մեծացուցից զանուն քո. եւ եղիցես օրհնեալ։

ԾՆՈՒՆԴՔ 24:35

եւ Տէր օրհնեաց զտէր իմ յոյժ, եւ բարձրացաւ. եւ ետ նմա արջառ եւ ոչխար եւ արծաթ եւ ոսկի, ծառայս եւ աղախնայս, ուղտս եւ էշս։

ԾՆՈՒՆԴՔ 26:12

Եւ սերմանեաց սերմն Իսահակ յերկրին յայնմիկ, եւ եգիտ ի տարւոջն յայնմիկ հարիւրաւոր զգարին։ Եւ օրհնեաց զնա Տէր։

ԾՆՈՒՆԴՔ 30:27

Ասէ ցնա Լաբան. Եթէ գտի շնորհս առաջի քո. հմայեցի զի օրհնեաց զիս Աստուած յոտին քում։

ԾՆՈՒՆԴՔ 39:3

Իբրեւ՝՝ գիտաց տէրն նորա թէ Տէր ընդ նմա է, եւ զամենայն զինչ եւ առնէր՝ Տէր յաջողէր ի ձեռս նորա։

ԾՆՈՒՆԴՔ 39:5

Եւ եղեւ յետ կացուցանելոյ զնա ի վերայ տան իւրոյ եւ ի վերայ ամենայն իրիք որ ինչ էր նորա, եւ օրհնեաց Տէր զտուն Եգիպտացւոյն վասն Յովսեփայ. եւ եղեւ օրհնութիւն Տեառն ի վերայ ամենայն ընչից նորա ի տան եւ յանդի։

ԳԻՐՔ ՆԷԵՄԵԱՅ 9:21

Եւ զքառասուն ամ շրջեցուցեր զնոսա յանապատին՝՝. հանդերձք նոցա ոչ մաշեցան, եւ կօշիկք նոցա ոչ հնացան։

ԳԻՐՔ ՅՈԲԱՅ 23:10

Զի ինքն գիտէ զճանապարհս իմ, եւ քննեաց զիս իբրեւ զոսկի։

ԳԻՐՔ ՍԱՂՄՈՍԱՑ 1:6

Քանզի ճանաչէ Տէր զճանապարհս արդարոց, ճանապարհք ամպարշտաց կորիցեն։

ԳԻՐՔ ՍԱՂՄՈՍԱՑ 107:4

Խոստովան եղէց քեզ ի ժողովուրդս, Տէր, եւ սաղմոս ասացից քեզ յազինս։

ԳԻՐՔ ՍԱՂՄՈՍԱՑ 31:7

Դու ես ապաւէն իմ ի նեղութենէ յայսմանէ, որ շուրջ եղեն զինեւ. ցնծութիւն իմ. փրկեա զիս յայնցանէ՝ որ պաշարեցին զիս։՝՝

ԵԼՔ 16:35

Եւ որդիքն Իսրայելի կերան զմանանայն զքառասուն ամ, մինչեւ եկին ի շէն երկիրն զմանանայն ուտէին, մինչեւ հասին ի կողմն Փիւնիկեցւոց՝՝։

ՄԱՐԳԱՐԷՈՒԹԻՒՆ ԵՐԵՄԵԱՅ 2:2

Այսպէս ասէ Տէր. Յիշեցի զքեզ եւ զգութ մանկութեան քո, եւ զսէր կատարման քո ի գալն քեզ զհետ Սրբոյն Իսրայելի։

ՄԱՐԳԱՐԷՈՒԹԻՒՆ ՈՎՍԵԱՅ 13:5

Ես հովուէի քեզ յանապատի, յանշէն երկրի՝՝։

ՄԱՐԳԱՐԷՈՒԹԻՒՆ ԱՄՈՎՍԱՅ 2:10

Եւ ես հանի զձեզ յերկրէն Եգիպտացւոց, եւ շրջեցուցի զձեզ յանապատ ամս քառասուն՝ ժառանգեցուցանել զերկիրն Ամովրհացւոց։

ԹԻՒՔ 1:1

Եւ խօսեցաւ Տէր ընդ Մովսիսի յանապատին Սինայի, ի խորանին վկայութեան, ի միում՝ ամսեանն երկրորդի, յամին երկրորդի ելանելոյ նոցա յերկրէն Եգիպտացւոց, ասէ.

ԹԻՒՔ 14:33

Եւ որդիք ձեր ճարակեսցին յանապատի աստ ամս քառասուն, եւ բարձցեն զպոռնկութիւն ձեր, մինչեւ մաշեսցին ոսկերք ձեր յանապատի աստ։

ԹԻՒՔ 14:34

Ըստ թուոյ աւուրցն քառասնից, օր ընդ տարւոյ ընդունիցիք զմեղս ձեր՝ զքառասուն ամ, եւ ծանիջիք զսրտմտութիւն բարկութեան իմոյ։

ԹԻՒՔ 22:12

Եւ ասէ Աստուած ցԲաղաամ. Մի՛ երթար ընդ նոսա, եւ մի՛ անիծանիցես զժողովուրդն, քանզի օրհնեալ է։

ԹԻՒՔ 32:13

Եւ բարկացաւ սրտմտութեամբ Տէր ի վերայ Իսրայելի, եւ յածեցոյց զնոսա յանապատին ամս քառասուն, մինչեւ սատակեցաւ ամենայն ազգն որ արարին զչարիս առաջի Տեառն։

ԱՒԵՏԱՐԱՆ ԸՍՏ ՂՈՒԿԱՍՈՒ 22:35

Եւ ասէ ցնոսա. Յորժամ առաքեցի զձեզ առանց քսակի եւ մախաղի եւ կօշկաց, միթէ կարօտացա՞յք իմիք։

ԱՒԵՏԱՐԱՆ ԸՍՏ ՅՈՎՀԱՆՆՈՒ 10:27

Ոչխարք իմ ձայնի իմում լսեն, եւ ես ճանաչեմ զնոսա, եւ զկնի իմ գան.

ԵՐԿՐՈՐԴՈՒՄՆ ՕՐԻՆԱՑ 1:19

Եւ չուեալ ի Քորեբայ շրջեցաք ընդ ամենայն անապատն ընդ մեծ եւ ընդ ահագին, զոր դուք իսկ տեսէք, զճանապարհ լերինն Ամովրհացւոց, որպէս պատուիրեաց Տէր Աստուած մեր մեզ, եւ եկաք մինչեւ ցԿադեսբառնեայ։

ԵՐԿՐՈՐԴՈՒՄՆ ՕՐԻՆԱՑ 1:46

Եւ նստայք ի Կադէս աւուրս բազումս, որչափ աւուրս երբեմն նստայք անդր։

ԵՐԿՐՈՐԴՈՒՄՆ ՕՐԻՆԱՑ 2:14

Եւ աւուրք որչափ անկան մեզ ի գնալն մեզ ի Կադեսբառնեայ մինչեւ անցաք ընդ ձորն Զարեդ, երեսուն եւ ութ ամ. մինչեւ անկաւ ամենայն ազգ արանց պատերազմողաց ի բանակէ անտի, որպէս երդուաւ նոցա Աստուած։

ԵՐԿՐՈՐԴՈՒՄՆ ՕՐԻՆԱՑ 2:6

Կերակուրս գնեսջիք ի նոցանէ եւ կերիջիք, եւ ջուր չափով արծաթոյ առջիք ի նոցանէ եւ արբջիք.

ԵՐԿՐՈՐԴՈՒՄՆ ՕՐԻՆԱՑ 29:4

եւ ոչ ետ ձեզ Տէր Աստուած ձեր՝՝ սիրտ գիտելոյ եւ աչս տեսանելոյ եւ ականջս լսելոյ մինչեւ ցայսօր։

ԵՐԿՐՈՐԴՈՒՄՆ ՕՐԻՆԱՑ 29:5

Եւ ած զձեզ զքառասուն ամ ընդ անապատն. ոչ հնացան ձորձք ձեր եւ ոչ մաշեցան կօշիկք յոտից ձերոց.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:6

քանզի զքառասուն եւ զերկուս ամս շրջեցաւ Իսրայէլ յանապատին Աբդարեայ, վասն որոյ անթլփատք էին բազումք ի պատերազմողացն ելելոց յերկրէն Եգիպտացւոց՝՝ որք անհնազանդեցան պատուիրանացն Աստուծոյ. որոց եւ սահմանեաց Տէր չտեսանել զերկիրն զոր երդուաւ հարցն նոցա տալ նոցա. զերկիր՝ որ բղխէ զկաթն եւ զմեղր։