ԵՐԿՐՈՐԴՈՒՄՆ ՕՐԻՆԱՑ 19:6 - Գրաբար Աստվածաշունչ (1895)

⁶ զի մի՛ պնդեսցի մերձաւոր արեանն զկնի սպանողին մինչդեռ այրիցի սիրտ նորա, եւ հասանիցէ նմա, եթէ հեռագոյն իցէ ճանապարհն, եւ հարկանիցէ զանձն նորա, եւ նմա չէ դատաստան մահու, զի ոչ ատեայր զնա յերէկն եւ յեռանդ։

ԵՐԿՐՈՐԴՈՒՄՆ ՕՐԻՆԱՑ 19:6 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 14:7

Եւ ահա յարուցեալ է ամենայն ազգն ի վերայ աղախնոյ քո, ասեն. Տուր զսպանօղն եղբօր իւրոյ, եւ սպանցուք զնա փոխանակ անձին եղբօր իւրոյ, եւ բարձցուք զժառանգակալն քո. եւ շիջուցանիցեն զկայծակն իմ զմնացեալ, առ ի չթողլոյ առն իմում մնացորդ եւ անուն ի վերայ երեսաց երկրի։

ԹԻՒՔ 35:12

Եւ եղիցին ձեզ քաղաքք ապաստանի ի մերձաւորէ արեանն, եւ մի՛ մեռանիցի սպանօղն մինչեւ կացցէ առաջի ժողովրդեանն ի դատաստանի։

ԵՐԿՐՈՐԴՈՒՄՆ ՕՐԻՆԱՑ 19:5

եւ որ ոք մտանիցէ ընդ ընկերի իւրում ի մայրի հարկանել փայտ, եւ ամբառնայցէ զձեռն իւր փայտատաւն հարկանել փայտ, եւ անկանիցի երկաթն ի մեղեխէ անտի, եւ դիպիցի ընկերին եւ մեռանիցի, փախիցէ նա եւ անկցի ի մի ի քաղաքացն այնոցիկ եւ կեցցէ,

ԵՐԿՐՈՐԴՈՒՄՆ ՕՐԻՆԱՑ 19:7

Վասն այնորիկ ես պատուիրեմ քեզ զբանս զայս եւ ասեմ. Երիս քաղաքս զատուսցես քեզ։

ԵՐԿՐՈՐԴՈՒՄՆ ՕՐԻՆԱՑ 21:22

Եւ եթէ հասանիցեն ումեք մեղք մահապարտութեան եւ մեռանիցի, կախեսջիք զնա զփայտէ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 20:5

Եւ եթէ երթայցէ մերձաւոր արեանն զկնի նորա, մի՛ մատնեսցեն զսպանօղն ի ձեռս նորա. քանզի յանգէտս եհար զընկերն իւր, եւ ոչ ատեայր զնա յերէկն եւ յեռանդ։