ԵՐԿՐՈՐԴՈՒՄՆ ՕՐԻՆԱՑ 17:9 - Գրաբար Աստվածաշունչ (1895)

⁹ եւ երթայցես առ քահանայսն Ղեւտացիս, եւ առ դատաւորն որ լինիցի յաւուրսն յայնոսիկ, եւ քննեալ պատմեսցեն քեզ զդատաստանն.

ԵՐԿՐՈՐԴՈՒՄՆ ՕՐԻՆԱՑ 17:9 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 26:29

Յեսսարի եւ՝՝ Քոնոնիա եւ որդիք իւր. եւ գործքն՝՝ գործոյն արտաքնոյ ի վերայ Իսրայելի, զի գրիցեն եւ վճարիցեն

ԵԼՔ 18:16

Յորժամ լինիցի ինչ դոցա հակառակութիւն, գան առ իս, եւ ես ընտրեմ ի մէջ իւրաքանչիւր ուրուք, եւ իմացուցանեմ դոցա զհրամանս Աստուծոյ եւ զօրէնս նորա։

ԵԼՔ 22:8

Ապա եթէ ոչ գտցի որ գողացաւն, մատիցէ տէր տանն առաջի Աստուծոյ, եւ երդուիցի եթէ իւր չէ նենգեալ ամենեւին զաւանդ ընկերի իւրոյ։

ՄԱՐԳԱՐԷՈՒԹԻՒՆ ԵՐԵՄԵԱՅ 18:18

Եւ ասացին. Եկայք խորհեսցուք խորհուրդ ի վերայ Երեմիայի. զի ոչ կորնչին օրէնք ի քահանայէ, եւ խորհուրդ յիմաստնոց, եւ բան ի մարգարէէ. եկայք եւ հարցուք զնա լեզուաւ, եւ ոչ լուիցուք զամենայն բանս նորա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:24

Եւ ի վերայ դատաստանի արեան նոքա կացցեն քննել. զարդարութիւնս իմ արդարացուսցեն, եւ զիրաւունս իմ իրաւացուսցեն՝՝, եւ զօրէնս իմ եւ զհրամանս իմ յամենայն տօնս պահեսցեն, եւ զշաբաթս իմ սրբեսցեն։

ՄԱՐԳԱՐԷՈՒԹԻՒՆ ԱՆԳԵԱՅ 2:11

Այսպէս ասէ Տէր ամենակալ. Հարց օրէնս ի քահանայիցդ եւ ասասցես.

ՄԱՐԳԱՐԷՈՒԹԻՒՆ ԶԱՔԱՐԵԱՅ 3:7

Այսպէս ասէ Տէր ամենակալ. Եթէ ի ճանապարհս իմ գնասցես, եւ զհրամանս իմ պահեսցես, դու դատեսցիս զտուն իմ. եւ եթէ պահեսցես զսրահս իմ, եւ տաց քեզ որ շրջիցին ի մէջ դոցա որ կանդ աւադիկ՝՝։

ՄԱՐԳԱՐԷՈՒԹԻՒՆ ԶԱՔԱՐԵԱՅ 7:3

եւ ասել ցքահանայսն որ էին ի տանն Տեառն ամենակալի եւ ցմարգարէսն, եթէ՝ Մո՞ւտ այդր յամսեանն հինգերորդի սրբութիւն. քանզի առնէին զայն զամս բազումս՝՝։

ՄԱՐԳԱՐԷՈՒԹԻՒՆ ՄԱՂԱՔԻԱՅ 2:7

Զի շրթունք քահանային զգուշասցին գիտութեան, եւ օրէնս խնդրեսցեն ի բերանոյ նորա. զի հրեշտակ Տեառն ամենակալի է։

ԵՐԿՐՈՐԴՈՒՄՆ ՕՐԻՆԱՑ 16:18

Դատաւորս եւ ատենադպիրս կացուսցես յամենայն քաղաքս քո զոր Տէր Աստուած քո տացէ քեզ ըստ ցեղից, եւ դատեսցեն զժողովուրդն դատաստան արդար։

ԵՐԿՐՈՐԴՈՒՄՆ ՕՐԻՆԱՑ 17:10

եւ արասցես ըստ հրամանին զոր պատմեսցեն քեզ որ ի տեղւոյն իցեն՝ զոր ընտրեսցէ Տէր Աստուած քո՝՝, եւ զգուշասջիր յոյժ առնել ըստ ամենայնի որպէս օրինադրեսցի քեզ.

ԵՐԿՐՈՐԴՈՒՄՆ ՕՐԻՆԱՑ 21:5

Եւ մատիցեն քահանայքն Ղեւտացիք, զի զնոսա ընտրեաց Տէր Աստուած քո կալ առաջի իւր եւ օրհնել յանուն նորա. եւ ըստ բերանոյ նոցա վճարեսցի ամենայն հակառակութիւն եւ ամենայն գրգռութիւն։

ԵՐԿՐՈՐԴՈՒՄՆ ՕՐԻՆԱՑ 25:1

Եւ եթէ լինիցի հակառակութիւն ի մէջ մարդկան, մատիցեն յատեան եւ դատեսցին. եւ արդարացուսցեն զարդարն եւ պարտաւորեսցեն զամպարիշտն։

ԵՐԿՐՈՐԴՈՒՄՆ ՕՐԻՆԱՑ 33:10

Պատմեսցեն զիրաւունս քո Յակոբայ, եւ զօրէնս քո Իսրայելի. դիցեն խունկս ի բարկութեան քում հանապազ՝՝ ի վերայ սեղանոյ քո։