ԵՐԿՐՈՐԴՈՒՄՆ ՕՐԻՆԱՑ 16:4 - Գրաբար Աստվածաշունչ (1895)

⁴ Եւ մի՛ երեւեսցի ի քեզ խմոր յամենայն սահմանս քո զեւթն օր. եւ մի՛ ագցի ի մսոյն զոր զենուցուս յերեկորեայ յաւուրն առաջնոյ՝ յայգ։

ԵՐԿՐՈՐԴՈՒՄՆ ՕՐԻՆԱՑ 16:4 ပူးပေါင်းရင်းမြစ်များ

ԵԼՔ 12:10

Եւ ոչ թողուցուք ի նմանէ յայգ. եւ ոսկր մի՛ բեկանիցէք ի նմանէ.՝՝ եւ որ ինչ մնայցէ ի նմանէ յայգ՝ հրով այրեսջիք։

ԵԼՔ 12:15

Զեւթն օր բաղարջ ուտիցէք. յառաջնըմէ իսկ օրէ անտի անհետ առնիջիք զխմոր ի տանց ձերոց. ամենայն որ ուտիցէ խմորեալ՝ սատակեսցի անձնն այն յԻսրայելէ՝ յառաջնըմէ օրէն մինչեւ յօրն եւթներորդ։

ԵԼՔ 12:6

Եւ եղիցի ձեզ պահեալ մինչեւ ի չորս եւ ի տասն աւուր ամսոյս այսորիկ. եւ զենցեն զնա ամենայն բազմութիւն ժողովրդեան որդւոցն Իսրայելի ընդ երեկս։

ԵԼՔ 12:8

Եւ կերիցեն զմիսն ի գիշերիս յայսմիկ. խորովեալ հրով, եւ բաղարջ ընդ եղեգի կերիցեն։

ԵԼՔ 13:7

Բաղարջ կերիջիք զեւթն օր, ոչ երեւեսցի առ քեզ խմորուն, եւ ոչ եղիցի խմոր յամենայն սահմանս քո։

ԵԼՔ 23:18

Եւ մի՛ զոհեսցես ի վերայ խմորոյ զարիւն զոհից քոց, եւ մի՛ ագցի ճարպ տօնի իմոյ մինչեւ ցառաւօտ։

ԵԼՔ 34:25

Մի՛ զենուցուս ի վերայ խմորելոյ զարիւն զոհից իմոց, եւ մի՛ ելանիցէ յայգ զենումն տօնի զատկի։

Մատթեոսի Աւետարան 13:33

Այլ առակ խօսեցաւ ընդ նոսա եւ ասէ. Նման է արքայութիւն երկնից խմորոյ, զոր առեալ կնոջ՝ թագոյց ի գրիւս երիս ալեր մինչեւ ամենայն խմորեցաւ։

ԵՐԿՐՈՐԴՈՒՄՆ ՕՐԻՆԱՑ 16:5

Եւ մի՛ ժտեսցիս զենուլ զզատիկն ի միում ի քաղաքաց քոց զորս Տէր Աստուած քո տացէ քեզ.