ԵՐԿՐՈՐԴՈՒՄՆ ՕՐԻՆԱՑ 16:3 - Գրաբար Աստվածաշունչ (1895)

³ մի՛ ուտիցէք ընդ նմա խմորուն, զեւթն օր բաղարջ կերիցես ընդ նմա, հաց չարչարանաց. քանզի տագնապաւ ելէք յԵգիպտոսէ. զի յիշիցէք զօրն ելից ձերոց յերկրէն Եգիպտացւոց զամենայն աւուրս կենաց ձերոց։

ԵՐԿՐՈՐԴՈՒՄՆ ՕՐԻՆԱՑ 16:3 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 22:27

եւ ասասջիք. Այսպէս ասէ արքայ. Դիք զդա ի բանտի, եւ կերիցէ հաց նեղութեան եւ ջուր նեղութեան, մինչեւ դարձայց խաղաղութեամբ։

ԳԻՐՔ ՍԱՂՄՈՍԱՑ 102:9

Ոչ ի սպառ բարկանայ Տէր, եւ ոչ յաւիտեան պահէ ոխս։

ԳԻՐՔ ՍԱՂՄՈՍԱՑ 111:4

Ծագեաց ի խաւարի լոյս ուղղոց, ողորմած գթած եւ արդար է Տէր։

ԳԻՐՔ ՍԱՂՄՈՍԱՑ 127:2

Զվաստակս ձեռաց քոց կերիցես, երանի է քեզ, եւ բարի եղիցի։

ԵԼՔ 12:11

Եւ այսպէս ուտիցէք. գօտիք ձեր ընդ մէջս, եւ կօշիկք ձեր յոտս, եւ ցուպք ձեր ի ձեռին. փութանակի ուտիցէք, զի զատիկ Տեառն է։

ԵԼՔ 12:17

Եւ պահեսջիք զպատուիրանս իմ զայս՝՝. զի յաւուր յայսմիկ հանից զզօրութիւն ձեր յերկրէս Եգիպտացւոց. եւ առնիցէք զօրս զայս յազգս ձեր օրէն յաւիտենական։

ԵԼՔ 12:39

Եւ եփեցին զհայսն զոր հանին յԵգիպտոսէ՝ նկանս բաղարջս, քանզի ոչ խմորեցաւ. զի հանին զնոսա Եգիպտացիքն, եւ ոչ կարէին մնալ. եւ ոչ պաշար արարին իւրեանց ճանապարհին։

ԵԼՔ 12:8

Եւ կերիցեն զմիսն ի գիշերիս յայսմիկ. խորովեալ հրով, եւ բաղարջ ընդ եղեգի կերիցեն։

ԵԼՔ 34:18

Զտօն բաղարջակերաց պահեսցես. զեւթն օր բաղարջ կերիցես, որպէս պատուիրեցի քեզ, ի ժամանակի իւրում յամսեանն կանխոց. զի յամսեանն կանխոց ելեր յԵգիպտոսէ։

ՄԱՐԳԱՐԷՈՒԹԻՒՆ ԵՍԱՅԵԱՅ 52:12

Զի ոչ խռովութեամբ ելջիք, եւ ոչ փախստեամբ գնասջիք. զի առաջի ձեր Տէր ինքնին գնասցէ. եւ որ ժողովէն զձեզ՝ Աստուած Իսրայելի։

ՂԵՒՏԱԿԱՆ 23:6

եւ յաւուրն հնգետասաներորդի նորին ամսոյ՝ տօն բաղարջակերաց Տեառն. զեւթն օր բաղարջ կերիջիք։

ՄԱՐԳԱՐԷՈՒԹԻՒՆ ԶԱՔԱՐԵԱՅ 12:10

Եւ հեղից ի վերայ տանն Դաւթի եւ ի վերայ բնակչաց Երուսաղեմի հոգի շնորհաց եւ գթութեան. եւ հայեսցին առ իս յոր խոցեցինն, եւ կոծեսցին ի վերայ նորա կոծ իբրեւ ի վերայ սիրելւոյ, եւ աշխարեսցեն աշխար իբրեւ ի վերայ անդրանկան։

ԹԻՒՔ 28:17

Եւ ի հնգետասաներորդում աւուր նորուն ամսոյ՝ տօն. զեւթն օր բաղարջ կերիջիք։

ԹԻՒՔ 9:11

յամսեանն երկրորդի, ի չորեքտասաներորդում աւուր ընդ երեկս արասցէ զնա, բաղարջով եւ եղեգով կերիցեն զնա.

ԱՒԵՏԱՐԱՆ ԸՍՏ ՂՈՒԿԱՍՈՒ 22:19

Եւ առեալ հաց՝ գոհացաւ, եբեկ եւ ետ նոցա եւ ասէ. Այս է մարմին իմ, որ վասն բազմաց տուեալ՝՝. զայս արասջիք առ իմոյ յիշատակի։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 5:8

Այսուհետեւ արասցուք տօնս՝ մի՛ ի խմորն հին եւ մի՛ ի խմորն չարութեան եւ անզգամութեան, այլ յանխմոր ստուգութեան եւ ճշմարտութեան։

ԵՐԿՐՈՐԴՈՒՄՆ ՕՐԻՆԱՑ 16:2

Եւ զենցես զզատիկն Տեառն Աստուծոյ քում, ոչխարս եւ արջառս, ի տեղւոջն զոր ընտրեսցէ Տէր Աստուած քո անուանել զանուն իւր անդ.

ԵՐԿՐՈՐԴՈՒՄՆ ՕՐԻՆԱՑ 4:9

Հայեաց ի քեզ եւ զգոյշ լեր անձին քում յոյժ. մի՛ մոռանայցես զամենայն բանս զայսոսիկ զոր տեսին աչք քո, եւ մի՛ մերժեսցին ի սրտէ քումմէ զամենայն աւուրս կենաց քոց. եւ խելամուտ արասցես որդւոց քոց եւ որդւոց որդւոց քոց։

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 1:6

Եւ դուք նմանեալք մեզ եւ Տեառն՝ ընկալայք զբանն ի բազում նեղութեան խնդութեամբ Հոգւոյն Սրբոյ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:7

պատմեսցես դու որդւոյն քում եւ ասիցես, թէ՝ Զի պակասեաց գետն Յորդանան յերեսաց տապանակի ուխտին Տեառն ամենայն երկրի՝՝ մինչ անցանէր ընդ Յորդանան, նուազեաց ջուրն Յորդանանու. եւ եղիցին ձեզ քարինքս այսոքիկ ի յիշատակ ի մէջ որդւոցն Իսրայելի մինչեւ ցյաւիտեան։