ԵՐԿՐՈՐԴՈՒՄՆ ՕՐԻՆԱՑ 16:16 - Գրաբար Աստվածաշունչ (1895)

¹⁶ Զերիս ժամանակս ի տարւոջ յանդիման լիցի ամենայն արու քո առաջի Տեառն Աստուծոյ քո ի տեղւոջն զոր ընտրեսցէ Տէր. ի տօնի բաղարջակերացն, եւ ի տօնի եւթներորդացն, եւ ի տօնի տաղաւարահարացն. եւ ոչ երեւեսցիս առաջի Տեառն Աստուծոյ քո՝՝ ունայնաձեռն.

ԵՐԿՐՈՐԴՈՒՄՆ ՕՐԻՆԱՑ 16:16 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 9:25

Եւ հանէր Սողոմոն երիցս անգամ ի տարւոջ ողջակէզս եւ խաղաղականս ի վերայ սեղանոյն զոր շինեաց Տեառն, եւ արկանէր խունկս առաջի Տեառն։

ՄՆԱՑՈՐԴԱՑ ԵՐԿՐՈՐԴ 8:13

եւ ըստ բանին աւուրց յաւուրս մատուցանել ըստ պատուիրանացն Մովսիսի ի շաբաթսն եւ յամսամուտսն եւ ի տօնսն. երիս ժամանակս ի տարւոջ, ի տօնի բաղարջակերացն, եւ ի տօնի եւթներորդացն, եւ ի տօնի տաղաւարահարացն։

ԵԶՐ 3:1

Եւ ժամանեաց եհաս ամիսն եւթներորդ. եւ էին որդիքն Իսրայելի յիւրաքանչիւր քաղաքս. եւ ժողովեցան ամենայն ժողովուրդն իբրեւ զմի այր յԵրուսաղէմ։

ԳԻՐՔ ՆԷԵՄԵԱՅ 8:15

եւ որպէս նշանակել փողով՝՝ յամենայն քաղաքս իւրեանց եւ յԵրուսաղէմ, եւ ասէ Եզրա՝՝. Ելէք ի լեառն եւ բերեք տերեւս ձիթենեաց, եւ տերեւս ի ծառոց սօսեաց, եւ տերեւս մրտոց խնկենեաց, եւ տերեւս արմաւենեաց, եւ տերեւս ի թաւ ոստոց ծառոց. եւ արարէք ձեզ տաղաւարս ըստ գրեցելոցն։

ԳԻՐՔ ՍԱՂՄՈՍԱՑ 122:4

Եւս առաւել լցան անձինք մեր նախատանօք որ նախատէին զմեզ՝՝, եւ արհամարհանօք ամբարտաւանից։

ԳԻՐՔ ՍԱՂՄՈՍԱՑ 84:7

Աստուած, դու դարձեալ կեցուսցես զմեզ, ժողովուրդ քո ուրախ եղիցի ի քեզ։

ԳԻՐՔ ՍԱՂՄՈՍԱՑ 84:8

Ցոյց մեզ, Տէր, զողորմութիւնս քո, եւ զփրկութիւնս քո տուր մեզ։

ԳԻՐՔ ՍԱՂՄՈՍԱՑ 96:8

Լուաւ եւ ուրախ եղեւ Սիոն, եւ ցնծասցեն դստերք Յուդայ վասն իրաւանց քոց, Տէր։

ԵԼՔ 34:20

Եւ զանդրանիկն իշոյ փրկեսցես գառամբ. ապա թէ ոչ փրկեսցես զնա, զգինս նորա տացես՝՝։ Զամենայն անդրանիկս որդւոց քոց փրկեսցես. եւ ձեռնունայն առաջի իմ մի՛ երեւեսցին։

ԵԼՔ 34:24

Քանզի մերժեցից զազգսն յերեսաց քոց. եւ ընդարձակեցից զսահմանս քո, եւ ոչ ոք իցէ որ ակն դնիցէ երկրին քում, յորժամ ելանիցես երեւել առաջի Տեառն Աստուծոյ քո երիս ժամանակս ի տարւոջ։

ՄԱՐԳԱՐԷՈՒԹԻՒՆ ԵՍԱՅԵԱՅ 23:18

Եւ եղիցի վարձ վաճառի նորա Տեառն նուիրեալ. ոչ անձանց ինչ ժողովեսցեն՝՝, այլ բնակելոցն առաջի Տեառն եղիցին ամենայն վաճառք նորա, ուտել, ըմպել եւ ուրախ լինել ի նշան յիշատակաց առաջի Տեառն՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 33:20

Ահաւասիկ Սիոն քաղաք փրկութեան մերոյ. աչք ձեր տեսցեն զԵրուսաղէմ քաղաք մեծացեալ, խորանք որ ոչ շարժեսցին՝՝. եւ մի՛ շարժեսցին ցիցք խորանի նորա յաւիտեանս ժամանակաց, եւ մի՛ խզեսցին ապաւանդակք նորա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 36:38

Իբրեւ զոչխարս սուրբս, իբրեւ զոչխարս Երուսաղեմի ի տօնս իւրեանց, այնպէս եղիցին քաղաքքն աւերեալք՝ լի խաշամբք մարդկան, եւ ծանիցեն թէ ես եմ Տէր։

ՂԵՒՏԱԿԱՆ 23:34

Խօսեաց ընդ որդիսն Իսրայելի եւ ասասցես. Ի հնգետասաներորդի աւուր ամսեանն եւթներորդի տօն տաղաւարահարաց զեւթն օր Տեառն։

ՄԱՐԳԱՐԷՈՒԹԻՒՆ ԱՆԳԵԱՅ 1:9

Հայեցարուք ի բազում, եւ եղեւ սակաւ. եւ դուք ի ներքս ի տունս կրեցէք, եւ ես արտաքս փչեցի զայն. վասն այդորիկ այսպէս ասէ Տէր ամենակալ. Փոխանակ զի տունդ իմ՝՝ աւեր է, եւ դուք ճեպեալ էք յիւրաքանչիւր տուն իւր։

Մատթեոսի Աւետարան 2:11

Եւ իբրեւ մտին ի տունն, տեսին զմանուկն հանդերձ Մարեմաւ մարբն իւրով, եւ անկեալ երկիր պագանէին նմա. եւ բացեալ զգանձս իւրեանց մատուցին նմա պատարագս՝ ոսկի եւ կնդրուկ եւ զմուռս։

ԱՒԵՏԱՐԱՆ ԸՍՏ ՄԱՐԿՈՍԻ 12:3

Եւ նոցա կալեալ՝ գան հարին զնա եւ արձակեցին ունայն։

ԱՒԵՏԱՐԱՆ ԸՍՏ ՅՈՎՀԱՆՆՈՒ 7:2

Եւ էր մերձ տօնն Հրէից տաղաւարահարաց։

ԵՐԿՐՈՐԴՈՒՄՆ ՕՐԻՆԱՑ 16:15

Զեւթն օր տօնեսցես Տեառն Աստուծոյ քում ի տեղւոջն զոր ընտրեսցէ Տէր Աստուած քո ի նմա. եւ եթէ՝՝ օրհնեսցէ զքեզ Տէր Աստուած քո յամենայն արմտիս քո եւ յամենայն գործս ձեռաց քոց, եւ լինիցիս ուրախ։

ԵՐԿՐՈՐԴՈՒՄՆ ՕՐԻՆԱՑ 16:17

իւրաքանչիւր ըստ կարի ձեռաց իւրոց ըստ օրհնութեան Տեառն Աստուծոյ քո զոր ետ քեզ։

ԵՐԿՐՈՐԴՈՒՄՆ ՕՐԻՆԱՑ 31:11

ի գումարել ամենայն Իսրայելի յանդիման լինելոյ առաջի Տեառն Աստուծոյ քո ի տեղւոջն զոր ընտրեսցէ Տէր, ընթեռնուցուք զօրէնս զայս առաջի Իսրայելի յականջս նոցա,

ԹԱԳԱՒՈՐՈՒԹԵԱՆՑ ԱՌԱՋԻՆ 1:3

Եւ ելանէր այրն աւուրց յաւուրս ի քաղաքէ իւրմէ յԱրիմաթեմայ՝ երկիր պագանել, եւ զոհել Տեառն Աստուծոյ զօրութեանց ի Սելով. եւ անդ Հեղի եւ՝՝ երկու որդիք նորա Ոփնի եւ Փենեէս՝ քահանայք Տեառն։

ԹԱԳԱՒՈՐՈՒԹԵԱՆՑ ԱՌԱՋԻՆ 6:3

Եւ ասեն եթէ առաքիցէք զտապանակն Աստուծոյ Իսրայելի ուխտին Տեառն՝՝, մի՛ առաքիցէք զնա ունայն, այլ տալով տաջիք նմա զհարուածոցն, եւ ապա բժշկեսջիք եւ հաշտեսցի ընդ ձեզ. գուցէ՝՝ ոչ վերանայցէ ձեռն նորա ի ձէնջ։